Yevlax Rayon Məhkəməsi Qərardad — İş №2(039)-1952/2020

Azərbaycan Respublikası adından QƏRARDAD Yevlax Rayou İş № 2(039)-1952/2020 27.10.2020 YEVLAX RAYON MƏHKƏMƏSİ Hakim Cavadova Günay İsmayıl qızının sədrliyi, Qasımov Nurlan Asif oğlunun katibliyi, İddiaçı iştirakı ilə, İddiaçı Cavabdeh qarşı cavabdehin mənzilə istifadə hüququnun olmaması faktının müəyyən edilməsi və qeydiyyatdan çıxarılması tələbinə dair iddiası üzrə mülki işə Yevlax Rayon Məhkəməsinin inzibati binasında açıq məhkəmə iclasında baxaraq, müəyyən etdi: İddiaçı Cavabdehin mənzilə istifadə hüququnun olmaması faktının müəyyən edilməsi və qeydiyyatdan çıxarılması tələbinə dair iddia ərizəsi ilə Yevlax Rayon Məhkəməsinə müraciət etmişdir. İddiaçı iddia ərizəsini belə əsaslandırmışdır ki, ünvan 1 mənzil 14 ünvanında yerləşən 1 otaqlı yaşayış evinin mülkiyyətçisidir. Mülkiyyət hüquqı xx.xx.2006-cı il tarixli, MH ******* nömrəsi olan çıxarışa əsasən təsbit edilmişdir. Cavabdeh uzun müddətdir həmin evdə yaşamır və onun qeydiyyatı formal xarakter daşıyır. Bu hal mülkiyyətçi kimi onların hüquqlarını pozur. Bu səbəbdən cavabdehin fərdi yaşayış evindən istifadə hüquqlarına xitam verilməsi və qeydiyyatının silinməsini xahiş edir. Məhkəmə iclasında iştirak edən iddiaçı iddia ərizəsinin məzmununa uyğun izahat verərək bildirmişdir ki, cavabdehi tanımır, cavabdeh bir gün belə ona məxsus evdə yaşamamış, onunla hər hansı qohumluq əlaqəsi yoxdur və cavabdehin həmin mənzilə hansı əsasla qeydiyyata düşməsi barədə hər hansı məlumatı yoxdur. Hazırkı tələbi ilə Maraqlı şəxsnə müraciət etsə də, tələbi təmin edilməmiş və ona məhkəməyə müraciət etməli olduğu bildirilmişdir. Məhkəmə hesab edir ki, iş məhkəmədə baxılmalı olmadığından iş üzrə icraata xitam verilməlidir. Belə ki, ddiaçı cavabdehin ona məxsus yaşayış evinə hər hansı əmlak hüququnun olmamasını, bir gün belə həmin yaşayış evində yaşamadığını və təsadüfən həmin evə qeydiyyata düşdüyünü əsas gətirərək iddia tələbini əsaslandırmışdır. “Yaşayış yeri və olduğu yer üzrə qeydiyyat haqqında” Azərbaycan Respublikası Qanununun 9-cu maddəsinin birinci hissəsinin bəzi müddəalarının şərh edilməsinə dair Azərbaycan Respublikası Konstitusiya Məhkəməsi Plenumunun xx xxxxxxxx 2020-ci il tarixli Qərarında göstərilir ki, “Yaşayış sahəsinə əmlak hüquqları mövcud olmayan şəxslərin mülkiyyətçinin tələbi əsasında qeydiyyatdan çıxarılmasından inzibati orqan tərəfindən imtina edildikdə, məhkəmələr bununla bağlı mübahisələrə inzibati məhkəmə icraatı qaydasında baxaraq şəxsin yaşayış yeri üzrə qeydiyyatdan çıxarılması öhdəliyini həmin orqanın üzərinə qoya bilər. Azərbaycan Respublikası Mülki Prosessual Məcəlləsinin 261.0.1-ci maddəsinə əsasən iş məhkəmədə baxılmalı deyildirsə hakim iş üzrə icraata xitam verir. Qeyd olunanlara əsasən məhkəmə hesab edir ki, iddiaçı hazırki tələbi ilə bağlı inzibati orqana- Maraqlı şəxsnə müraciət etməlidirlər. İnzibati orqan tərəfindən tələbi təmin edilmədiyi halda isə müvafiq inzibati məhkəməyə müraciət edə bilər. Qeyd olunanları nəzərə alaraq və Azərbaycan Respublikası Mülki Prosessual Məcəlləsinin 261, 264 və 268-ci maddələrini rəhbər tutaraq məhkəmə, qərara alıdı: İddiaçı Cavabdehin mənzilə istifadə hüququnun olmaması faktının müəyyən edilməsi və qeydiyyatdan çıxarılması tələbinə dair iddia ərizəsi üzrə mülki iş üzrə icraata xitam verilsin. İddiaçı izah olunur ki, iddia ərizəsində göstərilən tələblə bağlı müvafiq inzibati məhkəməyə müraciət etmək hüququ vardır. Qərardad tərəflərə rəsmi qaydada verildikdən sonra ondan 10 (on) gün müddətində Yevlax Rayon Məhkəməsinə şikayət verilə bilər. Hakim Günay Cavadova