Quba Rayon Məhkəməsi Qərardad — İş №2(027)-1664/2022

Azərbaycan Respublikası adından QƏRARDAD Quba şəhəri İş № 2(027)-1664/2022 04.07.2022 QUBA RAYON MƏHKƏMƏSİ Hakim Məmmədov İlqar Aslan oğlunun sədrliyi, Hacıyev Əmiraslan Arif oğlunun katibliyi ilə, İddiaçılar İddiaçı1, İddiaçı2 və İddiaçı3 cavabdehlər Maraqlı şəxs1 və Maraqlı şəxs2 qarşı torpaq sahəsinin qanunsuz sahiblikdən geri qaytarılması tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə Müəyyən etdi: İddiaçılar İddiaçı1, İddiaçı2 və İddiaçı3 cavabdehlər Maraqlı şəxs1 və Maraqlı şəxs2 qarşı torpaq sahəsinin qanunsuz sahiblikdən geri qaytarılması tələbinə dair iddia ərizəsi ilə məhkəməyə müraciət etmişlər. 04 iyul 2022-ci il tarixə təyin edilmiş məhkəmənin hazırlıq iclası zamanı müəyyən edildi ki, İddiaçı3 ərizə ilə məhkəməyə müraciət edərək, iddia ərizəsini və ona əlavə edilmiş sənədlərin onlara geri qaytarılmasını məhkəmədən xahiş etmişdir. Cavabdehlər Maraqlı şəxs1 və Maraqlı şəxs2 məhkəmə iclasına gəlməmişlər. Məhkəmə qeyd edilənləri nəzərə alaraq hesab edir ki, iddia ərizəsi və ona əlavə edilmiş sənədlər qaytarılmalıdır. Azərbaycan Respublikası Mülki-Prosessual Məcəlləsinin 170.1-ci maddəsinə əsasən Bu Məcəllənin 254, 255, 261.0.-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Göstərilənlərə əsasən və Azərbaycan Respublikası MPM-nin 170.1, 263-264 və 266-268-ci maddələrini rəhbər tutaraq, məhkəmə qərara aldı: İddiaçılar İddiaçı1, İddiaçı2 və İddiaçı3 cavabdehlər Maraqlı şəxs1 və Maraqlı şəxs2 qarşı torpaq sahəsinin qanunsuz sahiblikdən geri qaytarılması tələbinə dair iddia ərizəsi və əlavə edilmiş sənədlər geri qaytarılsın. Qərardaddan, qərardad rəsmi qaydada verildiyi vaxtdan 10 gün müddətində Quba Rayon Məhkəməsinə şikayət verilə bilər. Sədrlik edən:İlqar Məmmədov