Sumqayıt Şəhər Məhkəməsi Qərardad — İş №2(060)-5781/2021

Azərbaycan Respublikası adından QƏRARDAD Sumqayıt şəhəri İş № 2(060)-5781/2021 21.06.2021 SUMQAYIT ŞƏHƏR MƏHKƏMƏSİ Mən, Sumqayıt Şəhər Məhkəməsinin hakimi Qoşqarlı Rəşad Nizami oğlu Ərizəçi maraqlı tərəf Sumqayıt şəhər Qeydiyyat Şöbəsinə qarşı «hüquqi faktın qeyd edilməsi tələbinə» dair ərizə və ərizəyə əlavə edilmiş sənədləri nəzərdən keçirib, MÜƏYYƏN ETDİM: Ərizəçi ərizəsi ilə məhkəməyə müraciət edərək, irəlidə problem yaşayamayaq deyə Rauf «Süleymanov» soyadında qalmasını «Nəbiyev» isə ləğv edilməsini, bununla əlaqədar yeni şəhadətnamələr təqdim olunmasını «Nəbiyev»dən «Süleymanov»a düzəliş olmasını qət edilməsi, bununla əlaqədar ona yeni şəhadətnamələr təqdim olunmasını Sumqayıt şəhər qeydiyyat Şöbəsinə həvalə edilməsini məhkəmədən xahiş etmişdir. Ərizəni və sənədləri nəzərdən keçirib hesab edirəm ki, iddia ərizəsi və sənədlər geri qaytarılmalıdır. Belə ki, ərizəçi ərizəsində iddia tələbinin əsaslandırdığı hallara dair sənədlərin surətlərini əlavə etmiş, lakin bu surətlər (etibarnamə və doğum haqqında şəhadətnamə) notariat qaydasında təsdiq olunmamışdır. Azərbaycan Respublikası Mülki Prossesual Məcəlləsinin 89.1–ci maddəsinə əsasən yazılı sübutlar-iş üçün əhəmiyyətli hallar barədə məlumat verən notariat qaydasında təsdiq olunmuş sənədlər, aktlar, müqavilələr, arayışlar, işgüzar yazışmalar və sair sənəd və materiallardır. Azərbaycan Respublikası Mülki Prossesual Məcəlləsinin 89.3–cü maddəsinə əsasən məhkəməyə yazılı sübutların əsli və ya lazımi qaydada təsdiq olunmuş surətləri təqdim olunur. Həmin surətlərin düzgünlüyü «Notariat haqqında» Azərbaycan Respublikası Qanununun 17-ci maddəsinin 1-ci hissəsinin 6-cı bəndinə əsasən notariat qaydasında təsdiq edilmədiyi üçün həmin surətlər sənəd kimi qəbul oluna bilməz. Məhkəmə bu normaların tələbindən çıxış edərək hesab edir ki, iddia ərizəsi Azərbaycan Respublikası Mülki Prosessual Məcəlləsinin tələblərinə riayət edilməməklə verildiyi üçün ərizə və ona əlavə olunan sənədlər geri qaytarılmalıdır. Belə ki, Azərbaycan Respublikası Mülki Prosessual Məcəlləsinin 152.1.1-ci maddəsinə görə belə halda hakim iddia ərizəsini və ona əlavə edilmiş sənədləri geri qaytarır. Azərbaycan Respublikası Mülki Prosessual Məcəlləsinin 152.4-cü maddəsinə əsasən iddia ərizəsinin qaytarılmasına əsas olan nöqsanlar aradan qaldırıldıqdan sonra ümumi qaydada təkrarən məhkəməyə müraciət etmə hüququ iddiaçıya izah edilməlidir. Yuxarıda göstərilənlərə əsasən və Azərbayçan Respublikası Mülki Prosessual Məcəlləsinin 149.1, 152, 263-268-ci maddələrini rəhbər tutaraq, QƏRAR VERDİM: Ərizəçi maraqlı tərəf Sumqayıt şəhər Qeydiyyat Şöbəsinə qarşı «hüquqi faktın qeyd edilməsi tələbinə» dair ərizə və ona əlavə edilmiş sənədlər geri qaytarılsın. Ərizənin qaytarılmasına əsas olan nöqsanlar aradan qaldırıldıqdan sonra ümumi qaydada ikinçi dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 gün müddətinə şikayət verilə bilər. HAKİM: RƏŞAD QOŞQARLİ