Cəlilabad Rayon Məhkəməsi Qətnamə — İş №2(073)-1061/2025

Azərbaycan Respublikası adından QƏTNAMƏ Cəlilabad rayonu İş № 2(073)-1061/2025 04.04.2025 CƏLİLABAD RAYON MƏHKƏMƏSİ Cəbrayılov Vüsal Adil oğlunun sədrliyi, Qasımov Elvin Yusif oğlunun katibliyi, Ərizəçi iştirakı ilə, Ərizəçi doğum faktının müəyyən edilməsi tələbinə dair mülki işə Cəlilabad Rayon Məhkəməsinin binasında, məhkəmə iclas zalında, açıq məhkəmə iclasında baxaraq, müəyyən etdi: Ərizəçi doğum faktının müəyyən olunması tələbinə dair ərizə ilə məhkəməyə müraciət edərək, X1 və anası Şahid1 olmaqla, onun 19 mart 2005-ci il tarixdə Cəlilabad rayonunun Abışabad kəndində doğulması faktının müəyyən olunmasına dair qətnamə çıxarılmasını xahiş etmişdir. Məhkəmə iclasında Ərizəçi tələbini müdafiə edərək verdiyi izahatında göstərdi ki, o, 19 mart 2005-ci il tarixdə Cəlilabad rayonunun Abışabad kəndində doğulmuşdur. X1, anası isə Şahid1dır. Valideynlərinin rəsmi nikahı olmamışdır. Ailə üzvləri ilə birlikdə Cəlilabad rayonunun Abışabad kəndində yaşayır. Hazırda özünə şəxsiyyət vəsiqəsinin alınmasından ötrü doğum haqqında şəhadətnamə tələb olunur. O, bununla bağlı Maraqlı şəxsnə müraciət etsə də, ona doğumu haqqında tibbi şəhadətnamə və digər hüquqmüəyyənedici sənədlər olmadığından doğumun qeydə alınmasının Maraqlı şəxsndə mümkün olmadığı bildirilmiş və məhkəməyə müraciət etmək hüququ izah edilmişdir. Onun 19 mart 2005-ci il tarixdə Cəlilabad rayonu Abışabad kəndində doğulması barədə icra nümayəndəliyinin arayışı mövcuddur. Həmçinin bu faktı şahidlər də təsdiq edə bilərlər. Qeyd olunanların nəzərə alınaraq ərizənin təmin ediməsinə dair qətnamə çıxarılmasını xahiş etmişdir. İşə baxılmanın vaxtı və yeri haqqında lazımi qaydada məlumat verilməsinə baxmayaraq, üçüncü şəxs Maraqlı şəxs nümayəndəsi məhkəmə iclasına gəlməmiş və gəlməməsinin səbəbləri barədə məhkəməyə məlumat verməmişdir. Məhkəmə işə maraqlı şəxsin nümayəndəsinin iştirakı olmadan baxmağı mümkün hesab etmişdir. Məhkəmə iclasında ərizəçinin vəsatəti əsasında şahid qismində dindirilmiş Şahid1 verdiyi ifadəsində göstərdi ki, onun X2 ilə faktiki nikahlarından 19 mart 2005-ci ildə Ərizəçi doğulmuşdur. Ərizəçi Cəlilabad rayonu Abışabad kəndində ev şəraitində doğulmuş və həmin vaxt qızının doğum faktı ilə bağlı heç bir qeydiyyat aparılmamışdır. Hazırda şəxsiyyət vəsiqəsinin olmaması qızının əməliyyatı ilə bağlı bəzi sənədləşmə işlərinin aparılmasında çətinlik yaradır. Məhkəmə iclasında ərizəçinin vəsatəti əsasında şahid qismində dindirilmiş Şahid2 verdiyi ifadəsində göstərdi ki, Ərizəçi onun bacısı qızıdır. Ərizəçi 19 mart 2005-ci ildə Cəlilabad rayonu Abışabad kəndində doğulmuşdur. Ərizəçi Cəlilabad rayonu Abışabad kəndində ev şəraitində doğulmuş və onun doğum faktı ilə bağlı heç bir qeydiyyat aparılmamışdır. Məhkəmə iclasında ərizəçinin vəsatəti əsasında şahid qismində dindirilmiş Şahid3 verdiyi ifadəsində göstərdi ki, Ərizəçi onun bacısı qızıdır. Ərizəçi 19 mart 2005-ci ildə Cəlilabad rayonu Abışabad kəndində doğulmuş, lakin Ərizəçi doğum faktı ilə bağlı heç bir qeydiyyat aparılmamışdır. Məhkəmə ərizəçinin izahatını, şahid ifadələrini dinləyib, işdə olan sənədləri və digər iş materiallarını tam və hərtərəfli araşdıraraq və işin məhkəmə tərəfindən müəyyən olunmuş hallarına qiymət verərək hesab edir ki, ərizə əsaslı olduğundan təmin edilməlidir. İşdə olan Cəlilabad rayon İHB-nın Şiləvəngə kənd İƏDÜN tərəfindən verilmiş 30 yanvar 2025-ci il tarixli arayışdan görünür ki, Ərizəçi 19 mart 2005-ci il tarixdə Cəlilabad rayonu Abışabad kəndində ev şəraitində doğulmuşdur. İşdə olan Maraqlı şəxs tərəfindən Şahid1 ünvanlanmış 28 yanvar 2025-ci il tarixli məktubdan görünür ki, xx.xx.2005-ci ildə doğulmuş Ərizəçi doğum haqqında akt qeydinin müəyyən edilməsi məqsədilə Maraqlı şəxs arxivində saxlanılan Maraqlı şəxsndə saxlanılan ilkin və bərpa doğum akt qeydləri üzrə həmçinin “Vətəndaşlıq vəziyyəti aktları” avtomatlaşdırılmış qeydiyyat informasiya sisteminə daxil edilmiş bütün vətəndaşlıq vəziyyəti aktları üzrə yoxlama aparılmış cinsi qadın və ya kişi doğulan uşaq barəsində doğum haqqında akt qeydi aşkar edilməmişdir. Uşağın doğumunu təsdiq edən doğum haqqında tibbi şəhadətnamə və digər hüquq müəyyən edici sənədlər təqdim olunmadığı üçün doğumun qeydə alınması Maraqlı şəxsndə mümkün deyildir. Beləliklə, məhkəmə iclasında müəyyən edilmişdir ki, Ərizəçi 19 mart 2005-ci ildə Cəlilabad rayonu Abışabad kəndində ev şəraitində doğulmuşdur. Həmin vaxt Ərizəçi doğum faktı ilə bağlı heç bir qeydiyyat aparılmamışdır. Bununla bağlı Maraqlı şəxsnə müraciət edildikdə isə Ərizəçi doğumu haqqında tibbi şəhadətnamə və digər hüquqmüəyyənedici sənədlər olmadığından doğumun qeydə alınmasının Maraqlı şəxsndə mümkün olmadığı bildirilmiş və məhkəməyə müraciət etmək hüququ izah edilmişdir. Buna görə də, ərizəçi hazırkı ərizə ilə məhkəməyə müraciət etmişdir. Azərbaycan Respublikasının Mülki Prosessual Məcəlləsinin 88-ci maddəsinə görə məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli olan hüquq normalarına müvafiq olaraq qiymət verir. Məhkəmə işin məhkəmə tərəfindən müəyyən olunmuş hallarına hüquq normaları baxımından qiymət verərək hesab edir ki, doğum faktının məhkəmədən kənar təsdiqini ərizəçi başqa vasitələrlə əldə edə bilmir. Faktın təsdiqi isə ərizəçiyə doğum haqqında şəhadətnamənin alınması üçün lazımdır. Azərbaycan Respublikasının Mülki Prosessual Məcəlləsinin 307.1-ci maddəsinə görə məhkəmə fiziki və hüquqi şəxsin şəxsi və əmlak hüquqlarının əmələ gəlməsi, dəyişməsi və xitam verilməsinin asılı olduğu faktları müəyyən edir. Həmin Məcəllənin 307.2.3-cü maddəsinə görə məhkəmə doğumun qeyd edilməsi faktını müəyyən edir. Azərbaycan Respublikasının Ailə Məcəlləsinin 44.1-ci maddəsinə əsasən uşağın anadan mənşəyi ananın uşağı tibb müəssisəsində doğmasını təsdiq edən sənəd əsasında, uşaq tibb müəssisəsindən kənarda doğulduqda doğuma kömək göstərmiş həkimin sənədi əsasında müvafiq icra hakimiyyəti orqanı tərəfindən, belə sənədlər olmadıqda isə şahid ifadələri və digər sübutlar əsasında məhkəmə tərəfindən müəyyən olunur. Azərbaycan Respublikasının Mülki Prosessual Məcəlləsinin 308-ci maddəsində göstərilmişdir ki, məhkəmə hüquqi əhəmiyyəti olan faktı o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 310-cu maddəsinin mənasına görə hüquqi əhəmiyyətli faktın təsdiq edilməsinin ərizəçiyə hansı məqsədlər üçün lazım olması müəyyən edilməlidir. Göstərilənlərə əsaslanaraq və Azərbaycan Respublikasının Mülki Prosessual Məcəlləsinin 213, 216-220, 233, 311 və 360-cı maddələrini rəhbər tutaraq, məhkəmə qət etdi: Ərizə təmin edilsin. X1 və anası Şahid1 olmaqla, Ərizəçi 19 mart 2005-ci ildə Cəlilabad rayonunun Abışabad kəndində doğulması faktı müəyyən edilsin. Qətnamədən rəsmi qaydada verildiyi gündən 1 (bir) ay müddətində Cəlilabad Rayon Məhkəməsi vasitəsi ilə (“Elektron məhkəmə” informasiya sistemində yaradılan elektron kabinet vasitəsilə) Şirvan Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, rəsmi qaydada verildiyi gündən 1 (bir) ay keçdikdən sonra qanuni qüvvəyə minir. Hakim : Vüsal Cəbrayılov