Göyçay Rayon Məhkəməsi Qətnamə — İş №2(046)-47/2023

Azərbaycan Respublikası adından QƏTNAMƏ Göyçay rayonu İş № 2(046)-47/2023 16.08.2023 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi, İddiaçı X8, nümayəndəsi (vəkili) Vəkil, Cavabdeh1 iştirakı ilə, İddiaçı X8 cavabdehlər cavabdehlər Cavabdeh1, Cavabdeh2 Qismət oğlu və X14 qarşı torpaq sahəsinin boşaldılması tələbinə dair iddiası üzrə mülki işə məhkəmənin binasında açıq məhkəmə iclasında baxaraq, Müəyyən etdi: İddiaçı iddia ərizəsi ilə məhkəməyə müraciət edərək mülkiyyətində olan Göyçay rayonu Qızılağac kəndində 1.2899 ha torpaq sahəsindən cavabdeh X1 çıxarılması barədə qətnamə qəbul edilməsini xahiş etmişdir. Sonrada İddiaçı nümayəndəsi (vəkili) Vəkil əsl olmayan tərəfin əvəz edilməsi barədə ərizə ilə məhkəməyə müraciət edərək İddiaçı zəbt edilmiş torpaq sahəsindən çıxarılma tələbi üzrə cavabdeh olan X2 əsl cavabdehlər Cavabdeh1, Cavabdeh2 Qismət oğlu və X20 ilə əvəz edilməsini xahiş etmişdir. Göyçay rayon Məhkəməsinin xx.xx.2022-ci il tarixli qərardadına əsasən İddiaçı zəbt edilmiş torpaq sahəsindən çıxarılma tələbi üzrə cavabdeh olan X4, cavabdehlər Cavabdeh1, Cavabdeh2 Qismət oğlu və X20 ilə əvəz edilmişdir. İddiaçı iddia ərizəsi ilə məhkəməyə müraciət edərək mülkiyyətində olan Göyçay rayonu Qızılağac kəndində 1.2899 ha torpaq sahəsindən cavabdehlərin çıxarılması barədə qətnamə qəbul edilməsini xahiş etmişdir. İşin halları: İddiaçı iddia tələbini belə əsaslandırmışdır ki, X3 Göyçay rayonu Qızılağac kəndində ona məxsus 1.2899 ha torpaq sahəsini notarial qaydada alqı-satqı müqaviləsi əsasında almışdır. Həmin torpaq sahəsinə Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətindən Hüquqların X13 Daşınmaz Əmlakın Dövlət Reyestrindən xx.xx.2020-ci il tarixli, **********64 qeydiyyat nömrəli çıxarış verilmişdir. 2020-ci il tarixdən ona məxsus torpaq sahəsinin 1.2899 (40 sot) hissəsini cavabdehlər Cavabdeh1, Cavabdeh2 Qismət oğlu və X20 zəbt edərək, orada qanunsuz istifadə etmiş və hazırda həmin zəbt olunmuş torpaq sahəsindən öz məqsədləri üçün kənd təsərrüfatı məhsullarının yetişdirilməsi ilə məşğul olurlar. Cavabdehlər Cavabdeh1, Cavabdeh2 Qismət oğluna və X14 dəfələrlə həmin torpaq sahəsinin qanuni əsaslarla ona məxsus olması və mülkiyyətində olmasını bildirsə də, xəbərdarlıqlara baxmayaraq cavabdehlər öz qanunsuz hərəkətlərini davam etdirərək həmin torpaq sahəsində qeyri-qanuni yolla istifadə edir. Məhkəmə icraatı iştirakçılarının iştirakı və izahatları: Məhkəmə iclasında X18 iddianı müdafiə edərək təmin edilməsini xahiş edir. İddiaçı X8 nümayəndəsi (vəkili) Vəkil iddianı müdafiə edərək təmin edilməsini xahiş edir. İş üzrə Cavabdeh1 iddianı qəbul etməyərək göstərmişdir ki, iddiaçının qeyd etdiyi torpaq sahəsindən uzun müddətdir ki istifadə edir. Həmin torpaq sahəsinə dair sənədləri vardır. Buna görə də iddianın rədd edilməsini xahiş edir. İş üzrə digər cavabdehlərə məhkəmə iclasının vaxtı və yeri barədə qanunla müəyyən olunmuş qaydada məlumat verilməsinə baxmayaraq, məhkəmə iclasına gəlməmiş, gəlməmələrinin səbəbləri barədə məhkəməyə məlumat verməmişlər. Azərbaycan Respublikası Mülki Prosessual Məcəlləsinin 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda…məhkəmə işə baxmağa haqlıdır. Məhkəmə cavabdehlərin iştirakı olmadan işə baxılmasını mümkün hesab etmişdir. İş üzrə tərəfləri dinləyən, təqdim edilmiş sübutlara hüquqi qiymət verən məhkəmə hesab edir ki, iddia təmin edilməlidir. Mülki işdə olan sənədlər: Məhkəməyə təqdim edilmiş üzrə Hüquqların X13 Daşınmaz Əmlakın Dövlət Reyestrindən verilmiş xx.xx.2020-ci il tarixlid çıxarışından görünür ki, Göyçay rayonu Qızılağac kəndində yerləşən 1.2899 ha torpaq sahəsi X9 xüsusi mülkiyyəti kimi dövlət qeydiyyatına alınmışdır. Məhkəməyə təqdim edilmiş X21 və Ekspertiza Mərkəzi MMC tərəfindən verilmiş xx.xx.2023-cü tarixli 36 saylı rəydən görünür ki, Hüquqların X13 daşınmaz əmlakın Dövlət reyestrində xx.xx.2020-ci il tarixdə qeydiyyata alınmış çıxarışa əsasən İddiaçı mülkiyyətində olan Göyçay rayonu Qızılağac kəndində yerləşən 1,2899 ha torpaq sahəsi cavabdeh X5 tərəfindən deyil, digər şəxslər tərəfindən zəbt edilmişdir. Məhkəmə tikinti-texniki ekspertizasının xx.xx.2022-ci il tarixli 10/1787 saylı rəyindən görünür ki, X21 və Ekspertiza Mərkəzi” MMC-nin mütəxəssis rəyində Hüquqların X13 daşınmaz əmlakın Dövlət reeystrində xx.xx.2020-ci il tarixdə qeydiyyata alınmış çıxarışa əsasən İddiaçı mülkiyyətində olan Göyçay rayonu Qızılağac kəndində yerləşən 1.2899 ha torpaq sahəsinin cavabdeh tərəfindən deyil digər şəxslər tərəfindən istifadə olunduğu göstərilmişdir. Aparılmış tədqiqatın dəyəri 100 manat təşkil edir. Məhkəməyə təqdim edilmiş Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti tabeliyində Daşınmaz Əmlakın Dövlət Kadastrı və Reyestri publik hüquqi şəxsinin 16 saylı Ucar Ərazi İdarəsinin mütəxəssis rəyindən görünür ki,Hüquqların X13 daşınmaz əmlakın Dövlət reyestrindən **********64 reyestr nömrəli çıxarışla iddiaçı X8 mülkiyyətinə verilmiş (Torpaq sahəsinin planı və ölçüsü sənədi A№418661) 1.2899 ha torpaq sahəsinin koordinatları baxış zamanı Cavabdeh2 Qismət oğlunun naturada göstərdiyi və faktiki istifadə etdiyini bildirdiyi 2.08 ha torpaq sahəsinin 0.53 ha hissəsi ilə, cavabdeh X6 naturada göstərdiyi və faktiki istifadə etdiyini bildirdiyi 0.85 ha torpaq sahəsinin 0.47 ha hissəsi ilə, o cümlədən baxışda iştirak etməyən, X14 məxsus olduğu bildirilən, çoxillik əkmələr mövcud olan 2.17 ha torpaq sahəsinin 0.23 ha hisəsi ilə üst-üstə düşür.Naturada aparılmış çöl-ölçmə işləri və kameral araşdırma nəticəsində tərtib olunmuş sxem əlavə olunur. Məhkəmə tikinti-texniki ekspertizasının xx.xx.2023-cü il tarixli 10/3472saylı rəyindən görünür ki, Azərbaycan Respublikası İqtisadiyyat Nazirliyi yanında Əmlak Məsələləri Dövlət Xidməti tabeliyində Daşınmaz Əmlakın Dövlət Kadastrı və Reyestri publik hüquqi şəxsinin 16 saylı Ucar Ərazi İdarəsinin Yerquruluşu təşkili şöbəsinin mühəndisi Müşviq Qasımovun tərtib etdiyi mütəxəssis rəyinə əsasən aşağıdakılar müəyyən olunur: Hüquqların X13 daşınmaz əmlakın Dövlət reyestrindən **********64 reyestr nömrəli çıxarışla iddiaçı X8 mülkiyyətinə verilmiş (Torpaq sahəsinin planı və ölçüsü sənədi A№418661) 1.2899 ha torpaq sahəsinin koordinatları baxış zamanı Cavabdeh2 Qismət oğlunun naturada göstərdiyi və faktiki istifadə etdiyini bildirdiyi 2.08 ha torpaq sahəsinin 0.53 ha hissəsi ilə, cavabdeh X6 naturada göstərdiyi və faktiki istifadə etdiyini bildirdiyi 0.85 ha torpaq sahəsinin 0.47 ha hissəsi ilə, o cümlədən baxışda iştirak etməyən, X14 məxsus olduğu bildirilən, çoxillik əkmələr mövcud olan 2.17 ha torpaq sahəsinin 0.23 ha hisəsi ilə üst-üstə düşür. Aparılmış tədqiqatın dəyəri 50 manat təşkil edir. Tətbiq edilən hüquq normaları: Azərbaycan Respublikası Konstitusiyasının 29-cu maddəsinin 3-cü bəndinə əsasən hər kəsin mülkiyyətində daşınar və daşınmaz əmlak ola bilər. Mülkiyyət hüququ mülkiyyətçinin təkbaşına və ya başqaları ilə birlikdə əmlaka sahib olmaq, əmlakdan istifadə etmək və onun barəsində sərəncam vermək hüquqlarından ibarətdir. Konstitusiyanın 71-ci maddəsinin 2-ci bəndinə əsasən insan və vətəndaş hüquqlarının və azadlıqlarının həyata keçirilməsini heç kəs məhdudlaşdıra bilməz. Azərbaycan Respublikasının tərəfdar çıxdığı İnsan hüquqları və əsas azadlıqların müdafiəsi haqqında Avropa Konvensiyasının 1 saylı Protokolunun 1-ci maddəsinə əsasən hər bir fiziki və hüquqi şəxs öz mülkiyyətindən maneəsiz istifadə hüququna malikdir. Heç kəs cəmiyyətin maraqları naminə,qanunla və beynəlxalq hüququn ümumi prinsipləri ilə nəzərdə tutulmuş şərtlər istisna olmaqla öz mülkiyyətindən məhrum edilə bilməz. Ədalət mühakiməsinin həyata keçirilməsi zamanı insan hüquqlarının və əsas azadlıqların müdafiəsi haqqında Avropa Konvensiyası müddəalarının və İnsan hüquqları üzrə Avropa Məhkəməsinin presedentlərinin tətbiqi haqqında Azərbaycan Respublikasının Ali Məhkəməsinin Plenumunun 30 mart 2006-cı il tarixli Qərarında göstərilmişdir ki, Azərbaycan Respublikası İnsan hüquqlarının və əsas azadlıqlarının müdafiəsi haqqında Avropa Konvensiyasının iştirakçısı və onu ratifikasiya etmiş dövlət kimi 2002-ci ilin aprel ayının 15-dən Konvensiya və onun Protokollarının təfsiri və tətbiqi məsələləri üzrə İnsan hüquqları Avropa Məhkəməsinin yurisdiksiyasının məcburiliyini tanıyır. Azərbaycan Respublikası Konvensiyanı ratifikasiya etdiyi dövrdən sonra yurisdiksiyası altında olan insanların Konvensiyada nəzərdə tutulan hüquqlarını təmin etməlidir. İnsan və vətəndaş hüquqlarını və azadlıqlarını gözləmək və qorumaq məhkəmə hakimiyyəti orqanlarının borcudur. Azərbaycan Respublikası Mülki Məcəlləsinin 152.1.-ci maddəsinə əsasən mülkiyyət hüququ-subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Həmin Məcəllənin 157.4-cü əsasən əgər mülkiyyətə qəsd və ya başqa maneələr əşyanı götürmədən və ya ondan məhrum etmədən törədilirsə, mülkiyyətçi qəsd edəndən bu hərəkətlərə son qoymağı tələb edə bilər. Bu cür hərəkətlər davam etdirildikdə mülkiyyətçi həmin hərəkətlərə son qoyulmasını məhkəmə vasitəsilə tələb edə bilər. "İnsan hüquqları və əsas azadlıqların müdafiəçi haqqında” Konvensiyanın 1 saylı Protokolunun 1-ci maddəsi ilə əlaqədar Avropa İnsan Hüquqları Məhkəməsi Sporronq və Lonnrotun İsveçrə qarşı məhkəmə işində belə hüquqi mövqe müəyyən etmişdir ki, həmin norma özündə: 1) mülkiyyətçinin öz mülkiyyətindən maneəsiz istifadə etməsi prinsipini; 2) mülkiyyətindən məhrum edilmənin yolverilməzliyini; 3) mülkiyyətdən istifadə nəzarəti itirmənin qadağan edilməsi imkanlarını ehtiva edir. Azərbaycan Respublikasının Mülki Prosessual Məcəlləsinin 14.2-ci maddəsinə əsasən məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Azərbaycan Respublikasının Mülki Prosessual Məcəlləsinin 77.1-ci maddəsinə müvafiq olaraq hər bir tərəf öz tələblərinin və etirazlarının əsası kimi istinad etdiyi halları sübut etməlidir. Həmin Məcəllənin 78.1-ci maddəsinə görə sübutlar işdə iştirak edən şəxslər tərəfindən birinci instansiya məhkəməsinə təqdim edilir. Adı çəkilən Məcəllənin 80-cı maddəsinə əsasən məhkəmə işin gedişində təqdim olunmuş ancaq o sübutları qəbul edir və nəzərə alır ki, onlar işdə tərəflərin tələblərini müəyyən edən faktlarla və hallarla əlaqədardır. Məcəllənin 81-ci maddəsinə görə isə, qanuna və ya digər normativ hüquqi aktlara əsasən müəyyən sübutetmə vasitələri ilə təsdiq edilməli olan işin halları başqa sübutlarla təsdiq oluna bilməz. MPM-in 217-ci maddəsinə əsasən, məhkəmənin qətnaməsi qanuni və əsaslı olmalıdır. Qətnamə iş üzrə müəyyən edilmiş həqiqi hallara və tərəflərin qarşılıqlı münasibətinə uyğun əsaslandırılmalıdır. Məhkəmə (hakim) öz qətnaməsini yalnız məhkəmə iclasında tədqiq olunmuş sübutlarla əsaslandırır. Məhkəmə qətnaməsi haqqında” Azərbaycan Respublikası Ali Məhkəməsi Plenumunun 24 noyabr 2005-ci il tarixli 04 nömrəli qərarında göstərilmişdir ki, məhkəmə qətnaməsi mülki və iqtisadi mübahisələrdən irəli gələn işlər üzrə ədalət mühakiməsinin yekun aktı olduğu üçün onun qəbul edilməsi ilə mübahisəli hüquq münasibətlərində müəyyənlik yaranmalı, pozulmuş və mübahisə edilən hüquqların və qanunla qorunan mənafelərin real bərpası təmin olunmalıdır. Qərarın 2.4-cü bəndinə görə, qətnamə o vaxt əsaslı hesab edilir ki, onda baxılan iş üçün əhəmiyyətli olan, qanunun tələblərinə uyğun olaraq işə aid edilən və mötəbər sübutlarla təsdiq olunan faktlar əks etdirilmiş olsun, məhkəmənin iş üzrə müəyyən edilən faktlardan irəli gələn qəti nəticəsi onda şərh edilsin, habelə qətnamədə göstərilən hallar işin materiallarına uyğun olsun. Avropa İnsan Hüquqları Məhkəməsi "Mahmudov Rusiya Federasiyasına” qarşı 26 iyul 2007-ci il tarixli qərarında hüquqi mövqeyini əks etdirərək göstərmişdir ki, konvensiya prosedurları çərçivəsində sübutlar qiymətləndirilərkən bir qayda olaraq "affirmanti, non neganti, incumbit probation” (sübut etmək yükü təkzib edənin deyil, iddia edənin üzərinə düşür) prinsipi rəhbər tutulur. Sübut kifayət qədər güclü, aydın və bir-birinə uyğun qənaətlərin həm mövcudluğundan, həmçinin təkzib olunmaz oxşar fakt ehtimallarından irəli gələ bilər. "Qavazov Bolqarıstana qarşı” iş üzrə 06 mart 2008-ci il tarixli qərarında Avropa Məhkəməsi hüquqi mövqeyini belə ifadə etmişdir ki, sübutları qiymətləndirərkən, bir qayda olaraq "əsaslı şübhədən kənar” sübut standartları tətbiq edilir. "Avşar Türkiyəyə qarşı” iş üzrə qərarında Avropa Məhkəməsi göstərir ki, sübutları qiymətləndirən zaman məhkəmə "əsaslı şübhə yaratmayan” sübut standartını qəbul edir. Belə sübut kifayət qədər inandırıcı, aydın və bir-birinə uyğun gələn məntiqi nəticələrin və ya faktlarla bağlı oxşar təkzib edilməyən ehtimalların mövcudluğundan irəli gələ bilər. Azərbaycan Respublikası Konstitusiya Məhkəməsinin Plenumu "N.Məmmədovanın şikayəti üzrə məhkəmə aktlarının Azərbaycan Respublikasının Konstitusiyasına və qanunlarına uyğunluğunun yoxlanılmasına dair” 31 yanvar 2006-cı il tarixli qərarında qeyd etmişdir ki, məhkəmə qətnaməsi hüquqla bağlı mübahisəyə baxıldıqdan sonra məhkəmə iclasında müəyyən olunmuş işin faktiki halları və hüquq normaları əsasında çıxarılır. İddiaçının hüququnun pozulması təsdiqlənərsə, məhkəmə öz qətnaməsilə bu hüququ müdafiə etməlidir. Əgər iddiaçının hüququnun pozulması təsdiqlənməzsə, məhkəmə onun iddiasını rədd etməli və bununla da, cavabdehin iddiaçının əsassız hərəkətləri və ya fikirləri ilə pozula biləcək hüquqlarını müdafiə etməlidir. Hər bir halda məhkəmənin qətnaməsi, ilk növbədə, məhz mübahisə tərəflərinin fərdi hüquqlarını və qanuni mənafelərini müdafiə edən akt kimi çıxış etməlidir. Azərbaycan Respublikasının Dövlət X17 9.1-ci maddəsinə əsasən aşağıdakılar dövlət rüsumu ödəməkdən azad olunurlar: 9.1.20. məhkəmədə verilən iddialar üzrə - şəhid ailələri, müharibə veteranları, qaçqınlar və məcburi köçkünlər, habele Çernobıl AES-də qəza nəticəsində şüa xəstəliyinə və şüa yükü ilə əlaqədar xəstəliyə tutulmuş və ya bu xəstəlikləri keçirmiş şəxslər. Məhkəmənin mövqeyi: Hazırkı iş üzrə isə məhkəmə aşağıdakıları qeyd etməyi zəruri hesab edir: İşin halları ilə müəyyən olunur ki, iddiaçı X18 xüsusi mülkiyyətində olan Göyçay rayonun Qızılağac kəndində 1.2899 ha kənd təsərrüfatı təyinatlı torpaq sahəsinin cavabdehlər tərəfindən qanunsuz istifadə edildiyini iddia edir və cavabdehlərin mübahisəli torpaq sahəsindən çıxarılması barədə qətnamə qəbul edilməsini xahiş edir. Məhkəmə iddia tələbinin əsaslığını yoxlamaq üçün mülki iş üzrə mütəxəssis rəyinin verilməsi üçün ekspertizası təyin edərək, müvafiq rəy almış, həmin rəyə əsasən müəyyən edilmişdir ki, iddiaçının xüsusi mülkiyyətində olan Göyçay rayonun Qızılağac kəndində yerləşən 1.2899 ha kənd təsərrüfatı təyinatlı torpaq sahəsinin 0.53 ha hissəsi Cavabdeh2 Qismət oğlunun, 0.47 ha hissəsi cavabdeh X6, 0.23 ha hissəsi cavabdeh X11 qanunsuz istifadəsindədir. İnsan Hüquqları üzrə Avropa Məhkəməsinin presedent hüququna və Mülki Məcəllənin yuxarıda qeyd olunan normalarına əsaslanmaqla məhkəmə belə nəticəyə gəlir ki, iddiaçının iradəsinin ziddinə olaraq onların qanuni sahibliyində olan 1.2899 ha torpaq sahəsinin 0.53 ha hissəsinin Cavabdeh2 Qismət oğlu, 0.47 ha hissəsinin cavabdeh X12, 0.23 ha hissəsinini cavabdeh X11 zəbt etməsi, həmin daşınmaz əmlaka olan mülkiyyət hüququnu “şərti və qeyri-sabit” xarakterli edir, bu torpaq sahəsinə sahiblik, istifadə və sərəncam hüququnun həyata keçirilməsinə maneə yaradır. Cavabdehlərin hərəkətləri iddiaçının mülkiyyətində olan torpaq sahəsi üzərində sahiblik və mülkiyyət hüquqlarının pozuntusunu yaradan hal kimi qəbul edilməlidir. Azərbaycan Respublikası Mülki Məcəlləsinin 152.1.-ci maddəsinə əsasən mülkiyyət hüququ-subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Həmin Məcəllənin 157.2-ci maddəsinə əsasən mülkiyyətçi özgəsinin qanunsuz sahibliyindən öz əmlakını geri tələb edə bilər. Beləliklə, məhkəmə tərəflərin təqdim etdiyi sübutlara hüquqi qiymət verərək hesab edir ki, iddiaçı X9 iddiası təmin edilməli, Göyçay rayonu Qızılağac kəndində yerləşən Hüquqların X13 Daşınmaz Əmlakın Dövlət Reyestrinin çıxarışa əsasən iddiaçının xüsusi mülkiyyətində olan 1.2899 ha torpaq sahəsinin 0.53 ha hissəsindən Cavabdeh2 Qismət oğlu, 0.47 ha hissəsindən cavabdeh X12, 0.23 ha hissəsindən cavabdeh X20 çıxarılmalıdır. Azərbaycan Respublikasının MPM-nın 119.1-ci maddəsinin tələblərinə görə məhkəmə xərcləri ödənilmiş tələblərin məbləğinə münasib olaraq işdə iştirak edən şəxslərə aid edilir. Belə olan halda iş üzrə ekspertiza xərci olan 150 manatın 100 manatı iddiaçıdan, 50 manatı isə cavabdehlərdən müştərək qaydada alınaraq məhkəmə ekspertiza mərkəzinin hesabın ödənilməli. Yuxarıda göstərilənləri nəzərə alaraq və Azərbaycan Respublikası MPM-nin 119, 216-220 və 222.2-ci maddələrini rəhbər tutaraq, məhkəmə Qət etdi: İddia təmin edilsin. Göyçay rayonu Qızılağac kəndində yerləşən Hüquqların X13 Daşınmaz Əmlakın Dövlət Reyestrinin çıxarışa əsasən iddiaçı X8 xüsusi mülkiyyətində olan 1.2899 ha torpaq sahəsinin 0.53 ha hissəsindən Cavabdeh2 Qismət oğlu, 0.47 ha hissəsindən cavabdeh X12, 0.23 ha hissəsindən cavabdeh X20 çıxarılsın. İş üzrə ekspertiza xərcləri olan 150 manatın 100 manatı iddiaçı X7, 50 manatı isə cavabdehlər Cavabdeh1, Cavabdeh2 Qismət oğlu və X10 müştərək qaydada alınaraq məhkəmə ekspertiza mərkəzinin VÖEN **********1, AZ 34CTRE******************** nömrəli hesabına keçirilsin. Qətnamədən rəsmi qaydada verildiyi gündən bir ay müddətində Göyçay Rayon Məhkəməsi vasitəsi ilə Şəki Apellyasiya Məhkəməsinə apelyasiya şikayəti verilə bilər. Sədrlik edən: İbrahim Fəttahov