Sumqayıt Şəhər Məhkəməsi Qətnamə — İş №2(060)-834/2021

Azərbaycan Respublikası adından QƏTNAMƏ Sumqayıt şəhəri İş № 2(060)-834/2021 05.03.2021 SUMQAYIT ŞƏHƏR MƏHKƏMƏSİ Hakim İsmayılov Azər İbrahim oğlunun sədrliyi, Əliyev Orxan Elşən oğlunun katibliyi, İddiaçı iştirakı ilə, İddiaçı cavabdehlər Cavabdeh1 və Cavabdeh2 qarşı “mənzilə istifadə hüququnun itirilmiş hesab edilməsi tələbinə” dair iddia ərizəsi üzrə mülki işə açıq məhkəmə iclasında baxaraq, məhkəmə, MÜƏYYƏN ETDİ: İddiaçı cavabdehlər Cavabdeh1 və Cavabdeh2 qarşı “mənzilə istifadə hüququnun itirilmiş hesab edilməsi tələbinə” dair iddia ərizəsi ilə Sumqayıt şəhər Məhkəməsinə müraciət edərək, cavabdehlər Cavabdeh1 və Cavabdeh2 Sumqayıt şəhəri, 2 mkr., 15/21A saylı evin, 51 saylı mənzilinə (yeni qaydalarla: Sumqayıt şəhəri, Sumqayıt şəhər ərazi vahidi, Sülh küçəsi, 224, m 2, m 3) istifadə hüquqlarının itirilmiş hesab edilməsi barədə qətnamə çıxarılmasını məhkəmədən xahiş etmişdir. İddiaçı məhkəmə iclasında iddia tələbini müdafiə edərək onunla əsaslandırdı ki, o, xx.xx.2020-ci ildə alqı-satqı müqaviləsi əsasında Sumqayıt şəhəri, 2 mkr., 15/21A saylı evin, 51 saylı mənzil Şərifov Mürsəl Nizami oğlundan tam dəyərini ödəməklə almışdır. Hal-hazırda da həmin mənzil xx.xx.2020-ci il tarixli çıxarış əsasında onun adına xüsusi mülkiyyət hüququ əsasında dövlət qeydiyyatına alınmışdır. Cavabdehlər formal olaraq mənzilində pasport qeydiyyatındadır. Şərifov Mürsəl Nizami oğlu mənzili ona satarkən xx.xx.2020-ci il tarixədək qeydiyyatdan çıxacaqlarına söz vermişdir. Lakin cavabdehlər mənzildə qeydiyyatda qalmşlar. Cavabdehlər formal olaraq mənzilində pasport qeydiyyatındadır. Cavabdehlərin Sumqayıt şəhəri, 2-ci mikr, ev 15/21 A, 51 saylı mənzildə heç bir əmlakı yoxdur. Cavabdehlərin ona aid mənzildən qeydiyyatdından çıxmaması onun mənzilindən sərbəst istifadə etməyinə maneçilik törədir və hüquqlarının həyata keçirməyinə mane olur. Cavabdehlərin harada yaşamalarını bilmir. Qeyd edilənlərə əsasən iddianın təmin edilməsini məhkəmədən xahiş etdi. Cavabdehlərin qeydiyyatda olduğu ünvanı üzrə məhkəmə bildirişi göndərilmiş, lakin onların faktiki olduğu yer məlum olmadığından məhkəmə, Azərbaycan Respublikasının Mülki Prosessual Məcəlləsinin 147-ci maddəsinə əsasən işə cavabdehlərin iştirakı olmadan baxılmasını mümkün hesab etdi. Məhkəmə, iddiaçını dinləyib, iş materiallarını nəzərdən keçirərək və məhkəmə iclasında tədqiq edilən sübutlara hüquqi qiymət verərək belə hesab edir ki, iddia tələbi təmin edilməlidir. Belə ki, iş materiallarında olan xx.xx.2020-ci il tarixli, AN-İ ******* saylı alqısatqı müqaviləsinin surətindən görünür ki, Şərifov Mürsəl Nizami oğlu Sumqayıt şəhəri, 2 mkr., 15/21A saylı evin, 51 saylı mənzilini (yeni qaydalarla: Sumqayıt şəhəri, Sumqayıt şəhər ərazi vahidi, Sülh küçəsi, 224, m 2, m 3) İddiaçı satmışdır. İş materiallarında olan Azərbaycan Respublikası DƏDRX tərəfindən verilmiş çıxarışın surətindən görünür ki, Sumqayıt şəhəri, 2 mkr., 15/21A saylı evin, 51 saylı mənzili (yeni qaydalarla: Sumqayıt şəhəri, Sumqayıt şəhər ərazi vahidi, Sülh küçəsi, 224, m 2, m 3) İddiaçı adına qeydiyyatdan keçmişdir. İş materiallarında olan ******* nömrəli, xx.xx.2020-ci il tarixli yaşayış yeri üzrə qeydiyyat haqqında arayışdan görünür ki, cavabdehlər Cavabdeh1 və Cavabdeh2 Sumqayıt şəhəri, 2 mkr., 15/21A saylı evin, 51 saylı mənzilində (yeni qaydalarla: Sumqayıt şəhəri, Sumqayıt şəhər ərazi vahidi, Sülh küçəsi, 224, m 2, m 3) rəsmi olaraq qeydiyyatdadırlar. Azərbaycan Respublikasının Konstitusiyasının 13-cü maddəsinin İ bəndində göstərilir ki, Azərbaycan Respublikasında mülkiyyət toxunulmazdır və dövlət tərəfindən müdafiə olunur. Azərbaycan Respublikasının Mülki Məcəlləsinin 152.1-ci maddəsinə əsasən mülkiyyət hüququ - subyektin ona mənsub əmlaka (əşyaya) öz istədiyi kimi sahib olmaq, ondan istifadə etmək və ona dair sərəncam vermək üzrə dövlət tərəfindən tanınan və qorunan hüququdur. Azərbaycan Respublikasının Mülki Məcəlləsinin 178.1. maddəsində göstərilir ki, daşınmaz əmlaka mülkiyyət hüququ onun verilməsinin daşınmaz əmlakın dövlət reyestrində qeydə alındığı andan əldə edənə keçir. Eyni zamanda, həmin Məcəllənin 203.1. maddəsinə əsasən daşınmaz əmlakın dövlət reyestrində qeydiyyat yazısı ləğv edildikdə, daşınmaz əmlaka mülkiyyət hüququ itirilir. Beləliklə, işin məhkəmə iclasında araşdırılan hallarına və tədqiq edilən sənədlərə əsasən İddiaçı Sumqayıt şəhəri, 2 mkr., 15/21A saylı evin, 51 saylı mənzilini (yeni qaydalarla: Sumqayıt şəhəri, Sumqayıt şəhər ərazi vahidi, Sülh küçəsi, 224, m 2, m 3) alqı-satqı yolu ilə əldə etmiş, mənzilin əvvəlki mülkiyyətçisinin mülkiyyət hüququna xitam verilərək, onun bu hüququ iddiaçıya keçmiş, buna baxmayaraq, cavabdehlər Cavabdeh1 və Cavabdeh2 həmin mənzildə rəsmi olaraq qeydiyyatda qalmaqla iddiaçının mülkiyyət hüquqlarını lazımi şəkildə həyata keçirməsinə maneçilik törədərək iddiaçının bu hüququndan tam istifadə etmək imkanını məhdudlaşdırmışdır. Azərbaycan Respublikasının Mülki Məcəlləsinin 157.4-cü maddəsinin mənasından görünür ki, əgər mülkiyyətə maneələr mülkiyyətdən məhrum etmədən törədilərsə, mülkiyyətçi bu hərəkətlərə son qoymağı tələb edə bilər və bu cür hərəkətlər davam edərsə, həmin hərəkətlərə son qoyulması məhkəmə vasitəsilə tələb oluna bilər. Yuxarıda göstərilənlərə əsasən və Azərbaycan Respublikasının Mülki Prosessual Məcəlləsinin 216-220, 227, 233, 360-cı maddələrini rəhbər tutaraq, məhkəmə QƏT ETDİ: İddia tələbi təmin edilsin. Cavabdehlər Cavabdeh1 və Cavabdeh2 Sumqayıt şəhəri, 2 mkr., 15/21A saylı evin, 51 saylı mənzilinə (yeni qaydalarla: Sumqayıt şəhəri, Sumqayıt şəhər ərazi vahidi, Sülh küçəsi, 224, m 2, m 3) olan istifadə hüquqları itirilmiş hesab edilsin. Qətnamədən rəsmi qaydada verildiyi gündən 1 (bir) ay müddətində Sumqayıt Şəhər Məhkəməsi vasitəsi ilə Sumqayıt Apelyasiya Məhkəməsinə apelyasiya şikayəti verilə bilər. Hakim: Azər İsmayılov