Neftçala Rayon Məhkəməsi Qərardad — İş №2(053)-934/2025

Azərbaycan Respublikası adından QƏRARDAD Neftçala rayonu İş № 2(053)-934/2025 04.06.2025 NEFTÇALA RAYON MƏHKƏMƏSİ Mən – Neftçala Rayon Məhkəməsinin hakimi Qədimov Ceyhun Tofiq oğlu, İddiaçı Cavabdeh qarşı əmək haqqından tutulmaların dayandırılması, kredit üzrə qalan aylıq ödənişlərin icrası öhdəliyinin Cavabdeh həvalə edilməsi və zaminlikdən çıxarılma tələbinə dair iddia ərizəsini və ona əlavə edilmiş sənədləri nəzərdən keçirərək, MÜƏYYƏN ETDİM: İddiaçı Cavabdeh qarşı iddia ilə məhkəməyə müraciət edərək, əmək haqqından tutulmaların dayandırılması, kredit üzrə qalan aylıq ödənişlərin icrası öhdəliyinin Cavabdeh həvalə edilməsi, zaminlikdən çıxarılması və məhkəmə xərclərinin cavabdehdən alınaraq ona qaytarılmasına dair qətnamə çıxarılmasını xahiş etmişdir. İddia ərizəsi məhkəməyə 02 iyun 2025-ci ildə daxil olub. 04 iyun 2025-ci ildə iddiaçı ərizə ilə məhkəməyə müraciət edərək, iddiasını geri götürdüyünü qeyd edib iddia ərizəsini ona əlavə edilmiş sənədlərlə birlikdə geri qaytarılmasını xahiş etmişdir. Azərbaycan Respublikasının MPM-nin 152.1.9-cu maddəsinə əsasən «iddia ərizəsini icraata götürmək haqqında qərardad çıxarılana qədər iddiaçıdan iddia ərizəsinin qaytarılmasına dair ərizə daxil olduqda hakim iddia ərizəsini və ona əlavə edilmiş sənədləri geri qaytarır». Məhkəmə hesab edir ki, ərizə təmin edilməli, iddia ərizəsi və ona əlavə edilmiş sənədlər İddiaçı qaytarılmalıdır. Azərbaycan Respublikasının MPM-nin 152.2-ci maddəsinə əsasən «İddia ərizəsinin qaytarılması haqqında hakim qərardad çıxarır». Həmin Məcəllənin 152.4-cü maddəsinə əsasən «İddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur». Qeyd olunanlara əsasən və Azərbaycan Respublikasının MPM-nin 152.1.9, 263– 264, 267–268-ci maddəsini rəhbər tutaraq, QƏRARA ALDİM: İddiaçı Cavabdeh qarşı əmək haqqından tutulmaların dayandırılması, kredit üzrə qalan aylıq ödənişlərin icrası öhdəliyinin Cavabdeh həvalə edilməsi və zaminlikdən çıxarılma tələbinə dair iddiası geri qaytarılsın. İddiaçıya izah edilsin ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 (on) gün müddətində Neftçala Rayon Məhkəməsinə şikayət verilə bilər. Hakim Ceyhun Qədimov