Sumqayıt Şəhər Məhkəməsi Qərardad — İş №2(060)-6661/2021

Azərbaycan Respublikası adından QƏRARDAD Sumqayıt şəhəri İş № 2(060)-6661/2021 23.07.2021 SUMQAYIT ŞƏHƏR MƏHKƏMƏSİ Hakim Abdullayev Emin Ağamusa oğlunun sədrliyi, Allahverdili Nuranə Həmzə qızının katibliyi ilə, Ərizəçi (maraqlı şəxs Sumqayıt şəhər Qeydiyyat Şöbəsi) doğum faktının müəyyən edilməsi barədə ərizəsinə və ona əlavə edilmiş sənədlərə baxaraq, MÜƏYYƏN ETDİ: Ərizəçi (bundan sonra – ərizəçi) xüsusi icraat qaydasında ərizə ilə Sumqayıt Şəhər Məhkəməsinə müraciət edərək, xx xxxxx 1966-cı ildə Ermənistan Respublikasının, Sisiyan rayonunun, Vaqudi kəndində anadan olmuş Ərizəçi, Soyadının Əsədova, adının Leyla, atasının adının Novruz kimi qeyd olunmaqla doğum haqqında şəhadətnam verilməsi, veriləcək yeni doğum haqqında şəhadətnamədə ata qrafasında atanın adının Novruz, soyadının Əsədov, atasının adının Şahnazar, ana qrafasında ananın adının Nuridə, soyadının Əsədova, atanın adının isə Xanış kimi göstərilməsi barədə qətnamə qəbul edilməsini xahiş etmişdir. Müəyyən edilmişdir ki, ərizə ərizəçi tərəfindən imzalanmamışdır. Belə ki, Azərbaycan Respublikası Mülki Prosessual Məcəlləsinə (bundan sonra – MPM) əsasən ərizə məhkəməyə yazılı şəkildə verilir. O, ərizəçi və ya onun bunu imza etməyə səlahiyyəti olan nümayəndəsi tərəfindən imzalanır (149.1.). İddia ərizəsi imzalanmadıqda və ya onu imzalamağa hüququ olmayan şəxs tərəfindən, yaxud xidməti vəziyyəti göstərilməyən şəxs tərəfindən imzalandıqda, hakim ərizəni və ona əlavə edilmiş sənədləri geri qaytarır (152.1.2.). Məhkəmə hesab edir ki, ərizə imzalanmadığı ona əlavə edilmiş sənədlərlə birlikdə geri qaytarılmalıdır. Yuxarıda göstərilənlərə əsasən və MPM-in 149-152-ci maddələrini rəhbər tutaraq, Məhkəmə QƏRARA ALDİ : İddiaçı Ərizəçi doğum faktının müəyyən edilməsi barədə ərizə və ona əlavə edilmiş sənədlər geri qaytarılsın. Qərardaddan işdə iştirak edən şəxslərə rəsmi qaydada verildiyi gündən 10 (on) gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev