Gədəbəy Rayon Məhkəməsi Qərardad — İş №2(042)-437/2022

Azərbaycan Respublikası adından QƏRARDAD Gədəbəy rayonu İş № 2(042)-437/2022 14.03.2022 GƏDƏBƏY RAYON MƏHKƏMƏSİ Hakim Mirzəquliyev Fizuli Balağa oğlu, Orucov Anar Möhübbət oğlunun katibliyi ilə, Ərizəçi maraqlı şəxs Gədəbəy rayon Notariat Ofisinə qarşı “mirasın qəbulu üçün müddətin uzadılması və mirasın qəbul edilməsi” tələblərinə dair ərizəsinə və ərizəyə əlavə edilmiş sənədlərə baxaraq, Müəyyən etdim: Ərizəçi maraqlı şəxs Gədəbəy rayon Notariat Ofisinə qarşı “mirasın qəbulu üçün müddətin uzadılması və mirasın qəbul edilməsi” tələblərinə dair məhkəməyə ərizə ilə müraciət edərək qətnamə çıxarılmasını xahiş etmişdir. Ərizənin məhkəmə icraatına qəbul edilməsinin mümkünlüyü məsələsinə baxılarkən müəyyən olunmuşdur ki, iddiaçı cavabdehə qarşı bir-biri ilə əlaqədar olmayan bir neçə tələb irəli sürmüşdür. Belə ki, ərizədən görünür ki, mirasın qəbulu üçün müddətin uzadılması və mirasın qəbul edilməsi bir-biri ilə əlaqəli deyildir. Belə ki, mirasın qəbulu üçün müddətin uzadılması və mirasın qəbul edilməsi tələblərinin hər birinin ayrıca predmeti və hüquqi əsasları vardır. Bunun hər biri isə ayrıca iddia tələbi təşkil edir. MPM-in 152.1.7-ci maddəsinə əsasən, bir və ya bir neçə cavabdehə bir-biri ilə əlaqədar olmayan bir neçə tələb birləşdirildikdə hakim iddia ərizəsini və ona əlavə edilmiş sənədləri geri qaytarır. Məhkəmə hesab edir ki, belə olan halda iddia ərizəsi ona əlavə edilmiş sənədlərlə birlikdə geri qaytarılmalıdır. Şərh olunanlara əsasən və Azərbaycan Respublikası Mülki Prosessual Məcəlləsinin 149, 152, 263-264, 267-268-ci maddələrini rəhbər tutaraq, Qərara aldım: Ərizəçi maraqlı şəxs Gədəbəy rayon Notariat Ofisinə qarşı “mirasın qəbulu üçün müddətin uzadılması və mirasın qəbul edilməsi” tələblərinə dair ərizəsi və ona əlavə edilmiş sənədlər Ərizəçi qaytarılsın. Qərardaddan rəsmi verildiyi gündən 10 (on) gün müddətində Gədəbəy rayon Məhkəməsinə şikayət verilə bilər. Hakim: Fizuli Mirzəquliyev