Yevlax Rayon Məhkəməsi Qərardad — İş №2(039)-1873/2021

Azərbaycan Respublikası adından QƏRARDAD Yevlax Rayou İş № 2(039)-1873/2021 26.08.2021 YEVLAX RAYON MƏHKƏMƏSİ Yevlax Rayon Məhkəməsinin hakimi Əlizadə Ruslan Əliyar oğlu Ərizəçi Maraqlı şəxsnə qarşı «doğum haqqında şəhadətnamənin ləğv edilməsi» haqqında ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: Ərizəçi Maraqlı şəxsnə qarşı «doğum haqqında şəhadətnamənin ləğv edilməsi» haqqında ərizə ilə məhkəməyə müraciət edərək, Maraqlı şəxs tərəfindən verilmiş X2 adına olan 120319 nömrəli 10 iyul 2008-ci il tarixli doğum haqqında şəhadətnamənin ləğv edilməsinə dair qətnamə çıxarılmasını xahiş etmişdir. Ərizəçi ərizəsini onunla əsaslandırmışdır ki, birgə nikahlarından 01 dekabr 2004-cü ildə X3 adında bir oğlu anadan olmuşdur. Həmin uşaq Rusiya Federasiyasının Başqırdıstan Respublikasının Sterlitamak şəhərində doğulmuş və ona Rusiya Federasiyası tərəfindən 826478 №-li 21 dekabr 2004-cü il tarixli «Doğum haqqında şəhadətnamə» verilmişdir. Lakin onlar Azərbaycan Respublikasına qayıtdıqdan sonra mərhum anası Sehran Abbasova onların məlumatı olmadan Maraqlı şəxsnə müraciət edərək X1 adına 120319 №-li 10 iyul 2008-ci il tarixli «Doğum haqqında şəhadətnamə» almışdır (sonradan bu hallarla bağlı Yevlax Rayon Polis şöbəsində araşdırılma aparılaraq işə xitam verilmişdir). Hazırda onlar uşağa şəxsiyyət vəsiqəsi almaq üçün Bərdə «Asan Xidmət» Mərkəzinə müraciət edən zaman onlara bildirdilər ki, uşağa vəsiqə Rusiyanın şəhadətnaməsi əsasında veriləcək, lakin sistemdə Azərbaycana aid şəhadətnamə də olduğu üçün vəsiqənin verilməsi mümkünsüzdür. Bunun üçün Azərbaycana aid olan şəhadətnamə ləğv edliməlidir. O, da şəhadətnamənin ləğvi üçün cavabdehə müraciət etsə də, cavabdehin 17 avqust 2021-ci il tarixli 1677 №-li məktubu ilə bundan imtina edilmişdir. Məhkəmə ərizəni və ona əlavə edilmiş sənədləri nəzərdən keçirərək hesab edir ki, iddianın yolverilməzliyinə görə ərizənin qəbulundan imtina edilməlidir. İnzibati və mülki hüquq münasibətlərindən irəli gələn mübahisələrin məhkəmə aidiyyətinə dair Azərbaycan Respublikası Ali Məhkəməsi Plenumunun 10 aprel 2015-ci il tarixli 4 saylı qərarının 9.1-ci bəndinə əsasən Vətəndaşlıq vəziyyəti aktlarının qeydiyyatını aparan orqanlar (Azərbaycan Respublikası Ədliyyə Nazirliyinin və Naxçıvan Muxtar Respublikasının ərazisində Naxçıvan Muxtar Respublikası Ədliyyə Nazirliyinin rayon (şəhər) qeydiyyat şöbələri, nikah evləri, Azərbaycan Respublikası Xarici İşlər Nazirliyinin xaricdəki konsulluq idarələri, rayon tabeli şəhərlərdə, qəsəbələrdə və kəndlərdə rayon, şəhər, şəhər rayonu icra hakimiyyətlərinin nümayəndəlikləri) tərəfindən vətəndaşlıq vəziyyəti aktlarının qeydiyyatı kitablarında (akt kitablarında) qeydlərin aparılması, qeydlərin aparılmasından imtina olunması və ya həmin qeydlərdə düzəlişlərin edilməsindən imtina olunması ilə bağlı maraqlı şəxslərlə həmin orqanlar arasındakı mübahisələrə (vətəndaşlıq vəziyyəti aktlarının qeydiyyatı kitablarında (akt kitablarında) qeydlərin düzgün olmamasının müəyyən edilməsi haqqında ərizələr istisna edilməklə (MPM-in XXXVİİ fəsli), habelə adın, ata adının və soyadın dəyişdirilməsindən imtina olunması ilə bağlı verilən iddialara inzibati məhkəmə icraatı qaydasında baxılır. Azərbaycan Respublikası Mülki-Prosessual Məcəlləsinin 305.1.1-ci maddəsinə əsasən məhkəmə xüsusi icraat qaydasında hüquqi əhəmiyyəti olan faktların müəyyən edilməsi haqqında işlərə baxır. Həmin Məcəllənin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Həmin Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 310.1-ci maddəsinə əsasən Ərizədə həmin faktın müəyyən edilməsinin ərizəçiyə nə məqsəd üçün lazım olduğu, habelə lazımi sənədləri ərizəçinin ala bilməməsini, yaxud itən sənədlərin bərpasının mümkünsüzlüyünü təsdiq edən sübutlar göstərilməlidir. Azərbaycan Respublikası MPM-nin 31-ci maddəsinə əsasən aidiyyət qaydalarına pozulmasına yol verilmir. Ərizədən görünür ki, mübahisə vətəndaşlıq vəziyyəti aktlarının qeydiyyatı ilə bağlı deyil. Ərizəçi Maraqlı şəxsnə qarşı «doğum haqqında şəhadətnamənin ləğv edilməsi» haqqında ərizə ilə Şəki İnzibati Məhkəməsinə müraciət etməlidir. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 263-264 və 268-ci maddələrini rəhbər tutaraq məhkəmə, QƏRARA ALDİM: Ərizəçi Maraqlı şəxsnə qarşı «doğum haqqında şəhadətnamənin ləğv edilməsi» haqqında ərizəsi və ona əlavə edilmiş sənədlər icraata qəbul edilmədən geri qaytarılsın. Ərizəçi Maraqlı şəxsnə qarşı «doğum haqqında şəhadətnamənin ləğv edilməsi» haqqında ərizə ilə Şəki İnzibati Məhkəməsinə müraciət edə bilər. Qərardaddan 10 gün müddətinə Yevlax Rayon Məhkəməsinə şikayət verilə bilər. Sədrlik edən Ruslan Əlizadə