Salyan Rayon Məhkəməsi Qərardad — İş №2(057)-306/2023

Azərbaycan Respublikası adından QƏRARDAD Salyan rayon İş № 2(057)-306/2023 20.06.2023 SALYAN RAYON MƏHKƏMƏSİ Hakim Məmmədli Ənnağı Əbdül oğlunun sədrliyi, X3 qızının katibliyi, İddiaçının nümayəndəsi X1 iştirakı ilə, İddiaçı Salyan rayon Qaraçala Bələdiyyəsinin Cavabdeh qarşı “torpaq sahəsinin boşadılması” tələbinə dair mülki işə Salyan Rayon Məhkəməsinin inzibati binasında açıq məhkəmə iclasında baxaraq, məhkəmə MÜƏYYƏN ETDİ: İddiaçı Salyan rayon Qaraçala Bələdiyyəsinin Cavabdeh qarşı “torpaq sahəsinin boşadılması” tələbinə dair iddia ərizəsi ilə Salyan Rayon Məhkəməsinə müraciət edərək, cavabdehin icarəsinə verilmiş Salyan rayon Qaraçala Bələdiyyəsinin mülkiyyətində olan 0.10 hektar və cavabdeh tərəfindən zəbt edilmiş 0.12 ha torpaq sahəsinin cavabdehdən alınaraq bələdiyyənin mülkiyyətinə qaytarılması və cavabdeh tərəfindən ödənilmiş 1144.10 manat yerli verginin cavabdehdən alınaraq Salyan rayon Qaraçala Bələdiyyəsinə ödənilməsi barədə qətnamə çıxarılmasını məhkəmədən xahiş etmişdir. Məhkəmə iclasında iştirak edən iddiaçı Salyan rayon Qaraçala Bələdiyyəsinin sədri X2 göstərmişdir ki, Cavabdeh ilə mübahisənin məhkəmədən kənar həll edilməsini istəyirlər. Ona görə də iddia ərizəsinin baxılmamış saxlanmasını məhkəmədən xahiş etmişdir. Məhkəmə iclasında iştirak edən Cavabdeh iddiaçının ona qarşı verdiyi iddia ərizəsinin baxılmamış saxlanılmasına etiraz etmədiyini bildirmişdir. Məhkəmə iclasının vaxtı və yeri barədə qanunla müəyyən edilmiş qaydada məlumatlandırılmış cavabdeh məhkəmə iclasında iştirak etməmişdir. Azərbaycan Respublikası Mülki Prosessual Məcəlləsinin 259.0.11-ci maddəsinə əsasən iddia ərizəsinin qaytarılması barəsində ərizə verildikdə və cavabdeh işin mahiyyəti üzrə həll olunmasını tələb etmədikdə məhkəmə ərizəni baxılmamış saxlayır. Azərbaycan Respublikası MPM-nin 260.1-ci maddəsinə əsasən iddianın baxılmamış saxlanması haqqında məhkəmə qərardad çıxarır. Həmin Məcəllənin 260.6-cı maddəsinə əsasən iddianın baxılmamış saxlanması haqqında məhkəmə qərardadından şikayət verilə bilər. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 260.1, 260.6, 263, 264 və 268-ci maddələrini rəhbər tutaraq, məhkəmə QƏRARA ALDİ: İddiaçı Salyan rayon Qaraçala Bələdiyyəsinin Cavabdeh qarşı “torpaq sahəsinin boşadılması” tələbinə dair iddia ərizəsi baxılmamış saxlanılsın. İddia ərizəsi və ona əlavə edilmiş sənədlər iddiaçıya geri qaytarılsın. Qərardaddan rəsmi qaydada verildikdən 10 (on) gün müddətində Salyan Rayon Məhkəməsinə şikayət verilə bilər. Hakim: Ənnağı Məmmədli