Sumqayıt Şəhər Məhkəməsi Qətnamə — İş №2(060)-1663/2021

Azərbaycan Respublikası adından QƏTNAMƏ Sumqayıt şəhəri İş № 2(060)-1663/2021 07.04.2021 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Əliyev Orxan Elşən oğlunun katibliyi, İddiaçının nümayəndəsi və vəkili X4 iştirakı ilə, İddiaçı cavabdehlər Cavabdeh1, Cavabdeh2, Cavabdeh3, Muradlı Şükufə Yunus qızına və Cavabdeh5 qarşı “mənzilə istifadə hüquqlarının itirilmiş hesab edirlməsi tələbinə” dair iddia ərizəsi üzrə mülki işə açıq məhkəmə iclasında baxaraq, məhkəmə, MÜƏYYƏN ETDİ: İddiaçı cavabdehlər Cavabdeh1, Cavabdeh2, Cavabdeh3, Muradlı Şükufə Yunus qızına və Cavabdeh5 qarşı “mənzilə istifadə hüquqlarının itirilmiş hesab edirlməsi tələbinə” dair iddia ərizəsi ilə Sumqayıt şəhər Məhkəməsinə müraciət edərək, cavabdehlər Cavabdeh1, Cavabdeh2, Cavabdeh3, Muradlı Şükufə Yunus qızının, Cavabdeh5 və onların uşaqları xx.xx.2013-cü il təvəllüdlü X3, xx.xx.2013cü il təvəllüdlü X1 və xx.xx.2015-ci il təvəllüdlü İsmayılzadə Fatimə Əyyub qızının Sumqayıt şəhəri, 36-cı məhəllə, 10/27a saylı evin, 1 saylı mənzilə istifadə hüquqlarının itirilmiş hesab edilməsi barədə qətnamə çıxarılmasını məhkəmədən xahiş etmişdir. İddiaçının nümayəndəsi və vəkili X7 məhkəmə iclasında iddia tələbini müdafiə edərək onunla əsaslandırdı ki, ünvan 1 ünvanda yerləşən mənzil şəxsi mülkiyyət hüququ əsasında iddiaçıya məxsusdur. Həmin mənzili iddiaçı Sumqayıt şəhər 4 saylı notariat kontorunda təsdiq edilmiş xx xxxxx 2014-cü il tarixdə Muradlı Şükufə Yunus qızından almışdır. Alqı-satqı müqaviləsi əsasında satıcı mənzili iddiaçıya təhvil verərək özü və ailə üzvləri ilə birlikdə mənzili tərk etmişlər. Buna baxmayaraq, cavabdehlər mənzildən pasport qeydiyyatından çıxmamışlar, hətta mənzili satdıqdan sonra doğulmuş uşaqlarını da avtomatik olaraq mənzilə qeydiyyata saldırmışlar. Bu şəxslərin mənzili satmağa razılıq verdikdən və mənzil satıldıqdan sonra iddiaçının mənzilində istifadə hüquqları qalmamışdır və ona görə də cavabdehlərin mənzildən istifadə hüquqlarına məhkəmə qaydasında xitam verilməlidir. Cavabdehlər isə iddiaçının ailə üzvü deyillər, keçmiş mükiyyətçinin ailə üzvləridir, cavabdehlərin hamısı mənzilin satılmasına razılıq ərizələrini vermişlər və mənzilin dəyərini alaraq mənzili boşaldaraq iddiaçıya təhvil vermişlər. Bu halda cavabdehlərin mənzildən istifadə hüququna xitam verilməlidir. Qeyd edilənlərə əsasən iddianın təmin edilməsini məhkəmədən xahiş etdi. Cavabdehlərin qeydiyyatda olduğu ünvanı üzrə məhkəmə bildirişi göndərilmiş, lakin onların faktiki olduğu yer məlum olmadığından məhkəmə, Azərbaycan Respublikasının Mülki Prosessual Məcəlləsinin 147-ci maddəsinə əsasən işə cavabdehlərin iştirakı olmadan baxılmasını mümkün hesab etdi. Məhkəmə, iddiaçının nümayəndəsi və vəkilini dinləyib, iş materiallarını nəzərdən keçirərək və məhkəmə iclasında tədqiq edilən sübutlara hüquqi qiymət verərək belə hesab edir ki, iddia tələbi təmin edilməlidir. Belə ki, iş materiallarında olan xx.xx.2014-cü il tarixli, 464 saylı alqı-satqı və ipoteka müqaviləsinin surətindən görünür ki, Muradlı Şükufə Yunus qızı Sumqayıt şəhəri, 36-cı məhəllə, 10/27a saylı evin, 1 nömrəli mənzilini İddiaçı satmışdır. İş materiallarında olan Azərbaycan Respublikası ƏMDK Yanında DƏDRX tərəfindən verilmiş RX seriyalı, ******* nömrəli çıxarışın notarial qaydada təsdiq edilmiş surətindən görünür ki, Sumqayıt şəhəri, 36-cı məhəllə, 10/27a saylı evin, 1 nömrəli mənzili İddiaçı adına qeydiyyatdan keçmişdir. İş materiallarında olan ******* nömrəli xx.xx.2020-ci il tarixli yaşayış yeri üzrə qeydiyyat haqqında arayışdan görünür ki, cavabdehlər Cavabdeh1, Cavabdeh2, Cavabdeh3, Muradlı Şükufə Yunus qızı, Cavabdeh5 və onların uşaqları xx.xx.2013-cü il təvəllüdlü X5, xx.xx.2013-cü il təvəllüdlü X2 və xx.xx.2015-ci il təvəllüdlü İsmayılzadə Fatimə Əyyub qızı Sumqayıt şəhəri, 36-cı məhəllə, 10/27a saylı evin, 1 nömrəli mənzilində rəsmi olaraq qeydiyyatdadırlar. Azərbaycan Respublikasının Konstitusiyasının 13-cü maddəsinin İ bəndində göstərilir ki, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikasının Mülki Məcəlləsinin 152.1-ci maddəsinə əsasən mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Azərbaycan Respublikasının Mülki Məcəlləsinin 178.1. maddəsində göstərilir ki, daşınmaz əmlaka mülkiyyət hüququ onun verilməsinin daşınmaz əmlakın dövlət reyestrində qeydə alındığı andan əldə edənə keçir. Eyni zamanda, həmin Məcəllənin 203.1. maddəsinə əsasən daşınmaz əmlakın dövlət reyestrində qeydiyyat yazısı ləğv edildikdə, daşınmaz əmlaka mülkiyyət hüququ itirilir. Beləliklə, işin məhkəmə iclasında araşdırılan hallarına və tədqiq edilən sənədlərə əsasən İddiaçı Sumqayıt şəhəri, 36-cı məhəllə, 10/27a saylı evin, 1 nömrəli mənzili alqı-satqı yolu ilə əldə etmiş, mənzilin əvvəlki mülkiyyətçisinin mülkiyyət hüququna xitam verilərək, onun bu hüququ iddiaçıya keçmiş, buna baxmayaraq, cavabdehlər Cavabdeh1, Cavabdeh2, Cavabdeh3, Muradlı Şükufə Yunus qızı, Cavabdeh5 və onların uşaqları xx.xx.2013-cü il təvəllüdlü X5, xx.xx.2013-cü il təvəllüdlü X2 və xx.xx.2015-ci il təvəllüdlü İsmayılzadə Fatimə Əyyub qızı Sumqayıt şəhəri, 36-cı məhəllə, 10/27a saylı evin, 1 nömrəli mənzilində rəsmi olaraq qeydiyyatda qalmaqla iddiaçının mülkiyyət hüquqlarını lazımi şəkildə həyata keçirməsinə maneçilik törədərək iddiaçının bu hüququndan tam istifadə etmək imkanını məhdudlaşdırmışdır. Azərbaycan Respublikasının Mülki Məcəlləsinin 157.4-cü maddəsinin mənasından görünür ki, əgər mülkiyyətə maneələr mülkiyyətdən məhrum etmədən törədilərsə, mülkiyyətçi bu hərəkətlərə son qoymağı tələb edə bilər və bu cür hərəkətlər davam edərsə, həmin hərəkətlərə son qoyulması məhkəmə vasitəsilə tələb oluna bilər. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə, QƏT ETDİ: İddia tələbi təmin edilsin. Cavabdehlər Cavabdeh1, Cavabdeh2, Cavabdeh3, Muradlı Şükufə Yunus qızının, Cavabdeh5 və onların uşaqları xx.xx.2013-cü il təvəllüdlü X3, xx.xx.2013cü il təvəllüdlü X1 və xx.xx.2015-ci il təvəllüdlü İsmayılzadə Fatimə Əyyub qızının Sumqayıt şəhəri, 36-cı məhəllə, 10/27a saylı evin, 1 nömrəli mənzilinə olan istifadə hüquqları itirilmiş hesab edilsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Hakim: Azər İsmayılov