Goranboy Rayon Məhkəməsi Qərardad — İş №2(045)-37/2025

Azərbaycan Respublikası adından QƏRARDAD Goranboy rayonu İş № 2(045)-37/2025 06.05.2025 GORANBOY RAYON MƏHKƏMƏSİ Hakim Mustafayev Taleh Məhəmmədəli oğlunun sədrliyi, Nağızadə Tuncay Göyüş oğlunun katibliyi, İddiaçı, Cavabdeh iştirakı ilə, İddiaçı Cavabdeh qarşı “həyatyanı torpaq sahəsindən, darvazadan istifadə edilməsində yaradılmış maneələrin aradan qaldırılması, belə hərəkətlərə son qoyulması üçün torpaq sahəsində olan damın sökülməsi, cavabdehə ayrı darvaza yeri açılması, tərəflərin hər birinin ayrı, sərbəst darvazadan istifadə etməsi” tələbinə dair iddiası üzrə mülki işə məhkəmənin inzibati binasında, açıq məhkəmə iclasında baxaraq, məhkəmə MÜƏYYƏN ETDİ: İddiaçı iddia ərizəsi ilə məhkəməyə müraciət edərək, Goranboy rayonu, Boluslu kəndində yerləşən 0,37 ha həyətyanı torpaq sahəsindən, darvazadan istifadə edilməsində yaradılmış maneələrin aradan qaldırılması, belə hərəkətlərə son qoyulması üçün torpaq sahəsində olan damın sökülməsi, cavabdehə ayrı darvaza yeri açılması, tərəflərin hər birinin ayrı, sərbəst darvazadan istifadə etməsi barədə qətnamə çıxarılmasını xahiş etmişdir. Məhkəmə iclasında iştirak edən İddiaçı ərizə ilə məhkəməyə müraciət edərək, iddia ərizəsinin baxılmamış saxlanılmasını, iddia ərizəsini və ona əlavə edilmiş sənədlərin geri qaytarılmasını xahiş etdi. Məhkəmə iclasında iştirak edən Cavabdeh işə mahiyyəti üzrə baxılmasını tələb etmədi. Azərbaycan Respublikasının Mülki Prosessual Məcəlləsinin (bundan sonra - MPM): 259.0.11-ci maddəsinə əsasən, iddia ərizəsinin qaytarılması barədə ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır; 260.4-cü maddəsinə əsasən iddianın baxılmamış saxlanması üçün səbəb olan şərait aradan qaldırıldıqdan sonra əriçəzi ümumi qaydada ərizə ilə məhkəməyə yenidən müraciət etməyə haqlıdır; 114.1.5-ci maddəsinə əsasən bu Məcəllə ilə nəzərdə tutulmuş əsaslarla ərizə baxılmamış saxlanılarsa, ödənilmiş dövlət rüsumu geri qaytarılır. İş materiallarında olan xx.xx.2024-cü il tarixli, ********** saylı qəbzdən görünür ki, İddiaçı 101 (bir yüz bir) manat məbləğində dövlət rüsumu ödəmişdir. Beləliklə, məhkəmənin gəldiyi nəticəyə görə iddia ərizəsi baxılmamış saxlanılmalı, iddia ərizəsi, ona əlavə edilmiş sənədlər və ödənilmiş 101 (bir yüz bir) manat məbləğində dövlət rüsumu iddiaçıya geri qaytarılmalıdır. Göstərilənlərə əsasən, MPM-in 259-260 və 267-268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı “həyatyanı torpaq sahəsindən, darvazadan istifadə edilməsində yaradılmış maneələrin aradan qaldırılması, belə hərəkətlərə son qoyulması üçün torpaq sahəsində olan damın sökülməsi, cavabdehə ayrı darvaza yeri açılması, tərəflərin hər birinin ayrı, sərbəst darvazadan istifadə etməsi” tələbinə dair iddia ərizəsi baxılmamış saxlanılsın, iddia ərizəsi, ona əlavə edilmiş sənədlər və ödənilmiş 101 (bir yüz bir) manat məbləğində dövlət rüsumu iddiaçıya geri qaytarılsın. Qərardad rəsmi qaydada verildikdən sonra 10 (on) gün müddətində Goranboy Rayon Məhkəməsinə (“Elektron məhkəmə” informasiya sistemində yaradılan elektron kabinet vasitəsilə) şikayət verilə bilər. Hakim Taleh Mustafayev