Xankəndi Şəhər Məhkəməsi Qərardad — İş №2(065)-87/2025

Azərbaycan Respublikası adından QƏRARDAD Xankəndi Şəhəri İş № 2(065)-87/2025 26.12.2025 hakim Abdullayev İlkin Qismət oğlunun sədrliyi, məhkəmə iclasının katibi Məhərrəmov Sadiq Yaşar oğlunun katibliyi ilə Ərizəçi «nikahda olma faktının müəyyən edilməsi» tələbinə dair ərizəsinə məhkəmənin hazırlıq iclasında baxaraq, MÜƏYYƏN ETDİ: Ərizəçi ərizə ilə məhkəməyə müraciət edərək X1 ilə 1976-cı ilin avqust ayında Xankəndi şəhər Qeydiyyat şöbəsində nikahlarının qeyd edilməsi faktının müəyyən edilməsi barədə qətnamə çıxarılmasını xahiş etmişdir. Ərizəsi Ərizəçi 26 dekabr 2025-ci ildə vəsatətlə məhkəməyə müraciət edərək, ərizəçinin geri qaytarılmasını xahiş etmişdir. Azərbaycan Respublikası Mülki-Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Məhkəmə hesab edir ki, ərizə və ona əlavə edilmiş sənədlər iddiaçıya geri qaytarılmalıdır. Göstərilənlərə əsasən və Azərbaycan Respublikası Mülki-Prosessual Məcəlləsinin 170, 267 və 268-ci maddələrini rəhbər tutaraq, məhkəmə QƏRARA ALDİ: Ərizəçi «nikahda olma faktının müəyyən edilməsi» tələbinə dair ərizəsi geri qaytarılsın. Qərardaddan rəsmi qaydada verildikdən sonra 10 (on) gün müddətində Xankəndi Şəhər Məhkəməsinə şikayət verilə bilər.