Sumqayıt Şəhər Məhkəməsi Qətnamə — İş №2(060)-519/2022

Azərbaycan Respublikası adından QƏTNAMƏ Sumqayıt şəhəri İş № 2(060)-519/2022 19.01.2022 SUMQAYIT ŞƏHƏR MƏHKƏMƏSİ Hakim Süleymanova Almaz Məhərrəm qızının sədrliyi, İsmayılov Əli Seyran oğlunun katibliyi, Ərizəçinin nümayəndəsi X1 iştirakı ilə, Ərizəçi Maraqlı şəxs qismində işə cəlb etməklə “hüquqi əhəmiyyəti olan faktın müəyyən edilməsi” tələbinə dair ərizəsi üzrə mülki işə məhkəmənin binasında açıq məhkəmə iclasında baxaraq, məhkəmə müəyyən etdi: Ərizəçi Maraqlı şəxs qismində işə cəlb etməklə “hüquqi əhəmiyyəti olan faktın müəyyən edilməsi” tələbinə dair ərizə ilə məhkəməyə müraciət edərək, XX.XX.1932-ci ildə Azərbaycan Respublikasının, Şuşa şəhərində anadan olmuş Ərizəçi, soyadının Səfərova, adının Şura, atasının adının Polad, ata qrafasında atasının soyadının Səfərov, adının Polad, atasının adının Murtuza, ana qrafasında anasının soyadının Səfərova, adının Zərif, atasının adının isə Salah kimi qeyd olunmaqla doğum haqqında akt qeydinin bərpa edilməsi barədə qətnamə qəbul edilməsini xahiş etmişdir. Ərizəçi tələbini onunla əsaslandırmışdır ki, o, 1932-ci ildə Azərbaycan Respublikasının, Şuşa şəhərində anadan olmuşdur. Bunu Sumqayıt ŞPİ QŞVB tərəfindən 03.08.2005-ci ildə verilmiş AZE 0******* №-li şəxsiyyət vəsiqəsi təsdiq edir. Onun doğum haqqında şəhadətnaməsi Şuşa şəhərində qalmışdır. Onun soyadının “Səfərova”, adının “Şura”, atasının adı “Polad”, anasının adı isə “Zərif”dir. Doğum haqqında şəhadətnamənin alınmasında məqsəd atasının ölüm haqqında şəhadətnaməsini və digər hüquqmüəyyənedici sənədləri əldə etməkdir. Məlum səbəblərə görə doğum haqqında şəhadətnamənin dublikatını əldə edə bilmir. Bu səbəbdən də Maraqlı şəxsnə ərizə ilə müraciət etməli olmuşdur. Maraqlı tərəf olan Maraqlı şəxs doğum haqqında akt qeydinin bərpası barədə məhkəməyə müraciət etməyi tövsiyyə etmişdir. Bu səbəbdən də məhkəməyə müraciət etməli olmuşdur. Məhkəmə iclasında iştirak edən ərizəçinin nümayəndəsi ərizəni müdafiə edərək eyni məzmunlu izahat verdi və ərizənin təmin edilməsini xahiş etdi. Məhkəmə Azərbaycan Respublikası MPM-nin 185.5-ci maddəsinə əsasən işə maraqlı şəxsin nümayəndəsinin iştirakı olmadan baxılmasını mümkün hesab etdi. Məhkəmə ərizəçini dinləyib, iş materiallarını araşdıraraq hesab edir ki, ərizə təmin edilməlidir. Mülki iş materiallarında olan: Maraqlı şəxs tərəfindən verilmiş 16.11.2021-ci il tarixli № 05/Q-182/69 məktubdan görünür ki, doğum aktı qeydinin bərpa edilməsindən imtina edilmişdir. AZE seriyalı № 0******* saylı Azərbaycan Respublikası vətəndaşının şəxsiyyət vəsiqəsindən görünür ki, Ərizəçi XX.XX.1932-ci ildə Şuşa şəhərində anadan olmuşdur. İ-ИE seriyalı 142250 saylı nikah haqqında şəhadətnamənin təsdiq edilmiş surətindən görünür ki, X5 1932-ci ildə Şuşa şəhəində anadan olmuş Ərizəçi arasında Şuşa rayonunda 28 dekabr 1961-cı il tarixdə 41 nömrəli akt qeydi ilə nikah bağlanmışdır. Sumqayıt Şəhər Məhkəməsinin 29.11.2021-ci il tarixli, 2(060)-9459/2021 saylı sorğusuna cavab olaraq Sumqayıt şəhər Polis İdarəsi tərəfindən verilən şəxsiyyət vəsiqələrinin fərdi uçot kartoçkasının məlumatlarından görünür ki, Ərizəçi XX.XX.1932-ci ildə Azərbaycan Respublikasının Şuşa şəhərində anadan olmuş, atası X3, anası X2r. Azərbaycan Respublikası Nazirlər Kabinetinin 01.03.2001-ci il tarixli 52 nömrəli Qərarı ilə təsdiq edilmiş «Vətəndaşlıq vəziyyəti aktlarının qeydində dəyişiklik, bərpa və ləğv qaydaları» 14-cü bəndinə əsasən itmiş yazının qeydiyyat şöbələri tərəfindən bərpası mümkün olmadıqda, vətəndaşlıq vəziyyəti aktının qeydiyyatı faktı məhkəmə qaydasında müəyyən edilir. Azərbaycan Respublikası Mülki Prosessual Məcəlləsinin (MPM) 307.1-ci maddəsinə əsasən, məhkəmə fiziki və hüquqi şəxslərin şəxsi və ya əmlak hüquqlarının əmələ gəlməsi, dəyişməsi, xitam verilməsinin asılı olduğu faktları müəyyən edir. MPM-in 307.2 və 307.2.3-cü maddələrinə əsasən məhkəmə doğumun qeyd edilmə faktının müəyyən edilməsi barədə işlərə baxır. MPM-in 308-ci maddəsinə əsasən məhkəmə hüquqi əhəmiyyəti olan faktları o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. MPM-in 311-ci maddəsinə əsasən, məhkəmənin qətnaməsi faktı təsdiq edən sənədi, qeydə alınmalı faktlar üzrə isə qeydiyyatı həyata keçirən orqanların verdiyi sənədləri əvəz etməməklə, belə qeydəalınma üçün əsasdır. MPM-nin 14.2-ci maddəsinin tələbinə görə, məhkəmə yalnız tərəflərin təqdim etdikləri sübutları araşdırmalı və onlardan istifadə etməlidir. Məhkəmə toplanmış və tədqiq olunmuş sübutlara məcmu halda hüquqi qiymət verərək bu nəticəyə gəlir ki, Ərizəçi XX.XX.1932-ci ildə Şuşa şəhərində doğulması və doğumunun qeydə alınması tədqiq olunmuş sənədlərlə tam təsdiq olunur, həmin faktın müəyyən edilməsinin qanunvericilikdə başqa qaydası nəzərdə tutulmamışdır, ərizəçi qeyd olunan faktı təsdiq edən lazımi sənədi başqa qaydada ala bilməz və bu səbəbdən ərizə təmin edilməli, Ərizəçi XX.XX.1932-ci ildə Şuşa şəhərində doğulmasının qeydə alınması faktı müəyyən edilməli, doğum akt qeydi bərpa edilərkən ata qrafasında X3, ana qrafasında X4 göstərilməlidir. MPM-in 119-cu maddəsinə əsasən iş üzrə ödənilmiş dövlət rüsumu ərizəçiyə aid edilməlidir. Yuxarıda göstərilənlərə əsasən və Azərbaycan Respublikası MPM-in 119, 216-220, 227, 233, 307-311-ci maddələrini rəhbər tutaraq, məhkəmə qət etdi: Ərizə təmin edilsin. Ərizəçi XX.XX.1932-ci ildə Şuşa şəhərində doğulmasının qeydə alınması faktı müəyyən edilsin. Doğum akt qeydi bərpa edilərkən ata qrafasında X3, ana qrafasında X4 göstərilsin. Qətnamə doğum haqqında yeni şəhadətnamənin verilməsi üçün əsasdır. İş üzrə ödənilmiş dövlət rüsumu ərizəçiyə aid edilsin. Qətnamədən rəsmi qaydada verildiyi gündən bir ay müddətində Sumqayıt Şəhər Məhkəməsi vasitəsi ilə Sumqayıt Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, işdə iştirak edən şəxslərə rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Sədrlik edən Almaz Süleymanova