Göygöl Rayon Məhkəməsi Qərardad — İş №2(066)-951/2023

Azərbaycan Respublikası adından QƏRARDAD Göygöl rayonu İş № 2(066)-951/2023 05.06.2023 GÖYGÖL RAYON MƏHKƏMƏSİ Hаkim Kərimov Əyyub Vaqif оğlunun sədrliyi, X1 iclas kаtibliyi ilə, İddiaçı cavabdeh Göygöl rayon Notariat Kontoruna qarşı “vərəsəlik hüququnun tanınması” tələbinə dair iddia ərizəsi üzrə mülki işə açıq məhkəmə iclasında baxaraq, məhkəmə M Ü Ə Y Y Ə N E T D İ: İddiaçı cavabdeh Göygöl rayon Notariat Kontoruna qarşı “vərəsəlik hüququnun tanınması” tələbinə dair iddia ərizəsi ilə məhkəməyə müraciət edərək qətnamə çıxarılmasını xahiş etmişdir. Məhkəmə iddia ərizəsini və ona əlavə edilmiş sənədləri nəzərdən keçirib belə hesab edir ki, aşağıda göstərilənlərə əsasən iddia ərizəsi geri qaytarılmalıdır. Belə ki, Azərbaycan Respublikasının Mülki Prosessual Məcəlləsinin (bundan sonra MPM) 152.1.6-cı maddəsinə əsasən, müqavilə ilə və ya həmin kateqoriya işlər üçün qanunla nəzərdə tutulmuşsa, iddiaçı cavabdehlə mübahisənin məhkəməyə qədər (pretenziya qaydasında) nizama salınmasına riayət edilməsinə dair sənəd təqdim etmədikdə hakim iddia ərizəsini və ona əlavə edilmiş sənədləri geri qaytarır. Hazırki işdən isə görünür ki, iddiaçı miras əmlakda payların müəyyən edilməsi üçün notariat konturuna müraciət etməli, Notariat Konturu tərəfindən mübahisənin həll edilməsindən imtina edilməsini təsdiq edən heç bir sübutu ərizəsinə əlavə etməmişdir. Bundan başqa, iş materiallarına əlavə edilmiş dövlət rüsumu iddiaçı tərəfindən ödənilməmişdir. Bundan başqa, iddia ərizəsinə heç bir hüquqmüəyyən edici sənədlər (evin sənədləri, ölüm kağızları, vərəsələrin dairəsini müəyyən edəcək sənədlər və s.) əlavə edilməmişdir. MPM-nin 89.3-cü maddəsinə əsasən, məhkəməyə lazımi sübutların əsli və ya lazımi qaydada təsdiq olunmuş surəti təqdim edilməlidir. MPM-nin 152.2-ci maddəsinə əsasən, iddia ərizəsinin qaytarılması haqqında hakim qərardad çıxarır. Həmin Məcəllənin 152.4-cü maddəsinə əsasən, iddia ərizəsinin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Beləliklə, göstərilənlərə əsasən məhkəmə hesab edir ki, iddia ərizəsi yuxarıda qeyd edilən nöqsanlara yol verilərəl məhkəməyə təqdim edildiyindən, iddia ərizəsi və ona əlavə edilmiş sənədlər iddiaçıya geri qaytarılmalıdır. Şərh olunanlara əsasən və MPM-nin 149-152-ci maddələrini rəhbər tutaraq, məhkəmə QƏRARA ALDİ: İddiaçı cavabdeh Göygöl rayon Notariat Kontoruna qarşı “vərəsəlik hüququnun tanınması” tələbinə dair iddia ərizəsi və ona əlavə edilmiş sənədlər iddiaçıya geri qaytarılsın. İddiaçıya izah edilsin ki, ərizənin qaytarılması nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Qərardaddan rəsmi qaydada verildikdən sonra 10 gün müddətinə yazılı şəkildə qərardadı qəbul edən məhkəməyə şikayət verilə bilər. Hakim: Əyyub Kərimov. AZƏRBAYCAN RESPUBLİKASİ GÖYGÖL RAYON MƏHKƏMƏSİ AZ 2500; Göygöl şəhəri, S.Vurğun küçəsi, 45A; Tel: (02220) 5-23-84; Faks: (02220) 5-23-84 İş № 2(066)-951/2023 «05» iyun 2023-cü il İddiaçı Göygöl şəhəri, Turan Qurbanov küçəsi 2 Göygöl rayon Notariat Kontoruna Göygöl şəhəri. Göygöl Rayon Məhkəməsinin 05 iyun 2023-cü il tarixli, 2(066)-951/2023 nömrəli qərardadının surəti və digər sənədlər Sizə göndərilir. Qoşma: qərardadın surəti və digər sənədlər cəmi: “ “ vərəqə. Hörmətlə, hakim: Əyyub Kərimov.