Mingəçevir Şəhər Məhkəməsi Qərardad — İş №2(051)-1416/2022

Azərbaycan Respublikası adından QƏRARDAD Mingəçevir şəhəri İş № 2(051)-1416/2022 03.06.2022 MİNGƏÇEVİR ŞƏHƏR MƏHKƏMƏSİ Hakim Kərimova Məhburə Kərim qızı, Ərizəçi miras əmlakın onun tərəfindən qəbul edilməsi faktının müəyyən olunmasına dair ərizəsinə baxaraq, MÜƏYYƏN ETDİM: Ərizəçi miras əmlakın onun tərəfindən qəbul edilməsi faktının müəyyən olunmasına dair ərizə ilə məhkəməyə müraciət etmişdir. Lakin ərizəyə tələbi təsdiq edən sübutların lazımi qaydada təsdiq edilməmiş ksereo-surətləri əlavə edilmişdir. Mülki Prosessual Məcəllənin 89.3-cü maddəsinə əsasən sübutların əsli və ya lazımi qaydada təsdiq olunmuş surəti təqdim edilir. Əgər baxılan işə sənədin yalnız bir hissəsi aiddirsə, belə olan halda, bu sənəddən təsdiq olunmuş çıxarış təqdim edilir. Mülki Prosessual Məcəllənin 149.2.3-cü maddəsinə əsasən ərizədə iddiaçının və ya ərizəçinin öz tələblərinin əsası kimi istinad etdiyi fakt və hallar və onları təsdiq edən sübutların siyahısı göstərilməlidir. Azərbaycan Respublikası Mülki Prosessual Məcəlləsinin 152.1.1-ci maddəsində göstərilir ki, ərizənin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim ərizəni geri qaytarır. Mülki Prosessual Məcəllənin 151.1-ci maddəsində göstərilir ki, ərizə bu Məcəllənin tələblərinə riayət edilməklə verildikdə, onun məhkəmə icraatı mümkündür. Göstərilənlərə əsasən Ərizəçi miras əmlakın onun tərəfindən qəbul edilməsi faktının müəyyən olunmasına dair ərizəsi geri qaytarılmalıdr. Azərbaycan Respublikasının MPM-nin 263-264, 267-268-ci maddələrini rəhbər tutaraq QƏRARA ALDİM: Ərizəçi miras əmlakın onun tərəfindən qəbul edilməsi faktının müəyyən olunmasına dair ərizəsi qaytarılsın. Qərardaddan rəsmi qaydada verildiyi gündən 10 (on) gün müddətində (Elektron Məhkəmə İnformasiya Sistemində yaradılan Elektron kabinetdən istifadə edilməklə) Mingəçevir Şəhər Məhkəməsinə şikayət verilə bilər. Hakim: Məhburə Kərimova