Sumqayıt Şəhər Məhkəməsi Qərardad — İş №2(060)-4131/2024

Azərbaycan Respublikası adından QƏRARDAD Sumqayıt şəhəri İş № 2(060)-4131/2024 30.05.2024 SUMQAYIT ŞƏHƏR MƏHKƏMƏSİ Sumqayıt Şəhər Məhkəməsinin hakimi Həxiyeva Şəbnəm Səlim qızının sədrliyi, Ərizəçi maraqlı şəxs qismində 2 saylı Sumqayıt “ASAN xidmət” mərkəzində qeydiyyat şöbəsini cəlb etməklə “hüquqi faktın müəyyən edilməsi tələbi”nə dair ərizəsini və ona əlavə edilmiş sənədləri nəzərdən keçirib, MÜƏYYƏN ETDİ: Ərizəçi maraqlı şəxs qismində 2 saylı Sumqayıt “ASAN xidmət” mərkəzində qeydiyyat şöbəsini cəlb etməklə “hüquqi faktın müəyyən edilməsi tələbi”nə dair ərizə ilə məhkəməyə müraciət etmişdir. Məhkəmə, ərizəni və ona əlavə edilmiş sənədləri nəzərdən keçirərək hesab edir ki, ərizə geri qaytarılmalıdır. Belə ki, ərizəçi tərəfindən dövlət rüsumu müəyyən edilmiş qaydada və məbləğdə ödənilməmişdir. Ərizəyə əlavə edilmiş dövlət rüsumunun ödənilməsi barədə qəbzə gəldikdə isə həmin ödənişin təyinatı müəyyən deyildir. Bununla da Azərbaycan Respublikası Mülki Prosessual Məcəllənin (bundan sonra MPM-nin) 152.1.5-ci maddəsinin tələbləri pozulmuşdur. MPM-nin 152.1.5-ci maddəsinə əsasən müəyyən edilmiş qaydada və məbləğdə dövlət rüsumunun ödənilməsini təsdiq edən sənəd təqdim edilmədikdə hakim iddia ərizəsini və ona əlavə edilmiş sənədləri geri qaytarır. Göstərilənlərə əsasən ərizə və ona əlavə edilmiş sənədlər ərizəçiyə geri qaytarılmalı və ona izah edilməlidir ki, o, qeyd olunan nöqsanları aradan qaldırdıqdan sonra ümumi qaydada ikinci dəfə məhkəməyə müraciət edə bilər. Şərh olunanlara əsasən və Azərbaycan Respublikası MPM-in 152, 263-264, 267- 268-cu maddələrini rəhbər tutaraq, məhkəmə QƏRARA ALDİ: Ərizəçi maraqlı şəxs qismində 2 saylı Sumqayıt “ASAN xidmət” mərkəzində qeydiyyat şöbəsini cəlb etməklə “hüquqi faktın müəyyən edilməsi tələbi”nə dair ərizəsi və ona əlavə edilmiş sənədlər ərizəçiyə geri qaytarılsın. Ərizəçiyə izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardad rəsmi qaydada verildikdən sonra 10 (on) gün müddətində Sumqayıt Şəhər Məhkəməsinə şikayət verilə bilər. Hakim Şəbnəm Həxiyeva