Sumqayıt Şəhər Məhkəməsi Qətnamə — İş №2(060)-554/2022

Azərbaycan Respublikası adından QƏTNAMƏ Sumqayıt şəhəri İş № 2(060)-554/2022 25.02.2022 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Rəhimov Səbuhi Fərəc oğlunun katibliyi, İddiaçı iştirakı ilə, İddiaçı cavabdehlər Cavabdeh1, Cavabdeh2 və Cavabdeh3 qarşı «mənzilə istifadə hüququnun itirilməsi» tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə, MÜƏYYƏN ETDİ: İddiaçı cavabdehlər Cavabdeh1, Cavabdeh2 və Cavabdeh3 qarşı «mənzilə istifadə hüququnun itirilməsi» tələbinə dair iddia ərizəsi ilə Sumqayıt şəhər Məhkəməsinə müraciət edərək, cavabdehlər Cavabdeh1, Cavabdeh2, Cavabdeh3 və onlarla birlikdə azyaşlılar X4, X12, X6, X5, X15, Tatlı Selman Ali oğlunun ünvan 1 ünvanına istifadə hüququnun itirilmiş hesab edilməsinə dair qətnamə çıxarılmasını məhkəmədən xahiş etmişdir. Məhkəmə iclasında iştirak edən İddiaçı iddia tələbini onunla əsaslandırdı ki, ünvan 2 ünvanında yerləşən ümumi sahəsi 84.2 kv/m olan yaşayış mənzilini 14 iyun 2021-ci il tarixdə alqı-satqı müqaviləsi əsasında satıcılar Cavabdeh1 və Cavabdeh2 almış, onu Daşınmaz Əmlakın Dövlət Reyestrinin ********** nömrəli Çıxarış ilə rəsmiləşdirmişdir. Hazırda qeyd olunan mənzil onun xüsusi mülkiyyətindədir. 14 iyun 2021-ci il tarixli alqı-satqı müqaviləsinin 8-ci maddəsinə əsasən satıcı alıcıya üçüncü şəxslərin hüquqlarından azad daşınmaz əmlak verməyi öhdəsinə götürmüş, eyni zamanda 14.08.2021-ci il tarixinədək mənzildən qeydiyyatdan çıxmağı öhdəsinə götürdüyü halda, mənzili alan gündən cavabdehlər həmin mənzildə qeydiyyatda qalmış, bu günə kimi qeydiyyatdan çıxmamışdır. Cavabdehlərin qeydiyyatda qalması onun mülkiyyət hüququnun həyata keçirilməsinə maneəçilik yaradır. Qeyd olunanlara əsasən iddianın təmin olunmasını məhkəmədən xahiş etdi. Cavabdehlərin qeydiyyatda olduğu ünvanı üzrə məhkəmə bildirişi göndərilmiş, lakin onların faktiki olduğu yer məlum olmadığından məhkəmə, Azərbaycan Respublikasının Mülki Prosessual Məcəlləsinin 147-ci maddəsinə əsasən işə cavabdehlərin iştirakı olmadan baxılmasını mümkün hesab etmişdir. Məhkəmə, iş materiallarını nəzərdən keçirərək və məhkəmə iclasında tədqiq edilən sübutlara hüquqi qiymət verərək belə hesab edir ki, iddia tələbi təmin edilməlidir. Belə ki, iş materiallarında olan 14.06.2021-ci il tarixli, AN-№ ******* nömrəli “Daşınmaz əmlakın alqı-satqı” müqaviləsinin surətindən görünür ki, Sumqayıt şəhər, 18-ci mikrorayon, 1 saylı evin, 55 saylı mənzilini Cavabdeh2 və Cavabdeh1 alqı-satqı müqaviləsi əsasında İddiaçı satmışdır. İş materiallarında olan Azərbaycan Respublikası Əmlak Məsələləri Dövlət Komitəsinin yanında DƏDRX tərəfindən verilmiş çıxarışın surətindən görünür ki, Sumqayıt şəhər, 18-ci mikrorayon, 1 saylı evin, 55 saylı mənzili İddiaçı adına qeydiyyata alınmışdır. İş materiallarında olan ******* nömrəli, 04.11.2021-ci il tarixli arayışdan görünür ki, cavabdehlər cavabdehlər Cavabdeh1, Cavabdeh2, Cavabdeh3 və onlarla birlikdə azyaşlılar X4, X12, X6, X5, X15, Tatlı Selman Ali oğlu Sumqayıt şəhər, 18-ci mikrorayon, 1 saylı evin, 55 saylı mənzilində rəsmi olaraq qeydiyyatdadır. Azərbaycan Respublikasının Konstitusiyasının 13-cü maddəsinin İ bəndində göstərilir ki, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikasının Mülki Məcəlləsinin 152.1-ci maddəsinə əsasən mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Azərbaycan Respublikasının Mülki Məcəlləsinin 178.1. maddəsində göstərilir ki, daşınmaz əmlaka mülkiyyət hüququ onun verilməsinin daşınmaz əmlakın dövlət reyestrində qeydə alındığı andan əldə edənə keçir. Eyni zamanda, həmin Məcəllənin 203.1. maddəsinə əsasən daşınmaz əmlakın dövlət reyestrində qeydiyyat yazısı ləğv edildikdə, daşınmaz əmlaka mülkiyyət hüququ itirilir. Beləliklə, işin məhkəmə iclasında araşdırılan hallarına və tədqiq edilən sənədlərə əsasən İddiaçı Sumqayıt şəhər, 18-ci mikrorayon, 1 saylı, 55 saylı mənzilini rəsmi alqı-satqı müqaviləsi əsasında əldə etmiş, buna baxmayaraq, cavabdehlər Cavabdeh1, Cavabdeh2, Cavabdeh3 və onlarla birlikdə azyaşlılar X4, X12, X6, X5, X15 və Tatlı Selman Ali oğlunun həmin mənzildə rəsmi olaraq qeydiyyatda qalmaları iddiaçının mülkiyyət hüquqlarını lazımi şəkildə həyata keçirməsinə maneçilik törədərək iddiaçının bu hüququndan tam istifadə etmək imkanını məhdudlaşdırmışdır. Azərbaycan Respublikasının Mülki Məcəlləsinin 157.4-cü maddəsinin mənasından görünür ki, əgər mülkiyyətə maneələr mülkiyyətdən məhrum etmədən törədilərsə, mülkiyyətçi bu hərəkətlərə son qoymağı tələb edə bilər və bu cür hərəkətlər davam edərsə, həmin hərəkətlərə son qoyulması məhkəmə vasitəsilə tələb oluna bilər. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə QƏT ETDİ: İddia tələbi təmin edilsin. Cavabdehlər Cavabdeh1, Cavabdeh2, Cavabdeh3 və onlarla birlikdə azyaşlılar X1, X8, X3, X2, X11 və Tatlı Selman Ali oğlunun Sumqayıt şəhəri, 18-ci mikrorayon, 1 saylı evin, 55 saylı mənzilinə olan istifadə hüquqları itirilmiş hesab edilsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Hakim: Azər İsmayılov