Gəncə Şəhəri Nizami Rayon Məhkəməsi Qərardad — İş №2(044)-2973/2021

Azərbaycan Respublikası adından QƏRARDAD Gəncə şəhəri İş № 2(044)-2973/2021 09.08.2021 GƏNCƏ ŞƏHƏRİ NİZAMİ RAYON MƏHKƏMƏSİ Gəncə şəhəri Nizami Rayon Məhkəməsinin hakimi Hüseynov Kənan Zakir oğlu, İddiaçı cavabdehlər Cavabdeh1, Cavabdeh3 və Cavabdeh2 qarşı mülkiyyətində olan mənzilin cavabdehlərə münasibətdə məcburi payın müəyyən edilməsi və cavabdehlərin paylarının kompensasiya ilə əvəzlənməsi və cavabdehlərin evə köçürülməsinin ləğv edilməsi və evdən çıxarılması tələbi barədə iddia ərizəsini və ona əlavə olunmuş sənədləri məhkəmənin inzibati binasında nəzərdən keçirərək, MÜƏYYƏN ETDİM: İddiaçı iddia ərizəsi ilə məhkəməyə müraciət edərək, mülkiyyətində olan ünvan 1 ünvanında yerləşən 5 otaqlı mənzilin cavabdehlərə münasibətdə paylı mülkiyyətdə payların, oğluna münasibətdə məcburi payın müəyyən edilməsi və cavabdehlərin paylarının kompensasiya ilə əvəzlənməsi tələbinə dair və cavabdehlərin evə köçürülməsinin ləğv edilməsinin və evdən çıxarılmasının tələbinə dair qətnamə çıxarılmasını xahiş etmişdir. İddia ərizəsindən və ona əlavə edilmiş sənədlərdən görünür ki, iddia tələbi üzrə cavabdehlərin qeydiyyatda olduqları ünvanlar Gəncə şəhəri Nizami rayonu ərazisinə aid deyil. Belə ki, Azərbaycan Respublikası Mülki Prosessual Məcəlləsinin 35.1-ci maddəsinə görə qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəlləsinin 151.1-ci maddəsinə əsasən ərizə bu Məcəllənin tələblərinə riayət edilməklə verildikdə onun məhkəmə icraatı mümkündür. Həmin Məcəllənin 152.1.3-cü maddəsinə əsasən isə əgər iş ərazi aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədlər geri qaytarılır. İddia ərizəsindən və Elektron Məhkəmə Sistemindən görünür ki, Cavabdeh1 Gəncə şəhəri, Kəpəz rayonu, X4 küçəsi, ev 4, mənzil 14 ünvanında, Cavabdeh3 ünvan 4 ünvanında, Cavabdeh2 ünvan 5 ünvanında qeydiyyatdadırlar. Beləliklə hesab edirəm ki, cavabdehlərin rəsmi qeydiyyatda olduqları ünvanlar Gəncə şəhəri Nizami rayonu ərazisinə aid olmadığından iddia ərizəsi və ona əlavə edilmiş sənədlər geri qaytarılmalıdır. Yuxarıda göstərilənlərə əsasən və Azərbaycan Respublikası Mülki Prosessual Məcəlləsinin 152, 263, 264, 267 və 268-ci maddələrini rəhbər tutaraq, QƏRARA ALDİM: İddiaçı cavabdehlər Cavabdeh1, Cavabdeh3 və Cavabdeh2 qarşı mülkiyyətində olan mənzilin cavabdehlərə münasibətdə məcburi payın müəyyən edilməsi və cavabdehlərin paylarının kompensasiya ilə əvəzlənməsi və cavabdehlərin evə köçürülməsinin ləğv edilməsi və evdən çıxarılması tələbi barədə iddia ərizəsi və ona əlavə edilmiş sənədlər geri qaytarılsın. İddiaçıya izah edilsin ki, hazırkı iddia tələbi ilə aidiyyəti üzrə Gəncə şəhəri Kəpəz Rayon Məhkəməsinə müraciət edə bilər və iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad rəsmi qaydada verildikdən sonra 10 gün müddətində ondan Gəncə şəhəri Nizami Rayon Məhkəməsinə şikayət verilə bilər. Hakim: Kənan Hüseynov