Göygöl Rayon Məhkəməsi Qərardad — İş №2(066)-237/2025

Azərbaycan Respublikası adından QƏRARDAD Göygöl rayonu İş № 2(066)-237/2025 27.01.2025 GÖYGÖL RAYON MƏHKƏMƏSİ Hakim Mustafayev Rəşad Mustafa oğlunun sədrliyi, X1 iclas katibliyi, İddiaçı iştirakı ilə, İddiaçı Cavabdeh qarşı “torpağın zəbtdən azad olunması və üzərində olan tikilinin sökülməsi” tələbinə dair mülki işə açıq məhkəmə hazırlıq iclasında baxaraq, məhkəmə müəyyən etdi: İddiaçı Cavabdeh qarşı “torpağın zəbtdən azad olunması və üzərində olan tikilinin sökülməsi” tələbinə dair iddia ərizəsi ilə məhkəməyə müraciət edərək, keçmiş Xanlar rayonu Aqrar İslahat Komissiyasının 16 fevral 1998-cü il tarixli 02 saylı qərarı ilə JN 577 KOD 50807005 saylı torpağa mülkiyyət hüququna dair dövlət aktı ilə və **********1 saylı reyestrdən çıxarışla mənim mülkiyyətinə verilmiş 0.0737 hektar kǝnt təsərrüfatlı təyinatlı torpaq sahəsindən cavabdeh X2 çıxarılması, torpaq sahəsinin zəbtdən azad olunması və cavabdeh tərəfindən inşa edilmiş tikililərin, köməkçi tikililərin cavabdehin şəxsi hesabına sökülməsi barədə və torpaq sahəsinin yerində ona təhvil verilməsi barədə qətnamə çıxarılmasını xahiş etmişdir. İşə məhkəmə hazırlıq iclasında baxılarkən İddiaçı məhkəməyə ərizə təqdim edərək, iddia ərizəsini və ona əlavə edilmiş sənədlərin baxılmadan geri qaytarılmasını xahiş etdi. Məhkəmə iş materiallarını araşdıraraq hesab edir ki, ərizə Azərbaycan Respublikası MPM-in 170.1-ci maddəsinə əsasən ərizəçiyə qaytarılmalıdır. Belə ki, Azərbaycan Respublikası Mülki Prosessual Məcəlləsinin 170.1-ci maddəsinə əsasən bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə qaytarıla bilər. Göstərilənlərə əsasən və Azərbaycan Respublikası MPM-nin 170.1, 263-264, 266- 268-ci maddələrini rəhbər tutaraq, məhkəmə qərara aldı: İddiaçı Cavabdeh qarşı “torpağın zəbtdən azad olunması və üzərində olan tikilinin sökülməsi” tələbinə dair iddia ərizəsi və ona əlavə edilmiş sənədlər geri qaytarılsın. Qərardaddan, qərardad tərəfə rəsmi qaydada verildikdən sonra 10 gün müddətində “Elektron məhkəmə” informasiya sistemində yaradılmış elektron kabinetə yerləşdirilməklə Göygöl Rayon Məhkəməsinə şikayət verilə bilər. Sədrlik edən: Rəşad Mustafayev