Saatlı Rayon Məhkəməsi Qərardad — İş №2(055)-583/2024

Azərbaycan Respublikası adından QƏRARDAD Saatlı rayonu İş № 2(055)-583/2024 16.04.2024 SAATLI RAYON MƏHKƏMƏSİ Hakim Abuşov İxtiyar Əliyar oğlu, İddiaçı Cavabdeh qarşı qonşuluq hüququnun pozulması və kirayəşininin mənzildən çıxarılması tələbinə dair iddia ərizəsini araşdırıb, Müəyyənetdi: İddiaçı iddia ərizəsi ilə məhkəməyə müraciət edərək qonşuluq hüququnun pozulması səbəbindən Saatlı şəhəri H.Əliyev prospekti 280/4, blok 1, mərtəbə 5-də yerləşən mənzildə kirayəşin yaşayan Cavabdeh həmin mənzildən çıxarılması barədə qətnamə çıxarılmasını xahiş etmişdir. Məhkəmə iddia ərizəsinə və ərizəyə əlavə edilmiş sənədlərə baxaraq hesab edir ki, iddia ərizəsi və ona əlavə edilmiş sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 152.1.1-ci və 152.1.5-ci maddələrinə görə iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə və ya bu Məcəllənin 150.1.1-ci maddəsində göstərilən sənədlər iddia ərizəsinə əlavə edilmədikdə və müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. İddia ərizəsi araşdırılarkən müəyyən olundu ki, iddia ərizəsinin qoşma hissəsində qeyd olunmasına baxmayaraq, iddiaçı iddia ərizəsinin surətini, dövlət rüsumunun ödənilməsi barədə qəbzi, yaşayış yeri barədə arayış, şəxsiyyət vəsiqəsinin surətini iddia ərizəsinə əlavə etməmişdir. Bundan başqa, iddia ərizəsində cavabdehin ata adı, ünvanı, şəxsiyyətini təsdiq edən sənədin nömrəsi və ya FİN kodu göstərilməmişdir. Azərbaycan Respublikası Mülki Prosessual Məcəlləsinin 152.2-ci maddəsinə əsasən iddia ərizəsinin qaytarılması haqqında hakim qərardad çıxarır. Həmin Məcəllənin 152.3-cü maddəsinə əsasən iddia ərizəsinin qaytarılması haqqında qərardaddan şikayət verilə bilər. Qərardad ləğv edildikdə, iddia ərizəsi məhkəməyə müraciət edildiyi gündən verilmiş hesab edilir. Həmin Məcəllənin 152.4-cü maddəsinə əsasən iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə, məhkəmə hesab edir ki, İddiaçı Cavabdeh qarşı qonşuluq hüququnun pozulması və kirayəşinin mənzildən çıxarılması tələbinə dair iddia ərizəsi və ərizəyə əlavə olunmuş sənədlər geri qaytarılmalıdır. Şərh olunanlara əsasən və Azərbaycan Respublikası Mülki Prosessual Məcəlləsinin 152, 263, 264, 267 və 268-ci maddələrini rəhbər tutaraq, məhkəmə Qəraraaldı: İddiaçı Cavabdeh qarşı qonşuluq hüququnun pozulması və kirayəşinin mənzildən çıxarılması tələbinə dair iddia ərizəsi və ərizəyə əlavə edilmiş sənədlər geri qaytarılsın. İddiaçıya izah olunsun ki, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan qərardad tərəfə rəsmi qaydada verildikdən sonra 10 (on) gün müddətində Saatlı Rayon Məhkəməsinə şikayət verilə bilər. Əsli ilə düzdür Hakim: İxtiyar Abuşov