Goranboy Rayon Məhkəməsi Qərardad — İş №2(045)-1242/2024

Azərbaycan Respublikası adından QƏRARDAD Goranboy rayonu İş № 2(045)-1242/2024 23.07.2024 GORANBOY RAYON MƏHKƏMƏSİ Hakim Mustafayev Taleh Məhəmmədəli oğlunun sədrliyi, Qaslmov Behbud Telman oğlunun katibliyi, İddiaçılar İddiaçı1, Bayramova (Məmmədova) Zahidə İsax qızının, Bayramova (Məmmədova) Lalə Sahib qızının, İddiaçı4 və Bayramova (Yolçuzadə) Jalə Sahib qızının iştirakı ilə, İddiaçılar İddiaçı1, Bayramova (Məmmədova) Zahidə İsax qızının, Bayramova (Məmmədova) Lalə Sahib qızının, İddiaçı4 və Bayramova (Yolçuzadə) Jalə Sahib qızının Cavabdeh qarşı “torpaq sahəsindən çıxarılma və torpaq sahəsinin qaytarılması” tələbinə dair mülki işə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: İddiaçılar İddiaçı1, Bayramova (Məmmədova) Zahidə İsax qızının, Bayramova (Məmmədova) Lalə Sahib qızı, İddiaçı4 və Bayramova (Yolçuzadə) Jalə Sahib qızı iddia ərizəsi məhkəməyə müraciət edərək, Goranboy rayonu, Faxralı kəndində yerləşən və onların xüsusi mülkiyyətində olan 2.62 ha pay torpaq sahəsinin Cavabdeh tərəfindən zəbt edilmiş hissəsindən çıxarılması, torpaq sahəsinin onlara qaytarılması barədə qətnamə qəbul edilməsini xahiş etmişdir. Məhkəmə iclasında iştirak edən iddiaçılar İddiaçı1, Bayramova (Məmmədova) Zahidə İsax qızının, Bayramova (Məmmədova) Lalə Sahib qızı, İddiaçı4 və Bayramova (Yolçuzadə) Jalə Sahib qızı ərizə ilə məhkəməyə müraciət edərək iddia ərizəsinin baxılmamış saxlanılmasını, iddia ərizəsini və ona əlavə edilmiş sənədlərin geri qaytarılmasını xahiş etdilər. Cavabdeh məhkəmə iclasının vaxtı və yeri barədə lazımi qaydada məlumat verilməsinə baxmayaraq, o, məhkəmə iclaslarında iştirak etməmiş və bunun səbəbləri barədə məhkəməyə hər hansı məlumat verməmişdir. Məhkəmə, Azərbaycan Respublikasının Mülki-Prosessual Məcəlləsinin (bundan sonra - MPM) 185.5-ci maddəsinə əsasən işə cavabdehin iştirakı olmadan baxılmasını mümkün saymışdır. Məhkəmə Azərbaycan Respublikasının Mülki-Prosessual Məcəlləsinin (bundan sonra - MPM) 185.5-ci maddəsinə əsasən işə cavabdehin iştirakı olmadan baxılmasını mümkün saymışdır. MPM-in 170.1-ci maddəsinə əsasən bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya icraata xitam verilə bilər, yaxud iddiaçının vəsatəti ilə ərizə qaytarıla bilər. 114.1.3-cü maddəsinə əsasən bu Məcəllə ilə nəzərdə tutulmuş əsaslarla ərizə geri qaytarılarsa, ödənilmiş dövlət rüsumu qaytarılır. İş materiallarında olan xx.xx.2024-cü il tarixli, 1787 saylı qəbzdən görünür ki, İddiaçı2 100 (bir) manat məbləğində dövlət rüsumu ödəmişdir. Azərbaycan Respublikası Ali Məhkəməsi Plenumunun “Ərizənin baxılmamış saxlanılması barədə qanunvericiliyin məhkəmələr tərəfindən tətbiq edilməsi təcrübəsi haqqında” 2011-ci il 31 mart tarixli, 03 nömrəli Qərarının 2-ci bəndində qeyd olunur ki, Azərbaycan Respublikası MPM-nin 259.0.1 - 259.0.10, 259.0.12 və 259.0.13-cü maddələrində göstərilən əsaslar olduqda məhkəmənin hazırlıq iclasında ərizə baxılmamış saxlanıla bilər. Hazırlıq iclasında ərizənin qaytarılması barədə vəsatətin verilməsi ərizənin Azərbaycan Respublikası MPM-in 259.0.11-ci maddəsinə əsasən baxılmamış saxlanılması üçün deyil, həmin Məcəllənin 170-ci maddəsinə əsasən geri qaytarılması üçün əsasdır və bu zaman cavabdeh tərəfin buna razılığının alınması tələb olunmur. Beləliklə, məhkəmə hesab edir ki, iddiaçılar İddiaçı1, Bayramova (Məmmədova) Zahidə İsax qızı, Bayramova (Məmmədova) Lalə Sahib qızı, İddiaçı4 və Bayramova (Yolçuzadə) Jalə Sahib qızının geri qaytarma barədə ərizəsi təmin edilməli, iddia ərizəsi və ərizəyə əlavə olunmuş sənədlərin əsli və ödənilmiş 100 (bir yüz) manat məbləğində dövlət rüsumu iddiaçıya geri qaytarılmalıdır. Göstərilənlərə əsasən MPM-in 170, 267 və 268-ci maddələrini rəhbər tutaraq, məhkəmə QƏRARA ALDİ: İddiaçılar İddiaçı1, Bayramova (Məmmədova) Zahidə İsax qızı, Bayramova (Məmmədova) Lalə Sahib qızı, İddiaçı4 və Bayramova (Yolçuzadə) Jalə Sahib qızının Cavabdeh qarşı “torpaq sahəsindən çıxarılma və torpaq sahəsinin qaytarılması” tələbinə dair iddia ərizəsi və ona əlavə edilmiş sənədlərin əsli və ödənilmiş 100 (bir yüz) manat məbləğində dövlət rüsumu iddiaçılara geri qaytarılsın. Qərardad rəsmi qaydada verildikdən sonra 10 (on) gün müddətində Goranboy Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim Taleh Mustafayev