Sumqayıt Şəhər Məhkəməsi Qətnamə — İş №2(060)-4884/2020

Azərbaycan Respublikası adından QƏTNAMƏ Sumqayıt şəhəri İş № 2(060)-4884/2020 13.11.2020 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Əliyev Orxan Elşən oğlunun katibliyi, İddiaçının nümayəndəsi və vəkili X8 iştirakı ilə, İddiaçı cavabdehlər Cavabdeh1, Cavabdeh2 və Cavabdeh3 qarşı “mənzilə istifadə hüquqlarının itirilmiş hesab edirlməsi tələbinə” dair iddia ərizəsi üzrə mülki işə açıq məhkəmə iclasında baxaraq, məhkəmə, MÜƏYYƏN ETDİ: İddiaçı cavabdehlər Cavabdeh1, Cavabdeh2 və Cavabdeh3 qarşı “mənzilə istifadə hüquqlarının itirilmiş hesab edirlməsi tələbinə” dair iddia ərizəsi ilə Sumqayıt şəhər Məhkəməsinə müraciət edərək, cavabdehlər Cavabdeh1, Cavabdeh2, Cavabdeh3, həmiçinin Cavabdeh3 azyaşlı övladları xx.xx.2015-ci il təvəllüdlü X9, xx.xx.2017-ci il təvəllüdlü X5, xx.xx.2019-cu il təvəllüdlü X6 və cavabdeh X3 övladı xx.xx.2009-cu il təvəllüdlü X7 Sumqayıt şəhəri, 11 mkr., 10 saylı evin, 72 saylı mənzilə istifadə hüquqlarının itirilmiş hesab edilməsi barədə qətnamə çıxarılmasını məhkəmədən xahiş etmişdir. İddiaçının nümayəndəsi və vəkili X17 məhkəmə iclasında iddia tələbini müdafiə edərək onunla əsaslandırdı ki, iddiaçı Sumqayıt şəhəri 11-cü mikrorayon, 10 saylı evin 72 saylı mənzilini şəxsi vəsaiti hesabına xx.xx.2010-cu il tarixli alqı-satqı müqaviləsi əsasında X4 alaraq əldə etmişdir. Lakin hal-hazırda məlum olmuşdur ki, sözügedən mənzildə əvvəllər həmin ünvana qeydiyyata alınmış şəxslər Cavabdeh1, Cavabdeh2, Cavabdeh3, həmiçinin Cavabdeh3 azyaşlı övladları xx.xx.2015-ci il təvəllüdlü X18, xx.xx.2017-ci il təvəllüdlü X13, xx.xx.2019-cu il təvəllüdlü X14 və cavabdeh X3 övladı xx.xx.2009-cu il təvəllüdlü X15 formal olaraq pasport qeydiyyatında qalmışlar. Hal-hazırda, cavabdehlərin Sumqayıt şəhəri 11-cü mikrorayon, 10 saylı evin 72 saylı mənzilində heç bir əmlakları və həmin mənzillə əlaqələləri olmasa da, formal şəkildə iddiaçının evində qeydiyyatda qalmaları nəticədə iddiaçının, cavabdehlərə görə mənzil üzərindəki sahiblik və istifadə hüquqlarını tam həyata keçirməyinə maneçilik törədir. Belə ki, əgər cavabdehlər həmin mənzildə qeydiyyatda qalacaqlarsa, iddiaçı əsassız olaraq mənzil və kommunal xidmətlər haqqını artıq məbləğdə ödəməyə məcbur olacaq. Bundan əlavə gələcəkdə iddiaçı öz mənzilini kiməsə bağışlamaq və ya satmaq istəsə bununla bağlı da problemlər yarana bilər. Ona görə də iddiaçı belə qənaətə gəlmişdir ki, cavabdehlərin həmin evdən istifadə etmək hüquqları itirilmiş hesab edilməlidir. Cavabdehlərlə heç bir əlaqəsi olmadığından və onların yaşadığı yeri də bilmədiyindən cavabdehlərdən iddiaçı məxsus mənzildən qeydiyyatdan çıxmalarını tələb edə bilmir. Nəticədə iddiaçının hüquqları qanuna zidd olaraq məhdudlaşır. Qeyd edilənlərə əsasən iddianın təmin edilməsini məhkəmədən xahiş etdi. Cavabdehlərin qeydiyyatda olduğu ünvanı üzrə məhkəmə bildirişi göndərilmiş, lakin onların faktiki olduğuyer məlum olmadığından məhkəmə, Azərbaycan Respublikasının MülkiProsessual Məcəlləsinin 147-ci maddəsinə əsasən işə cavabdehlərin iştirakı olmadan baxılmasını mümkün hesab etdi. Məhkəmə, iddiaçının nümayəndəsi və vəkilini dinləyib, iş materiallarını nəzərdən keçirərək və məhkəmə iclasında tədqiq edilən sübutlara hüquqi qiymət verərək belə hesab edir ki, iddia tələbi təmin edilməlidir. Belə ki, iş materiallarında olan xx.xx.2010-cu il tarixli, AN-İ ******* saylı alqı-satqı müqaviləsinin notarial qaydada təsdiq edilmiş surətindən görünür ki, X1 şəhəri, 11 mkr., 10 saylı evin, 72 nömrəli mənzilini İddiaçı satmışdır. İş materiallarında olan Azərbaycan Respublikası DƏDRX tərəfindən verilmiş MA seriyalı, ******* nömrəli çıxarışın notarial qaydada təsdiq edilmiş surətindən görünür ki, Sumqayıt şəhəri, 11 mkr., 10 saylı evin, 72 nömrəli mənzili İddiaçı adına qeydiyyatdan keçmişdir. İş materiallarına əlavə edilmiş xx.xx.2020-ci il tarixli, ******* nömrəli yaşayış yeri üzrə qeydiyyat haqqında arayışdan görünür ki, cavabdehlər Cavabdeh1, Cavabdeh2, Cavabdeh3, həmiçinin Cavabdeh3 azyaşlı övladları xx.xx.2015-ci il təvəllüdlü X18, xx.xx.2017-ci il təvəllüdlü X13, xx.xx.2019-cu il təvəllüdlü X14 və cavabdeh X3 övladı xx.xx.2009-cu il təvəllüdlü X2 şəhəri, 11 mkr., 10 saylı evin, 72 nömrəli mənzilində rəsmi olaraq qeydiyyatdadırlar. Azərbaycan Respublikasının Konstitusiyasının 13-cü maddəsinin İ bəndində göstərilir ki, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikasının Mülki Məcəlləsinin 152.1-ci maddəsinə əsasən mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Azərbaycan Respublikasının Mülki Məcəlləsinin 178.1. maddəsində göstərilir ki, daşınmaz əmlaka mülkiyyət hüququ onun verilməsinin daşınmaz əmlakın dövlət reyestrində qeydə alındığı andan əldə edənə keçir. Eyni zamanda, həmin Məcəllənin 203.1. maddəsinə əsasən daşınmaz əmlakın dövlət reyestrində qeydiyyat yazısı ləğv edildikdə, daşınmaz əmlaka mülkiyyət hüququ itirilir. Beləliklə, işin məhkəmə iclasında araşdırılan hallarına və tədqiq edilən sənədlərə əsasən iddiaçı Sədiyeva X11 şəhəri, 11 mkr., 10 saylı evin, 72 nömrəli mənzili alqı-satqı yolu ilə əldə etmiş, mənzilin əvvəlki mülkiyyətçisinin mülkiyyət hüququna xitam verilərək, onun bu hüququ iddiaçıya keçmiş, buna baxmayaraq, cavabdehlər Cavabdeh1, Cavabdeh2, Cavabdeh3, həmiçinin Cavabdeh3 azyaşlı övladları xx.xx.2015-ci il təvəllüdlü X18, xx.xx.2017-ci il təvəllüdlü X13, xx.xx.2019-cu il təvəllüdlü X14 və cavabdeh X3 övladı xx.xx.2009-cu il təvəllüdlü X2 şəhəri, 11 mkr., 10 saylı evin, 72 nömrəli mənzilində rəsmi olaraq qeydiyyatda qalmaqla iddiaçının mülkiyyət hüquqlarını lazımi şəkildə həyata keçirməsinə maneçilik törədərək iddiaçının bu hüququndan tam istifadə etmək imkanını məhdudlaşdırmışdır. Azərbaycan Respublikasının Mülki Məcəlləsinin 157.4-cü maddəsinin mənasından görünür ki, əgər mülkiyyətə maneələr mülkiyyətdən məhrum etmədən törədilərsə, mülkiyyətçi bu hərəkətlərə son qoymağı tələb edə bilər və bu cür hərəkətlər davam edərsə, həmin hərəkətlərə son qoyulması məhkəmə vasitəsilə tələb oluna bilər. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə QƏT ETDİ: İddia tələbi təmin edilsin. Cavabdehlər Cavabdeh1, Cavabdeh2, Cavabdeh3, həmiçinin Cavabdeh3 azyaşlı övladları xx.xx.2015-ci il təvəllüdlü X9, xx.xx.2017-ci il təvəllüdlü X5, xx.xx.2019-cu il təvəllüdlü X6 və cavabdeh X3 övladı xx.xx.2009-cu il təvəllüdlü X7 Sumqayıt şəhəri, 11 mkr., 10 saylı evin, 72 nömrəli mənzilinə olan istifadə hüquqları itirilmiş hesab edilsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Hakim: Azər İsmayılov