Göyçay Rayon Məhkəməsi Qətnamə — İş №2(046)-633/2021

Azərbaycan Respublikası adından QƏTNAMƏ Göyçay rayonu İş № 2(046)-633/2021 09.04.2021 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Səmidli Nərmin Yaşar qızının katibliyi, Ərizəçi iştirakı ilə, sənədin şəxsə məxsus olması faktının müəyyən edilməsinə dair mülki işə Göyçay şəhərində xx xxxxx 2021-ci il tarixdə açıq məhkəmə iclasında baxaraq, məhkəmə MÜƏYYƏN ETDİ: Ərizəçi məhkəməyə müraciət edərək, JN-178A saylı Torpağın Mülkiyyətə Verilməsinə dair Şəhadətnamənin ümumi-birgə mülkiyyətçilər sırasında 2-ci nömrədə X4 adına yazılmış qeydin ona məxsus olması faktının müəyyən edilməsinə dair qətnamə qəbul edilməsini xahiş etmişdir. Ərizəçi ərizəni müdafiə edərək tələbini belə əsaslandırmışdır ki, Göyçay rayon Aqrar İslahat Komissiyasının xx.xx.1997-ci il tarixli qərarı ilə mərhum keçmiş əri X1 və onun torpağın mülkiyyətə verilməsinə dair JN-178A saylı şəhadətnaməyə əsasən Göyçay rayonunun Mallı-Şıxlı kəndində 0.65 ha torpaq sahəsi ümumi-birgə mülkiyyətlərinə verilmişdir. Həmin torpaq sahəsinə hüquqların dövlət qeydiyyatı haqqında daşınmaz əmlakın dövlət reyestrindən Çıxarışın və texniki pasportun hazırlanması üçün Daşınmaz Əmlakın Dövlət Reyestri Xidmətinin 16 saylı Ucar Ərazi İdarəsinə ərizə ilə müraciət etmiş və məlum olmuşdur ki, JN-178A saylı Torpağın Mülkiyyətə Verilməsinə dair Şəhadətnamənin ümumi-birgə mülkiyyətçilər sırasında 2-ci nömrədə X7 adının əvəzinə səhvən X8 yazılmışdır. DƏDRX-nin 16 saylı Ərazi İdarəsi xx.xx.2021-ci il tarixli məktubla məhkəməyə müraciət etməyini tövsiyə etmişdir. Qızlıq soyadı Kərimova olmuş, X3 ilə nikah bağladıqdan sonra İsmayılova soyadını götürmüş, ikinci dəfə nikah bağlayarkən soyadı Əhmədova qeyd edilmişdir. Buna görə də JN-178A saylı Torpağın Mülkiyyətə Verilməsinə dair Şəhadətnamənin ona məxsus olması barədə qətnamə qəbul edilməsini xahiş etmişdir. İş üzrə maraqlı tərəf Dövlət Reyestri Xidmətinin 16 saylı Ucar Ərazi İdarəsinə məhkəmənin yeri və vaxtı barədə qanunvericilikdə nəzərdə tutulmuş qaydada məhkəmə bildirişləri vasitəsilə məlumat verilmiş, lakin maraqlı şəxsin nümayəndəsi məhkəmə baxışında iştirak etməmişdir. İş üzrə ərizəçinin izahatını dinləyən, təqdim edilmiş sübutlara hüquqi qiymət verərək hesab edir ki, ərizə əsaslıdır və aşağıda göstərilənlərə əsasən təmin edilməlidir. Məhkəməyə təqdim edilmiş X5 surətindən görünür ki, X10 xx.xx.1972-ci il tarixdə anadan olmuşdur. Məhkəməyə təqdim edilmiş Nikah haqqında şəhadətnamənin çıxarışından görünür ki, X10 ilə X11 ilə xx.xx.1999-cu il tarixdə nikah bağlamışlar. Məhkəməyə təqdim edilmiş Torpağın Mülkiyyətə Verilməsinə dair JN-178A saylı Şəhadətnamənin surətindən görünür ki, Göyçay rayon Aqrar İslahat Komissiyasının xx.xx.1997-ci il tarixli qərarı ilə Göyçay rayonu Mallı-Şıxlı kəndində yerləşən 0.65 ha torpaq sahəsi X1 və X4 ümumi-birgə mülkiyyətinə verilmişdir. Məhkəməyə təqdim edilmiş, Azərbaycan Respublikası Əmlak Məsələləri Komitəsi yanında Daşınmaz Əmlakın Dövlət Reyestri Xidmətinin 16 saylı Ucar Ərazi İdarəsi tərəfindən verilmiş xx.xx.2021-ci il tarixli məktubdan görünür ki, DT və XK-si tərəfindən verilmiş JN-178A saylı Torpağın Mülkiyyətə Verilməsinə Dair Şəhadətnamədə Ərizəçi adı səhvən X2 qeyd edilmişdir. Azərbaycan Respublikası MPM-nin 350.2.11-ci maddəsinə əsasən məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları, qanunvericilikdə müəyyən edilməsinin başqa qaydası nəzərdə tutulmamışsa, digər hüquqi əhəmiyyəti olan faktları da müəyyən edə bilər. Azərbaycan Respublikası MPM-nin 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Belə olan halda məhkəmə hesab edir ki, Ərizəçi ərizəsi təmin edilməli, Göyçay rayon Aqrar İslahat Komissiyasının xx.xx.1997-ci il tarixli qərarı ilə X4 adına verilmiş Göyçay rayonu Mallı-Şıxlı kəndində yerləşən 0.65 ha torpaq sahəsinə mülkiyyət hüququnun təsdiq edən JN-178A saylı torpağın mülkiyyətə verilməsinə dair şəhadətnamənin Ərizəçi məxsus olması faktı müəyyən edilməlidir. Yuxarıdakılara əsasən və Azərbaycan Respublikası MPM-nin 216-220, 350.2.5, 311 və 360-cı maddələrini rəhbər tutaraq, məhkəmə Q Ə T E T D İ Ərizə təmin edilsin. Göyçay rayon Aqrar İslahat Komissiyasının xx.xx.1997-ci il tarixli qərarı ilə X4 adına verilmiş Göyçay rayonu Mallı-Şıxlı kəndində yerləşən 0.65 ha torpaq sahəsinə mülkiyyət hüququnun təsdiq edən JN-178A saylı torpağın mülkiyyətə verilməsinə dair şəhadətnamənin Ərizəçi məxsus olması faktı müəyyən edilsin. Qətnamədən rəsmi qaydada verildiyi gündən 1 ay müddətində Göyçay Rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə apellyasiya şikayəti verilə bilər. Hakim İbrahim Fəttahov.