Qusar Rayon Məhkəməsi Qərardad — İş №2(029)-792/2020

Azərbaycan Respublikası adından QƏRARDAD Qusar şəhəri İş № 2(029)-792/2020 14.08.2020 QUSAR RAYON MƏHKƏMƏSİ Mən, Qusar rayon məhkəməsinin hakimi Vəliyev Adil Yaqub oğlu İddiaçı Cavabdeh qarşı zəhmət haqqının qaytarılması tələbinə dair iddia ərizəsinə baxaraq, Müəyyən etdim: İddiaçı Cavabdeh qarşı zəhmət haqqının qaytarılması tələbinə dair iddia ərizəsi ilə məhkəməyə müraciət etmişdir. Azərbaycan Respublikasının MPM-nin 149.2.3, 149.2.5-ci maddələrinə əsasən ərizədə iddiaçının və ya ərizəçinin tələbi, onların öz tələblərini əsaslandırdıqları hallar, iddia bir neçə cavabdehə verildikdə isə onların hər birinə yönələn tələb; ərizəyə əlavə edilən sənədlərin siyahısı göstərilməlidir. Həmin Məcəllənin 150.0.5-ci maddəsinə əsasən iddiaçının öz tələblərini əsaslandırdığı hallara dair sənədlər, əgər bu sənədlərin surətləri cavabdehlər və üçüncü şəxslərdə yoxdursa, onlara verilmək üçün bu sənədlərin surətləri iddia ərizəsinə əlavə edilir. Mülki prosessual qanunvericiliyə əsasən ərizəyə əlavə edilən sənədlərin siyahısı ərizənin tərkib hissəsi kimi müəyyən edilmişdir. İş materiallarından görünür ki, Qusar rayon məhkəməsinin xx xxxxxx 2020-ci il tarixli 2(029)-312/2020 saylı qərardadı ilə hazırkı iddia ərizəsində iddiaçının və cavabdehin poçt ünvanları göstərilmədiyindən, həmçinin iddia tələbinin əsası kimi istinad olunmuş hallara dair heç bir sənəd ərizəyə əlavə olunmadığından iddia ərizəsi və ona əlavə olunmuş sənədlər geri qaytarılmışdır. İddiaçı tərəfindən həmin qərardadda göstərilən nöqsanlar qismən aradan qaldırılmaqla iddiaçının və cavabdehin poçt ünvanları göstərilsə də, iddia tələbinin əsası kimi istinad olunmuş hallara-yəni iddia ərizəsində qeyd edildiyi kimi iddiaçının cavabdeh üçün 1850 manat dəyərində iş görməsinə dair ərizəyə yenə də heç bir sənəd əlavə olunmamışdır. Beləliklə, ərizə yenidən Azərbaycan Respublikasının MPM-nin 149-cu maddəsinin tələbləri pozulmaqla məhkəməyə verilmişdir. Azərbaycan Respublikasının MPM-nin 152.1.1-ci maddəsinə əsasən ərizənin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Ona görə də, hesab edirəm ki, ərizə geri qaytarılmalıdır. Yuxarıda göstərilənlərə əsasən və Azərbaycan Respublikasının MPM-nin 152.1.1, 263- 264, 267-268-ci maddələrini rəhbər tutaraq, Qərara aldım: İddia ərizəsi və ona əlavə edilmiş sənədlər İddiaçı geri qaytarılsın. İddiaçı izah edilsin ki, göstərilən nöqsanlar aradan qaldırıldıqdan sonra yenidən ümumi qaydada ərizə ilə məhkəməyə müraciət edilə bilər. Qərardaddan tərəfə rəsmi qaydada verildikdən sonra 10 gün müddətində Qusar rayon məhkəməsinə şikayət vermək olar.