Gədəbəy Rayon Məhkəməsi Qətnamə — İş №2(042)-1090/2023

Azərbaycan Respublikası adından QƏTNAMƏ Gədəbəy rayonu İş № 2(042)-1090/2023 27.11.2023 GƏDƏBƏY RAYON MƏHKƏMƏSİ Gədəbəy Rayon Məhkəməsi hakim Mirzəquliyev Fizuli Balağa oğlunun sədrliyi, məhkəmə iclas katibi Orucov Anar Möhübbət oğlunun katibliyi, Ərizəçi iştirakı ilə, Ərizəçi Maraqlı şəxsnə qarşı doğum faktının müəyyən edilməsinə dair ərizəsi üzrə mülki işə Gədəbəy Rayon Məhkəməsinin inzibati binasında açıq məhkəmə iclasında baxaraq, müəyyən edi: Ərizəçi Maraqlı şəxsnə qarşı 16 iyun 2001-ci il Türkmənistan Respublikasının Axal vilayətinin Tejen şəhərində doğulması faktının müəyyən edilməsi, atası qrafasında X2, ana qrafasında X1 qeyd edilməsi haqqında ərizə ilə məhkəməyə müraciət etmişdir. Ərizəçi məhkəmə iclasında ərizəsini müdafiə etmiş, izahat verərək, bildirmişdir ki, o, 16 iyun 2001-ci il tarixdə Türkmənistan Respublikasının Axal vilayətinin Tejen şəhərində doğulmuş, atası X2, anası X1 olmuşdur. Onlar savadsız olduqları üçün ona doğum haqqında şəhadətnamə almamışlar. Onun anası 2002-ci ildə Azərbaycan Respublikasına köçmüş, onu və qardaşlarını da gətirmişdir. O, 2016-cı ildə X4 ilə ailə qurmuşdur. Ailə münasibətlərindən üç övladları doğulmuşdur. Lakin onun doğumu qeyd edilmədiyi və şəxsiyyət vəsiqəsi olmadığından uşaqlar üçün də doğum haqqında şəhadətnamələr alınmamışdır. Onun valideynləri vəfat etmişlər. O, doğum haqqında şəhadətnamə almaq məqsədi ilə Maraqlı şəxsnə müraciət etsə də, doğum şəhadətnaməsi ala bilməmiş, ona imtina məktubu verilmişdir. Ona görə də ərizəsinin təmin edilməsi haqqında qətnamə çıxarılmasını xahiş edir. Maraqlı şəxsnə məhkəmə iclasının vaxtı və yeri barədə lazımı qaydada xəbərdar edilməsinə baxmayaraq, nümayəndəsini məhkəmə iclasına göndərməmişdir. Мəhkəmə Аzərbaycan Respublikası MPM-nin 185.6-cı madddəsinin tələblərini rəhər tutaraq, işə maraqlı şəxsin nümayəndəsinin iştirakı olmadan baxılmasını mümkün hesab etmişdir. Azərbaycan Respublikası MPM-nin 106.1-ci maddəsinə əsasən işdə iştirak edən şəxslərin iş üçün əhəmiyyətli olan və onlara məlum olan faktlar barədə izahatları iş üzrə toplanmış digər sübutlarla yanaşı yoxlanılmalı və qiymətləndirilməlidir. Məcəllənin 76.1. və 76.2-ci maddələrinə əsasən tərəflərin tələb və etirazlarını əsaslandıran halların və işi düzgün həll etmək üçün əhəmiyyəti olan başqa halların mövcud olduğunu və ya olmadığını məhkəmə müəyyən edərkən bu Məcəllədə və başqa qanunlarda müəyyən olunmuş qaydada əldə etdiyi məlumatlar sübutlar hesab olunur. Bu məlumatlar yazılı və maddi sübutlarla, ekspertlərin rəyləri ilə, yerində müayinə keçirməklə, səs və video yazıları ilə, şahidlərin ifadələri ilə, işdə iştirak edən şəxslərin izahatları ilə müəyyən edilir. Məhkəmə iclasında şahid kimi dindirilmiş X4 ifadə verərək bildirmişdir ki, Ərizəçi həyat yoldaşıdır. O, 06 iyun 2001-ci il tarixdə Türkmənistranda doğulmuşdur. Onun atası X2, anası X1 olmuşdur. Savadsızlıqlarından Bahara doğum haqqında şəhadətnamə alınmamışdır. 2002-2003-cü illərdə anası Azərbaycan köçmüş, onu da özü ilə gətirmişdir. Onunla 2016-cı ildə ailə qurmuşdur. Ailə münasibətlərindən üç övladları doğulmuşdur. Ərizəçinin valideynləri vəfat etmişdir. Məhkəmə iclasında şahid qismində dindirilmiş X3 eyniməzmunlu ifadə vermişdir. İşdə olan Gədəbəy RİHB-nın Arabaçı Kənd İƏD üzrə Nümayəndəliyi tərəfindən verilmiş Arayışdan görünür ki, Gədəbəy rayonu, Fərzalı kənd sakini X4 2016-cı ildə Ərizəçi ilə ailə qurmuşdur. Ərizəçi deməsinə görə 16 iyun 2001-ci il tarixdə Türmənistan Respublikasında doğulmuşdur. İşdə olan Gədəbəy RİHB-nın Arabaçı Kənd İƏD üzrə Nümayəndəliyi tərəfindən verilmiş fotoşəkilli Arayışdan görünür ki, Gədəbəy rayonu, Fərzalı kənd sakini X4 2016-cı ildə Ərizəçi ilə ailə qurmuşdur. Ərizəçi deməsinə görə 16 iyun 2001-ci il tarixdə Türmənistan Respublikasında doğulmuşdur.Şəkil Ərizəçi məxsusdur. İşdə olan Maraqlı şəxs tərəfindən verilmiş məktubdan görünür ki, Ərizəçi doğum faktının müəyyən edilməsi üçün məhkəməyə müraciət etməsi tövsiyyə edilmişdir. Azərbaycan Respublikası MPM-nin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Həmin Məcəllənin 77.1-ci maddəsinə əsasən hər bir tərəf öz tələblərinin və etirazlarının əsası kimi istinad etdiyi halları sübut etməlidir. Məcəllənin 217.4-cü maddəsinə əsasən məhkəmə öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə ərizəçinin izahatını, şahid ifadələrini və təqdim edilmiş sübutları tədqiq edərək, hesab edir ki, ərizə təmin edilməlidir. Azərbaycan Respublikası MPM-nin 305.1 və 305.1.1-ci maddələrinə əsasən məhkəmə hüquqi əhəmiyyəti olan faktların müəyyən edilməsi haqqında işlərə xüsusi icraat qaydasında baxır. Həmin Məcəllənin 307.1-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. Məcəllənin 307.2.3-cü maddəsinə əsasən doğumun, övladlığa götürmənin, nikahın, boşanmanın, ölümün qeyd edilmə faktları məhkəmə qaydasında müəyyən edilir. Məcəllənin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Məcəllənin 311-ci maddəsinə əsasən məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. Beləliklə, Ərizəçi qızının 16 iyun 2001-ci il tarixdə Türkmənistan Respublikasında doğulması, atasının X2, anasının X1 olması faktı sübut edilmişdir. Həmin faktın müəyyən edilməsi, Ərizəçi doğum haqqında şəhadətnamə alınması üçün hüquqi əhəmiyyətlidir. Ərizəçi həmin sənədləri başqa qaydada ala bilməz və ona görə də ərizə təmin edilməlidir. Məhkəmə yuxarıda göstərilənləri və Azərbaycan Respublikası MPM-nin 339, 341, 216-227, 358-360 və 362-ci maddələrini rəhbər tutaraq, qət etdi: Ərizə təmin edilsin. Ərizəçi qızının 16 iyun 2001-ci il tarixdə Türkmənistan Respublikasında doğulması, atasının X6 poğlu, anasının X1 olması faktı müəyyən edilsin. Qətnamədən rəsmi qaydada verildiyi gündən 1(bir) ay müddətində Gədəbəy Rayon Məhkəməsi vasitəsilə Gəncə Apellyasiya Məhkəməsinə apellyasiya şikayəti verilə bilər. Sədrlik edən: Fizuli Mirzəquliyev