Masallı Rayon Məhkəməsi Qərardad — İş №2(050)-38/2024

Azərbaycan Respublikası adından QƏRARDAD Masallı rayonu İş № 2(050)-38/2024 24.07.2024 MASALLI RAYON MƏHKƏMƏSİ Zeynalov Zeynal Ağabala oğlunun sədrliyi, Qasımov Xanbaba Alxas oğlunun katibliyi ilə, İddiaçı Masallı rayon Xırmandalı Bələdiyyəsinin Cavabdeh qarşı «torpaq sahəsinin qanunsuz sahiblikdən geri alınması, maneələrin aradan qaldırılması və torpaq sahəsinin əvvəlki vəziyyətə gətirilməsi» tələbi barədə iddia ərizəsi üzrə mülki işə məhkəmə iclasında baxaraq, məhkəmə müəyyən etdi: İddiaçı Masallı rayon Xırmandalı Bələdiyyəsi Cavabdeh qarşı «torpaq sahəsinin qanunsuz sahiblikdən geri alınması, maneələrin aradan qaldırılması və torpaq sahəsinin əvvəlki vəziyyətə gətirilməsi» tələbi barədə iddia ərizəsi ilə məhkəməyə müraciət edərək qətnamə çıxarılmasını xahiiş etmişdir. Tərəflər məhkəmə iclasının vaxtı və yeri haqqında lazımi qaydada xəbərdar edilmələrinə baxmayaraq, məhkəmə iclasına gəlməmişlər. Lakin iddiaçının nümayəndəsi ərizə ilə məhkəməyə müraciət edərək, iddia ərizəsinin baxılmamış saxlanılmasını və ərizəyə əlavə edilmiş sənədlərin geri qaytarılmasını xahiş etmişdir. Həmçinin, cavabdeh də 27 noyabr 2023-cü il tarixdə ərizə ilə məhkəməyə müraciət edərək, iddia ərizəsinin baxılmamış saxlanılmasına etiraz etmədiyini bildirmişdir. Azərbaycan Respublikası Mülki Prosessual Məcəlləsinin (bundan sonra - MPM) 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. MPM-in 260.1 və 260.6-cı maddələrinə görə iddianın baxılmamış saxlanılması haqqında məhkəmə qərardad çıxarır və həmin qərardaddan şikayət verilə bilər. Göstərilənlərə əsasən və MPM-in 259, 260, 263-264, 267-268-ci maddələrini rəhbər tutaraq, məhkəmə qərara aldı: İddiaçı Masallı rayon Xırmandalı Bələdiyyəsinin Cavabdeh qarşı «torpaq sahəsinin qanunsuz sahiblikdən geri alınması, maneələrin aradan qaldırılması və torpaq sahəsinin əvvəlki vəziyyətə gətirilməsi» tələbinə dair iddia ərizəsi baxılmamış saxlanılsın. Qərardad tərəfə rəsmi qaydada verildikdən sonra 10 gün müddətində Masallı Rayon Məhkəməsinə şikayət verilə bilər. X1