İsmayıllı Rayon Məhkəməsi Qərardad — İş №2(037)-816/2021

Azərbaycan Respublikası adından QƏRARDAD İsmayıllı rayonu İş № 2(037)-816/2021 24.09.2021 İSMAYILLI RAYON MƏHKƏMƏSİ Şirinov Rəfayel Səməd oğlunun sədrliyi Əbilli Xəyyam Gündüz oğlunun katibliyi ilə İddiaçı cavabdeh İsmayıllı rayon Notariat Ofisinə qarşı mirasın qəbul edilməsi faktının müəyyən edilməsi tələbinə dair ərizəsini və ona əlavə edilmiş sənədləri 24 sentyabr 2021ci il tarixdə İsmayıllı şəhərində İsmayıllı Rayon Məhkəməsinin binasında nəzərdən keçirərək məhkəmə müəyyən etdi: İddiaçı ərizə ilə müraciət edərək 30 yanvar 2006-cı il tarixdə vəfat etmiş atası X2 və 20 fevral 2011-ci il tarixdə vəfat etmiş anası X1 miras qalmış İsmayıllı şəhəri, Əliyev küçəsi 73 ünvanında yerləşən İsmayıllı rayon AİK-in 25 yanvar 2013-cü il tarixli 111 saylı qərarı ilə onların mülkiyyətinə verilmiş 0,06 hektar həyətyanı torpaq sahəsindən ibarət miras əmlakını onun tərəfindən qəbul edilməsi faktının müəyyən olunması barədə qətnamə qəbul edilməsini xahiş etmişdir. Məhkəmə iclası zamanı AZE №0******* nömrəli şəxsiyyət vəsiqəsinin surəti ilə müəyyən edildi ki, İddiaçı ünvan 1 ünvanında yaşayır. Azərbaycan Respublikası Mülki Prosessual Məcəlləsinin 37-ci maddəsinə əsasən tikintiyə, qurğuya, torpaq sahəsinə sahiblik faktının müəyyən edilməsinə dair həmin tikintinin, qurğunun, torpaq sahəsinin olduğu yerdə baxılan işlər istisna olmaqla, hüquqi əhəmiyyəti olan faktların müəyyən edilməsi barədə işlərə ərizəçinin olduğu yerdə baxılır. 40.1-ci maddəsinə əsasən ərazi aidiyyəti qaydalarının pozulmasına yol verilmir. 44.2.1 və 44.2.2-ci maddələrinə əsasən əvvəlcə yaşayış yeri məlum olmayan cavabdeh işi onun yaşadığı yerin məhkəməsinə vermək haqqında vəsatət verərsə; iş həmin məhkəmədə baxıldığı zaman onun aidiyyət qaydalarının pozulması ilə icraata qəbul edildiyi aşkar olarsa məhkəmə işi başqa məhkəmədə baxılmağa verir. Məhkəmə hesab edir ki, iş üzrə İddiaçı ünvan 1 ünvanında qeydiyyatda olduğuna görə mülki iş baxılması üçün Bakı şəhəri Sabunçu Rayon Məhkəməsinə verilməlidir. Qeyd olunanlara əsasən və Azərbaycan Respublikası Mülki Prosessual Məcəlləsinin 37, 40, 44, 263, 264, 266-268-ci maddələrinin tələblərini rəhbər tutaraq məhkəmə qərara aldı: İddiaçı cavabdeh İsmayıllı rayon Notariat Ofisinə qarşı mirasın qəbul edilməsi faktının müəyyən edilməsi tələbinə dair mülki iş baxılması üçün Bakı şəhəri Sabunçu Rayon Məhkəməsinə verilsin. Qərardad tərəflərə rəsmi qaydada verildikdən sonra 10 (on) gün müddətində qərardaddan İsmayıllı Rayon Məhkəməsinə şikayət verilə bilər. Sədrlik edən Rəfayel Şirinov