Gədəbəy Rayon Məhkəməsi Qərardad — İş №2(042)-934/2021

Azərbaycan Respublikası adından QƏRARDAD Gədəbəy rayonu İş № 2(042)-934/2021 19.08.2021 GƏDƏBƏY RAYON MƏHKƏMƏSİ Hakim Kazımov Marif Sabir oğlu, X4 oğlunun katibliyi ilə, İddiaçı X2 Cavabdeh qarşı “evə köçürülmə” tələbinə dair ərizəsinə və ərizəyə əlavə edilmiş sənədlərə baxaraq, Müəyyən etdim: İddiaçı X2 Cavabdeh qarşı “evə köçürülmə” tələbinə dair məhkəməyə iddia ərizəsi ilə məhkəməyə müraciət etmişdir. Azərbaycan Respublikası Mülki Prosessual Məcəlləsinin 153.2.1-6-cı maddəsinə əsasən “Mediasiya haqqında” Azərbaycan Respublikasının Qanununa uyğun olaraq, tərəflərin məhkəməyə müraciət etməzdən əvvəl mediasiya prosesində iştirakı tələb olunduğu halda, həmin tələbə riayət edilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Beləliklə, iddiaçı X2 Cavabdeh qarşı “evə köçürülmə” tələbi haqqında iddia ərizəsi ilə məhkəməyə müraciət etməzdən əvvəl Azərbaycan Respublikasında yaradılmış, mediasiya şurasına müraciət etməlidir. X1 məhkəməyədək olan prosedurlara riayət etməmişdir. Ona görə də, iddia ərizəsi və ona əlavə edilmiş sənədlər geri qaytarılmalıdır. İddiaçıya izah edilsin ki, mediasiya prosedurunu keçmək üçün +**********86, +**********87 və +**********52 mobil nömrələrlə əlaqə saxlaya bilər. Məhkəmə yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 153, 263-264, 267-268, 306-cı maddələrini rəhbər tutaraq, Qərara aldım: İddiaçı X2 Cavabdeh qarşı “evə köçürülmə” tələbinə dair ərizəsi və ona əlavə edilmiş sənədlər iddiaçı X3 qaytarılsın. Qərardaddan rəsmi verildiyi gündən 10 (on) gün müddətində Gədəbəy rayon Məhkəməsinə şikayət verilə bilər. Hakim: Marif Kazımov