Cəlilabad Rayon Məhkəməsi Qətnamə — İş №2(073)-3531/2025

Azərbaycan Respublikası adından QƏTNAMƏ Cəlilabad rayonu İş № 2(073)-3531/2025 29.01.2026 CƏLİLABAD RAYON MƏHKƏMƏSİ Hakim Əmirəliyev Elxan Əli oğlunun sədrliyi, Hüseynli Nail Ağasəlim oğlunun katibliyi ilə, Ərizəçi doğumun faktının müəyyən edilməsi tələbinə dair mülki işə Cəlilabad Rayon Məhkəməsinin binasında, məhkəmə iclas zalında, açıq məhkəmə iclasında baxaraq, Müəyyən etdi: Ərizəçi doğumun qeyd edilmə faktının müəyyən olunması tələbinə dair ərizə ilə məhkəməyə müraciət edərək, onun xx xxxxx 1949-cu il tarixdə Cəlilabad rayonunda doğulması faktının müəyyən edilməsi barədə qətnamə çıxarılmasını xahiş etmişdir. Ərizəçi ərizəni onunla əsaslandırmışdır ki, o, xx xxxxx 1949-cı il tarixdə Cəlilabad şəhərində doğulmuşdur. X1, anası X4r. Valideynlərinin hər ikisi vəfat etmişdir. O, keçmiş sovet pasportunu verərək yeni şəxsiyyət vəsiqəsi almışdır və hal-hazırda onun şəxsiyyət vəsiqəsi var. O, doğum haqqında şəhadətnaməni itirdiyi üçün yenidən doğum haqqında şəhadətnamə almaqdan ötrü Maraqlı şəxsnə müraciət etmişdir. Lakin orada doğum akt qeydi kitablarında onun doğum akt qeydim edilmədiyindən doğum akt qeydi aparılmamışdır. Doğum akt qeydimin aparılması üçün Maraqlı şəxsnə müraciət etsə də ona izah olundu ki, doğumun qeydə alınması faktının müəyyən olunması üçün məhkəməyə müraciət etməlidir. Onun xx xxxxx 1949-cu il tarixdə Cəlilabad şəhərində doğulması adına Cəlilabad RPŞ tərəfindən 27 aprel 2005-ci il tarixdə verilmiş AZE 0******* nömrəli şəxsiyyət vəsiqəsi ilə təsdiq olunur. Ona görə də o, məcbur qalaraq məhkəməyə müraciət etmişdir. Qeyd edilənlərin nəzərə alınaraq ərizənin təmin edilməsi edilməsi barədə qətnamə çıxarılmasını xahiş etmişdir. İşə baxılmanın vaxtı və yeri haqqında lazımi qaydada məlumat verilməsinə bayxamayaraq Ərizəçi və maraqlı şəxs Qeydiyyat Şöbəsinin nümayəndəsi məhkəmə iclasına gəlməmişlər və gəlməmələrinin səbəbləri barədə məhkəməyə məlumat verməmişdir. Məhkəmə, işə tərəflərin iştirakı olmadan baxılmasını mümkün hesab etmişdir. Məhkəmə, işdə olan sənədləri və digər iş materiallarını tam və hərtərəfli araşdıraraq və işin məhkəmə tərəfindən müəyyən olunmuş hallarına qiymət verərək hesab edir ki, ərizəçinin tələbi əsaslı olduğundan təmin edilməlidir. Belə ki, işdə olan Maraqlı şəxs tərəfindən verilmiş 04 noyabr 2025-ci il tarixli, 12/2084 saylı məktubdan görünür ki, Ərizəçi doğum haqqında akt qeydi qeydiyyat şöbəsinin arxivində 01 yanvar 1947-ci ildən 01 yanvar 1952-ci ilədək ilkin, 1950-ci ildən 1968-ci ilədək bərpa doğum haqqında akt qeydləri üzrə yoxlama aparılmış, doğum haqqında akt qeydi aşkar edilməmişdir və məhkəməyə müraciət etməsi izah olunmuşdur. İşdə olan Cəlilabad şəhər İƏDÜ nümayəndəliyi tərəfindən verilmiş 16 sentyabr 2025ci il tarixli arayışdan görünür ki, xx xxxxx 1949-cu il təvəllüdlü Ərizəçi Cəlilabad şəhəri, ünvan 1 ünvanda qeydiyyatdadır. İşdə olan AZE 0******* seriya nömrəli şəxsiyyət vəsiqəsinin surətindən görünür ki, Ərizəçi xx xxxxx 1949-cu ildə Cəlilabad şəhərində doğulmuşdur. Beləliklə, məhkəmə iclasında araşdırılmış sübutlarla müəyyən olundu ki, X1, anası X6 olmaqla Ərizəçi xx xxxxx 1949-cu ildə Cəlilabad şəhərində doğulmuşdur. Azərbaycan Respublikasının Mülki Prosessual Məcəlləsinin 88-ci maddəsinə görə məhkəmə sübutlara obyektiv, qərəzsiz, hərtərəfli və tam baxdıqdan sonra həmin sübutlara tətbiq edilməli olan hüquq normalarına müvafiq olaraq qiymət verir. Məhkəmə işin məhkəmə tərəfindən müəyyən olunmuş hallarına hüquq normaları baxımından qiymət verərək hesab edir ki, doğum faktının məhkəmədən kənar təsdiqini ərizəçi başqa vasitələrlə əldə edə bilmir. Faktın təsdiqi isə ərizəçiyə doğum haqqında şəhadətnamənin alınması üçün lazımdır. Azərbaycan Respublikasının Mülki Prosessual Məcəlləsinin 307.1-ci maddəsinə görə məhkəmə fiziki və hüquqi şəxsin şəxsi və əmlak hüquqlarının əmələ gəlməsi, dəyişməsi və xitam verilməsinin asılı olduğu faktları müəyyən edir. Həmin Məcəllənin 307.2.3-cü maddəsinə görə məhkəmə doğumun qeyd edilməsi faktını müəyyən edir. Azərbaycan Respublikasının Ailə Məcəlləsinin 44.1-ci maddəsinə əsasən uşağın anadan mənşəyi ananın uşağı tibb müəssisəsində doğmasını təsdiq edən sənəd əsasında, uşaq tibb müəssisəsindən kənarda doğulduqda doğuma kömək göstərmiş həkimin sənədi əsasında müvafiq icra hakimiyyəti orqanı tərəfindən, belə sənədlər olmadıqda isə şahid ifadələri və digər sübutlar əsasında məhkəmə tərəfindən müəyyən olunur. Azərbaycan Respublikasının Mülki Prosessual Məcəlləsinin 308-ci maddəsində göstərilmişdir ki, məhkəmə hüquqi əhəmiyyəti olan faktı o zaman müəyyən edə bilər ki, ərizəçi həmin faktları təsdiq edən lazımi sənədləri başqa qaydada ala bilməsin, yaxud itirilmiş sənədlərin bərpası mümkün olmasın. Həmin Məcəllənin 310-cu maddəsinin mənasına görə hüquqi əhəmiyyətli faktın təsdiq edilməsinin ərizəçiyə hansı məqsədlər üçün lazım olması müəyyən edilməlidir. Qeyd olunanları nəzərə alaraq məhkəmə belə nəticəyə gəlir ki, X1, anası X6 olmaqla Ərizəçi xx xxxxx 1949-cu il tarixdə Cəlilabad şəhərində doğulması faktı müəyyən edilməlidir. Göstərilənlərə əsaslanaraq və Azərbaycan Respublikası Mülki Prosessual Məcəlləsinin 213, 216-220, 233, 311 və 360-cı maddələrini rəhbər tutaraq, məhkəmə… Qət etdi: Ərizə təmin edilsin. X1, anası X6 olmaqla Ərizəçi xx xxxxx 1949-cu il tarixdə Cəlilabad şəhərində doğulması faktı müəyyən edilsin. Qətnamədən rəsmi qaydada verildiyi gündən 1 (bir) ay müddətində Cəlilabad Rayon Məhkəməsi vasitəsi ilə (“Elektron məhkəmə” informasiya sistemində yaradılmış elektron kabinet vasitəsi ilə) Şirvan Apellyasiya Məhkəməsinə apellyasiya şikayəti verilə bilər. Məhkəmə qətnaməsindən şikayət verilməmişdirsə, qəbul edildiyi gündən 1 (bir) ay keçdikdən sonra qanuni qüvvəyə minir. Hakim: Elxan Əmirəliyev