Göyçay Rayon Məhkəməsi Qətnamə — İş №2(046)-888/2020

Azərbaycan Respublikası adından QƏTNAMƏ Göyçay rayonu İş № 2(046)-888/2020 24.08.2020 GÖYÇAY RAYON MƏHKƏMƏSİ Hakim Fəttahov İbrahim Bağır oğlunun sədrliyi, Məmmədov Səbuhi Mətləb oğlunun katibliyi, İddiaçı iştirakı ilə, İddiaçı cavabdehlər Cavabdeh1, Cavabdeh2 və Cavabdeh3 qarşı mənzildən istifadə hüququ olmayan şəxs hesab edilməsi tələbinə dair mülki işə Göyçay şəhərində xx xxxxxx 2020-ci il tarixdə açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı iddia ərizəsi ilə məhkəməyə müraciət edərək cavabdehlər Cavabdeh1, Cavabdeh2 və Cavabdeh3 Göyçay şəhəri M.Hüseynzadə küçəsi ev 31 A, 41 saylı mənzildən istifadə hüququ olmayan şəxs hesab edilməsi barədə qətnamə qəbul edilməsini xahiş etmişdir. İş üzrə İddiaçı iddianı müdafiə edərək tələbi belə əsaslandırmışdır ki, xx.xx.2020-ci il tarixli ********** saylı qeydiyyat nömrəsi ilə Azərbaycan Respublikası Əmlak Məsələləri Dövlət Komitəsi yanında Daşınmaz Əmlakın Dövlət Reyestri Xidmətində qeydə alınmış hüquqların dövlət qeydiyyatı haqqında daşınmaz əmlakın dövlət reyestrindən çıxarışa əsasən Göyçay şəhəri M.Hüseynzadə küçəsi ev 31 A, 41 saylı mənzilin tam mülkiyyətçisidir. Belə ki, həmin evi aldıqdan sonra “Elektron notariat” X1 çıxarışda cavabdehlər Cavabdeh1, Cavabdeh2 və Cavabdeh3 Göyçay şəhəri M.Hüseynzadə küçəsi ev 31 A, 41 saylı mənzildə qeydiyyatda olduqları məlum olmuşdur. Cavabdehlər mənzildə yaşamamaqla, texniki səhv nəticəsində Göyçay şəhəri M.Hüseynzadə küçəsi ev 31 A, 41 saylı mənzildə qeydiyyatda qalmışlar. Cavabdehlərin onun xüsusi mülkiyyətində olan mənzildə qeydiyyatda olması mənzil üzərində mülkiyyət hüquqularını tam həyata keçirməyinə mane olur. Buna görə də cavabdehlər Cavabdeh1, Cavabdeh2 və Cavabdeh3 Göyçay şəhəri M.Hüseynzadə küçəsi ev 31 A, 41 saylı mənzildən istifadə hüququna olmayan şəxs hesab edilməsi barədə qətnamə qəbul edilməsini xahiş etmişdir. İş üzrə Cavabdeh1 məhkəməyə teleqram vasitəsi ilə müraciət edərək göstərmişdir ki, o və mənzildə qeydiyyatda olan digər şəxslər Göyçay şəhəri M.Hüseynzadə küçəsi ev 31 A, 41 saylı mənzilin satılmasına etiraz etməmişlər və həmin mənzildən qeydiyyatdan çıxmalarını xahiş edirlər. İş üzrə cavabdehlər Cavabdeh2 və Cavabdeh3məhkəmənin yeri və vaxtı barədə qanunvericilikdə nəzərdə tutulmuş qaydada məhkəmə bildirişləri vasitəsilə məlumat verilmiş, lakin cavabdehlər məhkəmə baxışında iştirak etməmişlər. Azərbaycan Respublikası Mülki Prosessual Məcəlləsinin 185.5-ci maddəsinə əsasən məhkəmə iclasının vaxtı və yeri haqqında lazımi qaydada xəbərdar edilmiş cavabdehin gəlməməsinin səbəbləri haqqında məlumat olmadıqda məhkəmə işə baxmağa haqlıdır. Məhkəmə cavabdehlər Cavabdeh1, Cavabdeh2 və Cavabdeh3 iştirakı olmadan işə baxılmasını mümkün hesab etmişdir. İş üzrə iddiaçının izahatını dinləyən, təqdim edilmiş sübutlara hüquqi qiymət verən məhkəmə hesab edir ki, iddia təmin edilməlidir. Məhkəməyə təqdim edilmiş hüquqların dövlət qeydiyyatı haqqında daşınmaz əmlakın dövlət reyestrindən xx.xx.2020-ci il tarixli ********** saylı çıxarışdan görünür ki, Göyçay şəhəri M.Hüseynzadə küçəsi ev 31 A, 41 saylı mənzil İddiaçı adına qeydə alınmışdır. Məhkəməyə təqdim edilmiş “Elektron notariat” X1 çıxarışlardan görünür ki, Cavabdeh1, Cavabdeh2 və Cavabdeh3 Göyçay şəhəri M.Hüseynzadə küçəsi ev 31 A, 41 saylı mənzildə qeydiyyatdadır. Sadalananlara əsasən məhkəmə hesab edir ki, cavabdehlər Cavabdeh1, Cavabdeh2 və Cavabdeh3 Göyçay şəhəri M.Hüseynzadə küçəsi ev 31 A, 41 saylı mənzildə qeydiyyatda qalması İddiaçı mülkiyyət hüquqlarını məhdudlaşdırır. Azərbaycan Respublikasının Konstitusiyasının 29-cu maddəsinə əsasən hər kəsin mülkiyyət hüququ vardır. Azərbaycan Respublikasının Konstitusiyasının 71-ci maddəsinin 2-ci hissəsinə əsasən insan və vətəndaş hüquq və azadlıqlarının həyata keçirilməsini heç kəs məhdudlaşdıra bilməz. İnsan hüquqları haqqında Ümumi Bəyannamənin 8-ci maddəsinə əsasən hər bir insan onun konstitusiya, yaxud qanunla verilmiş əsas hüquqları pozulduğu hallarda həmin hüquqların səlahiyyətli milli məhkəmələr tərəfindən təsirli şəkildə bərpa olunması hüququna malikdir. Azərbaycan Respublikası Mülki Məcəlləsinin 152.1-ci maddəsinə əsasən mülkiyyət hüququ – subyektin ona mənsub əmlaka öz istədiyi kimi sahib olmaq, ondan istifadə etmək ona dar sərəncam vermək üzrə dövlət tərəfindən tanınan və qorunan hüququdur. Belə olan halda məhkəmə hesab edir ki, İddiaçı cavabdehlər Cavabdeh1, Cavabdeh2 və Cavabdeh3 qarşı mülkiyyətində olan Göyçay şəhəri M.Hüseynzadə küçəsi ev 31 A, 41 saylı mənzildən istifadə hüququ olmayan şəxs hesab edilməsinə dair tələbi əsaslı olduğundan təmin edilməlidir. Qeyd olunanalara əsasən və Azəbaycan Respublikası MPM-nin 216-220, 227, 357, 360-cı maddələrini rəhbər tutaraq, məhkəmə Q Ə T E T D İ: İddia təmin edilsin. İddiaçı cavabdehlər Cavabdeh1, Cavabdeh2 və Cavabdeh3 qarşı Göyçay şəhəri M.Hüseynzadə küçəsi ev 31 A, 41 saylı mənzildən istifadə hüququ olmayan şəxs hesab edilməsinə dair tələbi təmin edilsin. Bu qətnamə cavabdehlər Cavabdeh1, Cavabdeh2 və Cavabdeh3 Göyçay şəhəri M.Hüseynzadə küçəsi ev 31 A, 41 saylı mənzildən istifadə hüququ olmayan şəxs hesab edilməsi üçün əsasdır. Qətnamədən rəsmi qaydada verildiyi gündən 1 ay müddətində Göyçay Rayon Məhkəməsi vasitəsi ilə Azərbaycan Respublikası Şəki Apellyasiya Məhkəməsinə şikayət verilə bilər. HAKİM: İbrahim Fəttahov