Laçın Rayon Məhkəməsi Qərardad — İş №2(047)-875/2024

Azərbaycan Respublikası adından QƏRARDAD Laçın rayonu İş № 2(047)-875/2024 20.08.2024 LAÇIN RAYON MƏHKƏMƏSİ Hakim İbrahimov Cavad Cavanşir oğlunun sədrliyi ilə, İddiaçı ASC-nin Cavabdeh və maraqlı şəxs Sumqayıt ”Asan Xidmət” Mərkəzinin Notariat Ofisinə qarşı daşınmaz əmlakın alqı-satqı müqaviləsinin ləğv edilməsi və fərdi yaşayış evinin boşaldılaraq banka təhvil verilməsi tələbinə dair iddia ərizəsinə və ona əlavə edilmiş sənədlərə baxaraq, müəyyənetdi: İddiaçı ASC Cavabdeh və maraqlı şəxs Sumqayıt ”Asan Xidmət” Mərkəzinin Notariat Ofisinə qarşı daşınmaz əmlakın alqı-satqı müqaviləsinin ləğv edilməsi və fərdi yaşayış evinin boşaldılaraq banka təhvil verilməsi tələbinə dair iddia ərizəsi ilə məhkəməyə müraciət edərək tələbinin təmin olunması barədə qətnamə qəbul olunmasını xahiş etmişdir. İddia ərizəsini və ona əlavə edilmiş sənədləri nəzərdən keçirib müəyyən etdim ki, ərizə Azərbaycan Respublikası Mülki Prosessual Məcəlləsinin 39 və 152-ci maddələrinin tələblərinə riayət edilmədən verildiyi üçün geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Azərbaycan Respublikası Mülki Prosessual Məcəlləsinin 39.1-ci maddəsinə əsasən daşınmaz əşyaya mülkiyyət hüququnun tanınması, daşınmaz əşyanın başqasının qeyri-qanuni sahibliyindən götürülməsi, mülkiyyət hüququndan məhrum etmə ilə əlaqədar olmayan mülkiyyətçinin və yaxud başqa qanuni sahibin hüquqlarının pozulmasını aradan qaldırmaq haqqında iddialar daşınmaz əşyanın olduğu yerə görə verilir. İş materiallarından görünür ki, iş üzrə Cavabdeh Laçın rayonu Cicimli kəndində qeydiyyatda olduğu üçün İddiaçı ASC Cavabdeh və maraqlı şəxs Sumqayıt ”Asan Xidmət” Mərkəzinin Notariat Ofisinə qarşı daşınmaz əmlakın alqı-satqı müqaviləsinin ləğv edilməsi və fərdi yaşayış evinin boşaldılaraq banka təhvil verilməsi tələbinə dair iddia ərizəsi ilə Laçın Rayon Məhkəməsinə müraciət etmişdir. Lakin iddia ərizəsindən də göründüyü kimi tərəflər arasında ünvan 1 ünvanda yerləşən əmlak ilə bağlı mübahisə yaranmış və ona görə də məhkəmə Azərbaycan Respublikası Mülki Prosessual Məcəlləsinin 39.1-ci maddəsinin tələblərini rəhbər tutaraq hesab edir ki, belə olan halda qeyd edilən iddia tələbinə Laçın Rayon Məhkəməsi tərəfindən deyil, müstəsna aidiyyət qaydasında qeyd edilən əmlakın yerləşdiyi yerin məhkəməsi, yəni Sumqayıt Şəhər Məhkəməsi tərəfindən baxılmalıdır. Bundan başqa, Azərbaycan Respublikası Mülki Prosessual Məcəlləsinin 152.1.3cü maddəsinə əsasən əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. Azərbaycan Respublikası Mülki Prosessual Məcəlləsinin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Azərbaycan Respublikası Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılması barədə nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Məhkəmə qeyd olunan hüquq normalarını nəzərdən keçirib belə qənaətə gəlir ki, İddiaçı ASC-nin Cavabdeh və maraqlı şəxs Sumqayıt ”Asan Xidmət” Mərkəzinin Notariat Ofisinə qarşı daşınmaz əmlakın alqı-satqı müqaviləsinin ləğv edilməsi və fərdi yaşayış evinin boşaldılaraq banka təhvil verilməsi tələbinə dair iddia ərizəsi və ona əlavə edilmiş sənədlər geri qaytarılmalı və iddiaçıya müstəsna aidiyyət qaydasında qeyd edilən əmlakın yerləşdiyi yer üzrə, yəni Sumqayıt Şəhər Məhkəməsinə müraciət etmək hüquqlarının olduğu izah edilməlidir. Göstərilənlərə əsasən və Azərbaycan Respublikası MPM-nin 39, 152, 263-264 və 267-268-ci maddələrini rəhbər tutaraq, məhkəmə qəraraaldı: İddiaçı ASC-nin Cavabdeh və maraqlı şəxs Sumqayıt ”Asan Xidmət” Mərkəzinin Notariat Ofisinə qarşı daşınmaz əmlakın alqı-satqı müqaviləsinin ləğv edilməsi və fərdi yaşayış evinin boşaldılaraq banka təhvil verilməsi tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçı ASC-nə qeyd edilən iddia tələbi ilə bağlı müstəsna aidiyyət qaydasında əmlakın yerləşdiyi yer üzrə, yəni Sumqayıt Şəhər Məhkəməsinə müraciət etmək hüququnun olduğu izah edilsin. Qərardaddan, tərəfə rəsmi qaydada verildiyi gündən 10 (on) gün müddətinə Laçın Rayon Məhkəməsinə şikayət verilə bilər. Hakim: Cavad İbrahimov