Kürdəmir Rayon Məhkəməsi Qərardad — İş №2(041)-1566/2025

Azərbaycan Respublikası adından QƏRARDAD Kürdəmir rayon İş № 2(041)-1566/2025 05.06.2025 KÜRDƏMİR RAYON MƏHKƏMƏSİ Hakim Mehdiyev Rahid Baxşəli oğlunun sədrliyi ilə İddiaçı Ərizəçi cavabdeh Kürdəmir Regional “Asan Xidmət” mərkəzinin Notariat Ofisinə qarşı “vərəsəlik dairəsinin müəyyən edilməsi, mirasın qəbul edilməsi vaxtının uzadılması və vərəsəlik hüququ haqqında şəhadətnamənin verilməsi” tələbinə dair iddia ərizəsini və ona əlavə edilmiş sənədləri nəzərdən keçirərək, M Ü Ə Y Y Ə N E T D İ M: İddiaçı Ərizəçi cavabdeh Kürdəmir Regional “Asan Xidmət” mərkəzinin Notariat Ofisinə qarşı “vərəsəlik dairəsinin müəyyən edilməsi, mirasın qəbul edilməsi vaxtının uzadılması və vərəsəlik hüququ haqqında şəhadətnamənin verilməsi” tələbinə dair iddia ərizəsi ilə məhkəməyə müraciət edərək, xx.xx.1998-ci ildə vəfat etmiş X1 vərəsəlik dairəsinin müəyyən edilməsi, mirasın qəbul edilməsi vaxtının uzadılması və vərəsəlik hüququ haqqında şəhadətnamənin verilməsi barədə qətnamə qəbul edilməsini xahiş etmişdir. Ərizəni və ona əlavə olunmuş sənədləri nəzərdən keçirərək hakim hesab edir ki, iddianın yolverilməzliyinə görə iddia ərizəsini qəbul etməkdən imtina edilməlidir. Belə ki, vərəsəlik dairəsinin müəyyən edilməsi, mirasın qəbul edilməsi vaxtının uzadılması və vərəsəlik hüququ haqqında şəhadətnamənin verilməsinə məhkəmədə baxıla bilməz. Azərbaycan Respublikası Mülki Prosessual Məcəlləsinin 153.2 və 153.2.1-ci maddələrinə əsasən ərizə məhkəmə qaydasında baxılmalı deyildirsə, hakim iddianın yolverilməzliyinə görə iddia ərizəsini qəbul etməkdən imtina edir. Göstərilənlərə əsasən və Azərbaycan Respublikası MPM-nin 153, 263-264, 266-268ci maddələrini rəhbər tutaraq, Q Ə R A R A A L D İ M: İddiaçı Ərizəçi cavabdeh Kürdəmir Regional “Asan Xidmət” mərkəzinin Notariat Ofisinə qarşı “vərəsəlik dairəsinin müəyyən edilməsi, mirasın qəbul edilməsi vaxtının uzadılması və vərəsəlik hüququ haqqında şəhadətnamənin verilməsi” tələbinə dair iddia ərizəsinin qəbulundan iddianın yolverilməzliyinə görə imtina edilsin. xx.xx.2025-ci il tarixli, ********** nömrəli mədaxil qəbzinə əsasən ödənilmiş 100 (yüz) manat dövlət rüsumu iddiaçı Ərizəçi geri qaytarılsın. Qərardaddan rəsmi qaydada verildikdən sonra «10» gün müddətində Kürdəmir Rayon Məhkəməsinə elektron qaydada şikayət verilə bilər. Sədrlik edən: Rahid Mehdiyev