Sumqayıt Şəhər Məhkəməsi Qərardad — İş №2(060)-7083/2021

Azərbaycan Respublikası adından QƏRARDAD Sumqayıt şəhəri İş № 2(060)-7083/2021 06.08.2021 SUMQAYIT ŞƏHƏR MƏHKƏMƏSİ Hakim Abdullayev Emin Ağamusa oğlunun sədrliyi, Allahverdili Nuranə Həmzə qızının katibliyi ilə, İddiaçı Cavabdeh qarşı elektron sistemdə bağlanmış tələbinə dair mülki işə açıq məhkəmə iclasında baxaraq MÜƏYYƏN ETDİ: İddiaçı (bundan sonra - iddiaçı) Cavabdeh (bundan sonra – cavabdeh) qarşı iddia ərizəsi ilə Sumqayıt Şəhər Məhkəməsinə müraciət edərək, Əmək və Əhalinin Sosial Müdafiəsi Nazirliyinin elektron informasiya sistemində iddiaçı ilə cavabdeh arasında bağlanmış əmək müqaviləsinə xitam verilməsi barədə qətnamə çıxarılmasını xahiş etmişdir. Məhkəmə hesab edir ki, iddia ərizəsi geri qaytarılmalıdır. Azərbaycan Respublikası Mülki Prosessual Məcəlləsinin (bundan sonra - MPM) 152.1.6-cı maddəsinəəsasən müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. İddia ərizəsi və ona əlavə edilmiş sənədlərdən görünür ki, iddiaçı cavabdehlə aralarında bağlanmış elektron sistemdə qeydiyyatdan keçmiş əmək müqaviləsinə xitam verilməsini xahiş edir. Lakin, əmək müqaviləsinə xitam verilməsi və bununla bağlı elektron sistemdə aparılmış qeydiyyatın ləğv edilməsi işə götürənin səlahiyyətinə aiddir. İddiaçı hazırkı tələblə cavabdehə müraciət etdiyini, cavabdehin ona imtina cavabı verdiyini və ya cavabdehi tapmaq mümkün olmadığından iddiaçının məhkəməyə müraciət etməyə məcbur olduğunu təsdiq edən hər hansı sənəd əlavə edilməmişdir. Bu səbəbdən MPM-nin 152.1.6-cı maddəsinə əsasən iddia ərizəsi geri qaytarılmalıdır. Şərh olunanlara əsasən və Azərbaycan Respublikası MPM-nin 259, 259.0.1, 260, 263-264, 266-268-ci maddələrini rəhbər tutaraq, məhkəmə QƏRARA ALDİ: İddiaçı Cavabdeh qarşı elektron informasiya sistemində qeydə alınmış əmək müqaviləsinə xitam verilməsi barədə iddia ərizəsi və ona əlavə edilmiş sənədlər iddiaçıya qaytarılsın. Qərardaddan onun tərəflərə rəsmi qaydada verilməsindən sonra 10 gün müddətində Sumqayıt Şəhər Məhkəməsinə şikayət verilə bilər. Hakim Emin Abdullayev