Sumqayıt Şəhər Məhkəməsi Qətnamə — İş №2(060)-7387/2021

Azərbaycan Respublikası adından QƏTNAMƏ Sumqayıt şəhəri İş № 2(060)-7387/2021 27.10.2021 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Rəhimov Səbuhi Fərəc oğlunun katibliyi, İddiaçının nümayəndəsi Ramazanov Məmmədağa Əhməd oğlunun iştirakı ilə İddiaçı cavabdehlər Cavabdeh1, Cavabdeh2 Sultansabiq qızı və Cavabdeh3 qarşı «mənzilə istifadə hüquqlarının itirilməsi» tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə, MÜƏYYƏN ETDİ: İddiaçı cavabdehlər Cavabdeh1, Cavabdeh2 Sultansabiq qızı və Cavabdeh3 qarşı «mənzilə istifadə hüquqlarının itirilməsi» tələbinə dair iddia ərizəsi ilə Sumqayıt şəhər Məhkəməsinə müraciət edərək, cavabdehlər Cavabdeh1, Cavabdeh2 Sultansabiq qızı, Cavabdeh3, 09.03.2016-cı il təvəllüdlü X3 və 12.09.2017-ci il təvəllüdlü X1 Sumqayıt şəhəri, 3-cü mikrorayon, 15/13 saylı evin 13 nömrəli mənzilinə istifadə hüquqlarının itirilmiş hesab edilməsinə dair qətnamə çıxarılmasını məhkəmədən xahiş etmişdir. İddiaçının nümayəndəsi Ramazanov Məmmədağa Əhməd oğlu məhkəmə iclasında iddia tələbini müdafiə edərək göstərdi ki, Sumqayıt şəhəri, 3-cü mikrorayon, 15/13 saylı evin 13 nömrəli mənzili 04.09.2020-ci il tarixdən İddiaçı xüsusi mülkiyyətindədir.O, həmin mənzili 25.08.2020-ci il tarixdə alqı-satqı müqaviləsi əsasında 38000 manata Ələsgərova Rəfiqə Ələkbər qızından almışdır. Cavabdehlər həmin mənzili satdıqdan sonra 1 ay müddətində pasport qeydiyyatından çıxacaqlarını bildirmişlər. Lakin cavabdehlər mənzil satıldıqdan sonra özlərinə məxsus əşyaları götürərək mənzildən çıxsalar da, söz verdikləri kimi pasport qeydiyyatından çıxmamışlar. Hal-hazırda iddiaçı onun mənzili ilə heç bir əlaqəsi qalmayan şəxslərin əvəzində də kommunal xərcləri ödəməyə məcbur qalmışdır. Cavabdehlərin mənzilində qeydiyyatda qalmaları onun mülkiyyət hüquqlarını pozur. Qeyd olunanlara əsasən iddianın təmin olunmasını məhkəmədən xahiş etdi. Cavabdehin qeydiyyatda olduğu ünvanı üzrə məhkəmə bildirişi göndərilmiş, lakin onun faktiki olduğu yer məlum olmadığından məhkəmə, Azərbaycan Respublikasının Mülki Prosessual Məcəlləsinin 147-ci maddəsinə əsasən işə cavabdehin iştirakı olmadan baxılmasını mümkün hesab etdi. Məhkəmə, iddiaçının nümayəndəsini dinləyib, iş materiallarını nəzərdən keçirərək və məhkəmə iclasında tədqiq edilən sübutlara hüquqi qiymət verərək belə hesab edir ki, iddia tələbi təmin edilməlidir. Belə ki, iş materiallarında olan 25.08.2020-ci il tarixli, AN-İ № ******* nömrəli daşınmaz əmlakın alqı-satqı müqaviləsinin surətindən görünür ki, Ələsgərova Rəfiqə Ələkbər qızı Sumqayıt şəhəri, 3-cü mikrorayon, 15/13 saylı evin 13 nömrəli mənzilini İddiaçı satmışdır. İş materiallarında olan Azərbaycan Respublikası ƏMDK Yanında DƏDRX tərəfindən verilmiş çıxarışın surətindən görünür ki, Sumqayıt şəhəri, 3-cü mikrorayon, 15/13 saylı evin 13 nömrəli mənzili İddiaçı adına qeydiyyatdan keçmişdir. İş materiallarında olan ******* nömrəli, 11.08.2021-ci il tarixli arayışdan görünür ki, cavabdehlər Cavabdeh1, Cavabdeh2 Sultansabiq qızı, Cavabdeh3, X3 və X1 Sumqayıt şəhəri, 3-cü mikrorayon, 15/13 saylı evin 13 nömrəli mənzildə rəsmi olaraq qeydiyyatdadırlar. Azərbaycan Respublikasının Konstitusiyasının 13-cü maddəsinin İ bəndində göstərilir ki, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikasının Mülki Məcəlləsinin 152.1-ci maddəsinə əsasən mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Azərbaycan Respublikasının Mülki Məcəlləsinin 178.1. maddəsində göstərilir ki, daşınmaz əmlaka mülkiyyət hüququ onun verilməsinin daşınmaz əmlakın dövlət reyestrində qeydə alındığı andan əldə edənə keçir. Eyni zamanda, həmin Məcəllənin 203.1. maddəsinə əsasən daşınmaz əmlakın dövlət reyestrində qeydiyyat yazısı ləğv edildikdə, daşınmaz əmlaka mülkiyyət hüququ itirilir. Beləliklə, işin məhkəmə iclasında araşdırılan hallarına və tədqiq edilən sənədlərə əsasən İddiaçı Sumqayıt şəhəri, 3-cü mikrorayon, 15/13 saylı evin 13 nömrəli mənzilini rəsmi alqı-satqı müqaviləsi əsasında əldə etmiş, buna baxmayaraq, cavabdehlər Cavabdeh1, Cavabdeh2 Sultansabiq qızı, Cavabdeh3, 09.03.2016-cı il təvəllüdlü X3 və 12.09.2017-ci il təvəllüdlü X2 həmin mənzildə rəsmi olaraq qeydiyyatda qalması iddiaçının mülkiyyət hüquqlarını lazımi şəkildə həyata keçirməsinə maneçilik törədərək iddiaçının bu hüququndan tam istifadə etmək imkanını məhdudlaşdırmışdır. Azərbaycan Respublikasının Mülki Məcəlləsinin 157.4-cü maddəsinin mənasından görünür ki, əgər mülkiyyətə maneələr mülkiyyətdən məhrum etmədən törədilərsə, mülkiyyətçi bu hərəkətlərə son qoymağı tələb edə bilər və bu cür hərəkətlər davam edərsə, həmin hərəkətlərə son qoyulması məhkəmə vasitəsilə tələb oluna bilər. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə QƏT ETDİ: İddia tələbi təmin edilsin. Cavabdehlər Cavabdeh1, Cavabdeh2 Sultansabiq qızı, Cavabdeh3, 09.03.2016-cı il təvəllüdlü X3 və 12.09.2017-ci il təvəllüdlü X1 Sumqayıt şəhəri, 3-cü mikrorayon, 15/13 saylı evin, 13 nömrəli mənzilinə olan istifadə hüquqları itirilmiş hesab edilsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Hakim: Azər İsmayılov