Yevlax Rayon Məhkəməsi Qətnamə — İş №2(039)-796/2022

Azərbaycan Respublikası adından QƏTNAMƏ Yevlax Rayou İş № 2(039)-796/2022 21.04.2022 YEVLAX RAYON MƏHKƏMƏSİ Hakim Əliyev Toğrul Məhəmməd oğlunun sədrliyi, Məhkəmə iclas katibi Məmmədəliyeva Səriyyə Qoca qızının katibliyi, Ərizəçi iştirakı ilə, Ərizəçi doğum faktının müəyyən edilməsinə dair ərizəsi üzrə mülki işə, Yevlax Rayon Məhkəməsinin inzibati binasında, açıq məhkəmə iclasında baxaraq, müəyyən etdi: Ərizəçi, maraqlı şəxs olaraq Maraqlı şəxs qeyd etməklə, Yevlax Rayon Məhkəməsinə ərizə ilə müraciət edərək, övladları X4 15.03.2016-cı il tarixdə, X2 24.03.2018-ci il tarixdə və X3 16.11.2021-ci il tarixdə Yevlax şəhərində anadan olması faktının müəyyən edilməsinə dair çıxarılmasını xahiş etmişdir. İşin halları: Ərizə belə əsaslandırılmışdır ki, Ramil Həsənovla nikahlarından doğulmuş X8 15.03.2016-cı ildə, X5 24.03.2018-ci ildə və X6 16.11.2021-cı ildə ev şəraitində anadan olmuşdur. Buna görə hazırkı tarixədək onların adına doğum haqqında şəhadətnamə alınmamışdır. Övladlarının doğum haqqında şəhadətnaməsinin olmaması onların gələcəkdə Azərbaycan Respublikası vətəndaşına uyğun şəxsiyyəti təsdiq edən sənədin alınmasına, müvafiq peşə və ali təhsil almasına, əmək münasibətlərinə daxil olmasına maneçilik törədəcək. Göründüyü kimi, övladlarının doğum faktının tanınması zərurəti yaranmışdır və onlara müvafiq doğum haqqında şəhadətnamə verilməlidir. Lakin o, Maraqlı şəxsnə bu barədə müraciət etsə də, ona övladlarının doğum haqqında şəhadətnamələrini verməmişlər və məhkəməyə müraciət etməyi tövsiyə etmişlər. Tərəflərin izahatları: Məhkəmə iclası zamanı Ərizəçi ərizənin məzmununa uyğun izahat verərək ərizəsinin təmin edilməsini xahiş etmişdir. Maraqlı şəxs Yevlax şəhər qeydiyyat şöbəsinə məhkəmə iclasının vaxtı və yeri barədə lazımi qaydada məlumat verilməsinə baxmayaraq nümayəndəsinin iştirakını təmin etməmiş və bunun səbəbi barədə məlumat verməmişdir. Məhkəmə, qeydiyyat şöbəsinin nümayəndəsinin iştirakı olmadan iclasın keçirilməsini mümkün hesab etmişdir. Sübutlar: X1 bildirmişdir ki, Ərizəçi və Ramil Həsənov onun qonşularıdır, onları uzun müddətdir tanıyır. Ərizəçi birgə yaşadıqları müddətdə ev şəraitində 15 mart 2016-cı il tarixdə Sevil, 24 mart 2018-ci il tarixdə Gülmira və 16 noyabr 2021-ci il tarixdə Esmira adlı uşaqları doğmuşdur. Uşaqlar sağlamdır, valideynləri ilə birlikdə yaşayırlar. Qeydiyyat şöbəsi tərəfindən Ərizəçi ünvanlanmış məktubda qeyd edilir ki, 15.03.2016-cı ildə anadan olmuş qız, 24.03.2018-ci ildə anadan olmuş qız, 16.11.2021-cı ildə anadan olmuş qız övladlarınıza doğum haqqında şəhadətnamə verilməsi barədə Maraqlı şəxsnə daxil olmuş müraciətinizə baxılmışdır. Övladlarınıza doğum haqqında şəhadətnamə doğum haqqında tibbi şəhadətnamə təqdim edildikdən sonra verilə bilər. İcbari Tibbi Sığorta üzrə Dövlət Aqentliyi “Yevlax Rayon Mərkəzi Xəstəxanası” publik hüquqi şəxsi tərəfindən verilmiş arayışlarda qeyd olunur ki, ünvan 1 ünvanında yaşayan 15.03.2016-cı il təvəllüdlü X8, 24.03.2018-ci il təvəllüdlü X5 və 16.11.2021-ci il təvəllüdlü X6 müayinədən keçmişlər, sağlamdırlar. AZE ******** sayı şəxsiyyət vəsiqəsinin surətindən müəyyən olunur ki, Ərizəçi Dunyamalı qızı xx.xx.1988-ci tarixdə Yevlax şəhərində anadan olmuşdur. Azərbaycan Respublikası vətəndaşıdır. Yevlax Şəhər İcra Hakimiyyəti 3 saylı Mənzil-Təmir İstismar Sahəsinin təqdim etdiyi 012 nömrəli, 18 fevral 2022-ci il tarixli arayışlarda qeyd olunur ki, Ərizəçi həqiqətən Yevlax şəhəri, Nizami prospekti, 2/ 49 ünvanında ailə üzvləri qızları X8, X5 və X6 ilə birlikdə yaşayır. Hüquqi məsələlər: Mülki Prosesual Məcəllə: Maddə 14.2. Məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Maddə 77.1. İşə hər bir tərəf öz tələblərinin və etirazlarının əsası kimi istinad etdiyi halları sübut etməlidir. Maddə 104.1. Şahid ona məlum olan məlumatları və halları məhkəməyə şifahi bildirir. Maddə 217.4. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Maddə 305.1.1 məhkəmə xüsusi icraat qaydasında hüquqi əhəmiyyət olan faktların müəyyən edilməsi haqqında işlərə baxır. Maddə 307.2.3. doğumun, övladlığa götürmənin, nikahın, boşanmanın, ölümün qeyd edilmə faktının müəyyən edilməsi barədə işlərə baxa bilər. Maddə 308 məhkəmə hüquqi əhəmiyyətli olan faktları o zaman müəyyən edə bilər ki, ərizəçi həmin faktları təsdiq edən lazımı sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məhkəmənin hüquqi mövqeyi: Məhkəmə ərizəçinin izahatını, şahidlərin ifadələrini dinləyib, iş materiallarını nəzərdən keçirərək belə qənaətə gəlir ki, şahidin ifadəsini və digər sübutları təkzib edən, onların mötəbərliliyini sübut növü kimi şübhə altına alan hallar müəyyən edilmədiyindən istinad edilən normanın tələbləri baxımından həmin sübutlar mötəbər sübut kimi qəbul edilməlidir. Məhkəmə təqdim edilmiş sübutlara hüquqi qiymət verərək belə qənaətə gəlir ki, həmin sübutlarla ərizəçinin 15 mart 2016-cı il tarixdə bir qız uşağının, 24 mart 2018-cı il tarixdə bir qız uşağının və 16 noyabr 2021-ci il tarixdə bir qız uşağının Yevlax şəhərində ev şəraitində doğması təsdiqini tapır, bu faktın təsdiq edilməsi ərizəçiyə uşaqlar üçün doğum, habelə atalığın müəyyən edilməsi haqqında şəhadətnamənin alınması üçün gərəkdir, ərizəçi həmin faktı təsdiq edən lazımi sənədləri başqa qaydada ala bilməz və bu faktın qanunvericilikdə müəyyən edilməsinin başqa qaydası nəzərdə tutulmamışdır. Bu səbəbdən ərizə həmin hissədə təmin edilməlidir. Lakin qeyd olunmalıdır ki, ərizədə uşaqların soyadı, adı və ata adı qeyd edilsə də, həmin faktın xüsusi icraat qaydasında müəyyən edilməsi mülki prosessual qanunvericiliklə nəzərdə tutulmamışdır. Şərh olunanlara əsasən və Mülki Prosessual Məcəllənin 216-220, 360-cı maddələrini rəhbər tutaraq, məhkəmə qət etdi: İddia qismən təmin edilsin. Ərizəçi Yevlax şəhərində 15 mart 2016-cı il tarixdə bir qız uşağı, 24 mart 2018-ci il tarixdə bir qız uşağı, 16 noyabr 2021-ci il tarixdə bir qız uşağı doğması faktı müəyyən edilsin. Bu qətnamə müvafiq doğum akt qeydinin Maraqlı şəxs tərəfindən aparılması üçün əsasdır. Qalan hissədə iddia təmin edilməsin. Qətnamədən rəsmi qaydada verildiyi gündən bir ay müddətində Yevlax Rayon Məhkəməsi vasitəsilə Şəki Apellyasiya Məhkəməsinin Mülki Kollegiyasına apellyasiya şikayəti verilə bilər. Sədrlik edən Toğrul Əliyev