Kürdəmir Rayon Məhkəməsi Qərardad — İş №2(041)-1392/2023

Azərbaycan Respublikası adından QƏRARDAD Kürdəmir rayon İş № 2(041)-1392/2023 03.10.2023 KÜRDƏMİR RAYON MƏHKƏMƏSİ X19 Xalıq oğlunun sədrliyi Qurbanov Ruslan Şirvan oğlunun katibliyi Ərizəçilər Ərizəçi1, Ərizəçi2 iştirakı ilə, Ərizəçilər Ərizəçi1, Ərizəçi2 qohumluq faktının müəyyən edilməsi barədə ərizəsi üzrə mülki işə məhkəmənin binasında açıq məhkəmə iclasında baxaraq, M Ü Ə Y Y Ə N E T D İ: Ərizəçilər Ərizəçi1, Ərizəçi2 ərizə ilə məhkəməyə müraciət edərək ərizəçilərin mərhum X4 qohumu olmalarını, yəni X4 bacısı nəvələri olmaqla qohumluq faktının müəyyən edilməsi barədə qətnamə qəbul edilməsini xahiş etmişdir. Ərizədə tələb onunla əsaslandırılmışdır ki, Kürdəmir rayon Dəyirmanlı kəndində yerləşən 4.4970 ha torpaq sahəsinin 0.7495 ha hissəsi X5 bacısı mərhum X4 mülkiyyətində olmuş, R.Cəfərova xx.xx.2017-ci il tarixdə vəfat etmiş, ərdə olmamış və onun övladları olmamışdır. R.Cəfərova ölənə kimi onlarla, anaları X6, bacısı Ərizəçi2 və X7 ilə birgə yaşamışlar. Ölümündən sonra ona məxsus olan 0.7495 ha torpaq sahəsi faktiki olaraq ərizəçilərin və ailə üzvlərinin istifadəsindədir. Faktiki olaraq mirası qəbul edərək idarə edirlər. X1 Rəfiqə Saday qızı ilə bacı olması Kürdəmir rayon məhkəməsinin xx.xx.2021-ci il tarixli 2(041)-707/2021 saylı qətnaməsi ilə təsdiq olunmuşdur. Lakin mərhum X4 miras əmlakının qəbulu ilə bağlı notatius hərəkətlərini etmək üçün Ərizəçi1, bacıları Ərizəçi2 və X2 mərhumla qohumluq əlaqələrinin olmasına ehtiyac yaranmışdır. İşə əlavə edilmiş, Kürdəmir rayon məhkəməsinin xx.xx.2021-ci il tarixli 2(041)- 707/2021 saylı qətnaməsi ilə X5 X12 ilə bacı olması faktı təsdiq olunmuşdur. Lakin işə əlavə edilmiş, ərizəçilərin atası X9 doğum haqqında şəhadətnaməsində anası qrafasında X8 göstərilmişdir. X3 X11 və X12 ilə qohumluq əlaqəsi, yəni bacı olmaları heç bir sənədlə öz təsdiqini tapmır. Məhkəmə qeyd edir ki, Azərbaycan Respublikası MPM-nin 307.2.1-ci maddəsi şəxslərin qohumluq münasibətlərinin müəyyən edilməsini nəzərdə tutur. Məhkəmə qaydasında bu faktlar o halda müəyyən edilir ki, vətəndaşlıq vəziyyəti aktlarının dövlət qeydiyyatını aparan orqanlarda müvafiq qeydlər saxlanılmamışdır və onların bərpası (vətəndaşlıq vəziyyəti aktlarının qeydləri saxlanılan arxivin itməsi, müharibə, təbii fəlakət, yanğın və sair nəticəsində arxivin məhv olması və sair səbəbdən) mümkün deyildir və belə qeyd yalnız vətəndaşlıq vəziyyəti aktının qeyd edilməsi faktının məhkəmə qaydasında müəyyən edilməsi barədə qətnamə əsasında bərpa edilə bilər. Lakin ərizəyə əlavə edilmiş sənədlər araşdırılarkən ərizəçilərin Kürdəmir rayonu Dəyirmanlı kəndində yerləşən 4.4970 ha torpaq sahəsinin 0.7495 ha hissəsinin mülkiyyətçisi mərhum X12 ilə qohumluq münasibətlərində olmalarını təsdiq edən sənədlərin əldə edilməsi barədə qeydiyyat orqanlarına və dövlət arxivinə müraciət edilmədiyi aşkar edilmişdir. Azərbaycan Respublikası Mülki Prosessual Məcəlləsinin 308-ci maddəsinin tələblərinə görə məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” Azərbaycan Respublikası Ali Məhkəməsi Plenumunun12 aprel 2019-cu il tarixli, 03 saylı Qərarının 1.2-ci bəndində qeyd edilmişdir ki, hüquqi əhəmiyyəti olan faktlar məhkəmə qaydasında o halda müəyyən edilə bilər ki, qanuna əsasən belə faktlar hüquqi nəticələr doğurmaqla fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinə səbəb olsun, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın, qüvvədə olan qanunvericiliklə belə faktın müəyyən edilməsinin məhkəmədən kənar qaydası nəzərdə tutulmasın və hüquq haqqında mübahisə olmasın. Bütün bu şərtlər birlikdə mövcud olmalıdır, onların hər hansı birinin mövcud olmaması həmin işə xüsusi icraat qaydasında baxılmasını istisna edir. Həmin Qərarın 1.3-cü bəndində məhkəmələrə tövsiyyə edilmişdir ki, məhkəmə hər hansı faktı deyil, yalnız qanunvericiliklə müəyyən hüquqi nəticələrə, yəni şəxsi və ya əmlak hüquqlarının yaranmasına, dəyişməsinə və yaxud xitamına səbəb olan faktları müəyyən edir. Məhkəmə qaydasında müəyyən edilən faktların hüquqi əhəmiyyəti maddi hüquq normaları ilə (mülki, mənzil, pensiya qanunvericiliyi və s.) müəyyən edilir. Hüquqi əhəmiyyəti olmayan faktın müəyyən edilməsi barədə ərizələrin icraata qəbulundan məhkəmə MPM-nin 153.2.1-ci maddəsinin tələbinə əsasən imtina etməli, əgər belə ərizə səhvən icraata götürülmüşdürsə, MPM-nin 261.0.1-ci maddəsinə əsasən iş üzrə icraata xitam verilməlidir. Məhkəmə hesab edir ki, hazırki vəziyyətdə iş məhkəmədə baxılmalı olmadığına görə məhkəmə baxışına hazırlığın icraatına xitam verilməlidir. Azərbaycan Respublikası MPM-nin 261.0.1-ci maddəsinə görə iş məhkəmədə və ya mülki məhkəmə icraatı qaydasında baxılmalı deyildirsə hakim iş üzrə icraata xitam verir. Azərbaycan Respublikası MPM-nin 170.1-ci maddəsinə görə bu Məcəllənin 254, 255, 261.0.1—261.0.3 və 261.0.6—261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Şərh olunanlara əsasən və Azərbaycan Respublikası Mülki Prosessual Məcəlləsinin 170, 263-264, 267-268-ci maddələrini rəhbər tutaraq, QƏRARAALDİ: Ərizəçilər Ərizəçi1, Ərizəçi2 qohumluq faktının müəyyən edilməsi barədə ərizəsi üzrə mülki işin məhkəmə baxışına hazırlığın icraatına xitam verilsin. Qərardaddan, tərəflərə rəsmi qaydada verildiyi gündən 10 (on) gün müddətində Kürdəmir rayon Məhkəməsinə (Kürdəmir şəhəri, Heydər Əliyev prospekti, 22) şikayət verilə bilər. HAKİM: X.X.İMANOV