Sumqayıt Şəhər Məhkəməsi Qərardad — İş №2(060)-6729/2021

Azərbaycan Respublikası adından QƏRARDAD Sumqayıt şəhəri İş № 2(060)-6729/2021 29.07.2021 SUMQAYIT ŞƏHƏR MƏHKƏMƏSİ Sumqayıt şəhər Məhkəməsinin hakimi Tanrıverdiyeva Günel Cəbrayıl qızı, Ərizəçi Həşimova (Niyazova) Gülnarə Şamil qızının ərizəsini nəzərdən keçirib, müəyyən etdi: Ərizəçi Həşimova (Niyazova) Gülnarə Şamil qızı ərizə ilə məhkəməyə müraciət edərək, özü və azyaşlı oğlu X1 Sumqayıt şəhəri, Corat qəsəbəsi, məhəllə 2, ev 38-ə olan yaşayış sahəsindən istifadə hüquqlarına dair qərar çıxarılmasını xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirərək hesab edir ki, iddia ərizəsi Azərbaycan Respublikası Mülki Prosessual Məcəlləsinin 149 və 150-ci maddələrinin tələblərinə riayət edilmədən verildiyindən geri qaytarılmalıdır. Belə ki, MPM-nin 149.2.2-ci maddəsinə əsasən işdə iştirak edən şəxslərin adları, onların poçt ünvanları iddia ərizəsində göstərməlidir. Lakin, iddiaçı ərizəsində cavabdehin adını və poçt ünvanını qeyd etməmişdir. Azərbaycan Respublikası MPM-nin 152.1.1-ci maddəsinin tələbinə görə iddia ərizəsinin bu Məcəllənin 149-cu maddəsi ilə müəyyən olunmuş formasına və məzmununa riayət edilmədikdə hakim iddia ərizəsini və ona əlavə edilmiş sənədləri geri qaytarır. Eyni zamanda ərizənin xahiş hissəsindən ərizəçi və azyaşlı oğlu X1 Sumqayıt şəhəri, Corat qəsəbəsi, məhəllə 2, ev 38-ə olan yaşayış sahəsindən istifadə hüquqlarına dair nə barədə qətnamə qəbul edilməsini xahiş etdiyi aydın deyil. Halbuki, iddia ərizəsində iddiaçının tələbi konkret olmalıdır. Lakin hazırki halda isə iddia tələbi aydın olmamaqla yanaşı, konkret deyildir. Göstərilənlərə əsasən məhkəmə hesab edir ki, ərizəçi Həşimova (Niyazova) Gülnarə Şamil qızının ərizəsi və ona əlavə olunmuş sənədləri geri qaytarılmalıdır. Azərbaycan Respublikası MPM-nin 152.4-cü əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Yuxarıda göstərilənlərə əsasən və Azərbaycan Respublikası MPM-in 152, 263, 264cü maddələrini rəhbər tutaraq, məhkəmə qərara aldı: Ərizəçi Həşimova (Niyazova) Gülnarə Şamil qızının ərizəsi və ona əlavə olunmuş sənədlər geri qaytarılsın. Ərizəçiyə, iddia ərizəsinin qaytarılmasına səbəb olmuş hallar aradan qaldırıldıqdan sonra ümumi qaydada yenidən məhkəməyə müraciət etmək hüququ izah edilsin. Qərardaddan 10 (on) gün müddətində Sumqayıt şəhər Məhkəməsinə şikayət verilə bilər. Hakim Günel Tanrıverdiyeva