Şamaxı Rayon Məhkəməsi Qərardad — İş №2(074)-282/2024

Azərbaycan Respublikası adından QƏRARDAD Şamaxı rayonu İş № 2(074)-282/2024 01.02.2024 ŞAMAXI RAYON MƏHKƏMƏSİ X3 Murtuza oğlunun sədrliyi, Abdullayev Əsgər Yadigar oğlunun katibliyi, Ərizəçi mirasın qəbul etmə faktının müəyyən edilməsi barədə xüsusi icraat qaydasında ərizəsi üzrə ərizənin qaytarılması haqqında verilmiş vəsatətə məhkəmənin hazırlıq iclasında baxaraq, müəyyənetdi: Ərizəçi mirasın qəbul etmə faktının müəyyən edilməsi barədə xüsusi icraat qaydasında ərizə ilə məhkəməyə müraciət edərək, miras əmlak olan şəxsi mülkiyyət hüquqi ilə evlərin texniki inventarizasiyası və qiymətləndirilməsinə aid texniki pasporta əsasən, mərhum qaynatası X1 məxsus keçmiş Sanatoriya 52 (hazırda Qədirli 79) ünvanında yerləşən fərdi yaşayış evinin onun tərəfindən qəbul edilməsi faktının müəyyən olunması barədə qətnamə çıxarılmasını xahiş etmişdir. Hazırda ərizəçi məhkəməyə vəsatətlə müraciət edərək, ərizəyə mahiyyəti üzrə baxılmadan, geri qaytarılmasını xahiş etmişdir. Məhkəmə ərizəçi tərəfindən verilmiş vəsatəti nəzərdən keçirərək hesab edir ki, verilmiş vəsatət təmin olunmalı, ərizə və ona əlavə edilmiş sənədlər geri qaytarılmalıdır. Belə ki, Azərbaycan Respublikası Mülki-Prosessual Məcəlləsinin 170.1-ci maddəsinə görə, bu Məcəllənin 254, 255, 261.0.1-261.0.3 və 261.0.6-261.0.8-ci maddələrində göstərilən əsaslar olduqda, məhkəmə baxışına hazırlığın icraatı dayandırıla və ya xitam edilə bilər, yaxud iddiaçının vəsatəti ilə ərizə geri qaytarıla bilər. Beləliklə məhkəmə hesab edir ki, ərizəçi ərizənin qaytarılmasına dair vəsatətlə müraciət etdiyindən, ərizə və ona əlavə edilmiş sənədlər qaytarılmalıdır. Qeyd olunanlara əsasən və Azərbaycan Respublikasının Mülki Prosessual Məcəlləsinin 263, 264, 267, 268-ci maddələrini rəhbər tutaraq, məhkəmə q ə r a r a a l d ı: Ərizəçi mirasın qəbul etmə faktının müəyyən edilməsi barədə xüsusi icraat qaydasında ərizə və ona əlavə edilmiş sənədlər geri qaytarılsın. Dövlət rüsumu olaraq ödənilmiş 100 (bir yüz) manat vəsait ərizəçiyə qaytarılsın. Qərardaddan rəsmi qaydada verildikdən sonra 10 (on) gün müddətində Şamaxı Rayon Məhkəməsinə şikayət verilə bilər. Sədrlik edən: Fərid Yaqubov