Daşkəsən Rayon Məhkəməsi Qərardad — İş №2(030)-617/2024

Azərbaycan Respublikası adından QƏRARDAD Daşkəsən rayonu İş № 2(030)-617/2024 13.09.2024 DAŞKƏSƏN RAYON MƏHKƏMƏSİ X1, Ərizəçi hüquqi əhəmiyyətli faktın müəyyən edilməsi tələbinə dair ərizəsi və ərizəyə əlavə olunmuş sənədləri nəzərdən keçirərək MÜƏYYƏNETDİ: Ərizəçi ərizə ilə məhkəməyə müraciət edib 03 noyabr 2023-cü il tarixdə vəfat etmiş mərhum atası X2 miras qalmış əmlakların vərəsələr Maraqlı şəxs3, Maraqlı şəxs4 və Maraqlı şəxs5 tərəfindən qəbul edilməsi faktının müəyyən edilməsi barədə qətnamə çıxarılmasını xahiş etmişdir. Ərizəçi ərizəsini və ona əlavə edilmiş sənədləri tədqiq edərək məhkəmə hesab edir ki, ərizə geri qaytarılmalıdır. Belə ki, ərizənin tərtib edilməsində Azərbaycan Respublikası Mülki Prosessual Məcəlləsinin 149-cu maddəsi ilə müəyyən olunmuş forma və məzmunun tələblərinə riayət edilməmişdir. Belə ki, Azərbaycan Respublikası Mülki Prosessual Məcəlləsinin 149.2.3-cü maddəsinə əsasən iddianın predmeti və qiyməti, iddiaçının və ya ərizəçinin tələbləri, onların öz tələblərinin əsası kimi istinad etdiyi fakt və hallar və onları təsdiq edən sübutların siyahısı, iddia bir neçə cavabdehə verildikdə isə onların hər birinə qarşı yönələn tələb göstərilir. Məzmunundan göründüyü kimi Ərizəçi 03 noyabr 2023-cü il tarixdə vəfat etmiş mərhum atası X2 miras qalmış əmlakların vərəsələr Maraqlı şəxs3, Maraqlı şəxs4 və Maraqlı şəxs5 tərəfindən qəbul edilməsi faktnın müəyyən edilməsini tələb etmişdir. Məhkəmə qeyd edir ki, hüquqi əhəmiyyətli faktın müəyyən edilməsi tələbi ərizəçinin maraq və mənafelərindən irəli gəlmiş olmalıdır. Hazırkı ərizədə isə ərizəçi hüquqi əhəmiyyəti olan faktın özünə münasibətdə deyil, digər şəxslərə münasibətdə müəyyən edilməsini xahiş etmişdir. Azərbaycan Respublikası Mülki Prosessual Məcəlləsinin 152.1.1-ci maddəsinə əsasən, iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə sənədlər geri qaytarılır. Həmin Məcəllənin 152.1.2-ci maddəsinə əsasən, ərizə onu imzalamağa hüququ olmayan şəxs tərəfindən imzalandıqda hakim ərizəni və ona əlavə edilmiş sənədləri geri qaytarır. Həmin Məcəllənin 152.4-cü maddəsinə əsasən, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Şərh olunanlara əsasən və Azərbaycan Respublikası Mülki Prosessual Məcəlləsinin 152, 263, 264, 267, 268-ci maddələrini rəhbər tutaraq, məhkəmə QƏRARAALDİ: Ərizəçi hüquqi əhəmiyyətli faktın müəyyən edilməsi tələbinə dair ərizəsi və ona əlavə edilmiş sənədlər geri qaytarılsın. Ərizənin qaytarılması üçün əsas olmuş çatışmazlıqlar aradan qaldırılandan sonra ümumi qaydada məhkəməyə yenidən müraciət edilə bilər. Qərardaddın rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılmış elektron kabinet üzərindən Daşkəsən rayon məhkəməsinə şikayət verilə bilər Hakim: Kənan Vəliyev