Quba Rayon Məhkəməsi Qərardad — İş №2(027)-1235/2024

Azərbaycan Respublikası adından QƏRARDAD Quba şəhəri İş № 2(027)-1235/2024 22.05.2024 QUBA RAYON MƏHKƏMƏSİ Hakim Babayev Aydın Vahid sədrliyi, Hacıyev Əmiraslan Arif oğlunun katibliyi ilə, İddiaçı cavabdehlər X1, Cavabdeh2, Cavabdeh3 Əlsəfa oğlu və Cavabdeh4 Əlsəfa oğluna qarşı torpaq sahəsindən payının naturada ayrılması tələbinə dair iddia ərizəsi üzrə mülki işə açıq məhkəmə hazırlıq iclasında baxaraq, məhkəmə müəyyən etdi: İddiaçı cavabdehlər X1, Cavabdeh2, Cavabdeh3 Əlsəfa oğlu və Cavabdeh4 Əlsəfa oğluna qarşı torpaq sahəsindən payının naturada ayrılması tələbinə dair iddia ərizəsi ilə məhkəməyə müraciət etmişdir. İddiaçı Torpağa Mülkiyyət Hüququna Dair JN-0040 KOD 30317018 nömrəli Dövlət Aktına əsasən mənə və cavabdehlərə məxsus ünvan 1i ünvanında yerləşən 0,85 ha kənd təsərrüfatı təyinatlı torpaq sahəsindən mənə düşən 1/5 hissədə payımın torpaq sahəsinin plan cizgisində (miqyas 1:2000) 41 ilə işarələnmiş qonşu torpaq sahəsi tərəfdən, yəni döngə nöqtələri 208008 X-4577932.90 Y-9280782.40, döngə nöqtələri 208007 X-4578056.00 Y-9280929.00 olan hissədən başlamaqla cavabdehlər Cavabdeh1, Cavabdeh2, Cavabdeh3 və Cavabdeh4 düşən paydan naturada ayrılaraq ona verilməsi barədə qətnamə çıxarılmasını xahiş etmişdir. İddiaçı məhkəməyə ərizə təqdim edərək, hazırda tərəflərlə razılığa gələrək heç məsələni məhkəmədənkənar qaydada həll etdiyini bildirərək, iddia ərizəsinin və ona əlavə olunmuş sənədlərin geri qaytarılmasını xahiş etmişdir. Məhkəmə iddiaçının ərizəsini nəzərdən keçirib hesab edir ki, iddia ərizəsi ona əlavə edilmiş sənədlərlə birlikdə iddiaçıya geri qaytarılmalıdır. Azərbaycan Respublikasının Mülki Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının (ərizəçinin) vəsatəti ilə ərizə qaytarıla bilər. Həmin Məcəllənin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 114.1.3-cü maddəsinə əsasən Bu Məcəllə ilə nəzərdə tutulmuş əsaslarla iddia ərizəsi geri qayatrılarsa, ödənilmiş dövlət rüsumu geri qaytarılır. Göstərilənlərə əsasən və Azərbaycan Respublikası Mülki Prosessual Məcəlləsinin 152, 263-264, 266-268-ci maddələrini rəhbər tutaraq, qərara aldı: İddiaçı cavabdehlər X2, Cavabdeh2, Cavabdeh3 Əlsəfa oğlu və Cavabdeh4 Əlsəfa oğluna qarşı torpaq sahəsindən payının naturada ayrılması tələbinə dair iddia ərizəsi və ona əlavə olunmuş sənədlər İddiaçı geri qaytarılsın. Qəraradad iş üzrə ödənilmiş 100 (bir yüz) manat məbləğində dövlət rüsumunun (təyinatı: Quba Rayon Məhkəməsi, mədaxil qəbzinin nömrəsi: **********, ödəniş Tarixi: xx.xx.2024, Büdcə səviyyə kodu: 142213 İddiaçı geri qaytarılması üçün əsasdır. Qərardaddan rəsmi qaydada verildikdən sonra 10 (on) gün müddətində (elektron kabinet vasitəsilə) Quba Rayon Məhkəməsinə şikayət verilə bilər. Hakim: Aydın Babayev