Şəki Rayon Məhkəməsi Qərardad — İş №2(075)-385/2021

Azərbaycan Respublikası adından QƏRARDAD Şəki şəhəri İş № 2(075)-385/2021 15.01.2021 ŞƏKİ RAYON MƏHKƏMƏSİ Mən, Şəki Rayon Məhkəməsinin hakimi İmanov Cahid Fehruz oğlu, İddiaçı Cavabdeh-nə qarşı “işə bərpa və məcburi iş buraxmaya görə əmək haqqının ödənilməsi” tələbinə dair ərizələrini nəzərdən keçirib, Müəyyən etdim: İddiaçı ərizə ilə məhkəməyə müraciət edərək, əməyinin müqabilində ona iş vaxtından artıq işlərə, istifadə edilməmiş məzuniyyətlərinə görə kompensasiyaların, ezamiyyəyə və s. bu kimi əmək haqqına bərabər tutulan xərclərin ödənilməsi, xx xxxxxxx 2020-ci il tarixdə işdən çıxarılma ilə bağlı sənədlərinin (əmək kitabçası, işdən çıxarılma əmrinin surəti və işdən çıxarılmanın zəruriliyini təsdiq edən sənədlər və s.) ona verilməsini təmin etməklə, qanunsuz verilən və ona təqdim edilməyən əmrin ləğv edilməsi, ona məcburi iş buraxma müddəti üçün əmək haqqı ödənilməklə əvvəlki iş yeri olan Cavabdeh Qapalı Səhmdar Cəmiyyətinə öz işinə bərpa olunması barədə qətnamə qəbul edilməsini xahiş etmişdir. Məhkəmə iş materiallarına baxaraq hesab edir ki, iddia ərizəsi və ona əlavə edilmiş sənədlər Azərbaycan Respublikası MPM-nin 35.2-ci maddəsi rəhbər tutularaq geri qaytarılmalıdır. Belə ki, Azərbaycan Respublikası 35.1-ci maddəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin MPM-nin 35.2-ci maddəsinə əsasən hüquqi şəxsə iddia hüquqi şəxsin ünvanının olduğu yerə görə verilir. İddiaçı iddia ərizəsindən görünür ki, iddia hüquqi şəxs olan Cavabdeh-yə qarşı yönəlmişdir. İddiaçının özünün də qeyd etdiyi kimi Cavabdeh-nin hüquqi ünvanı Bakı şəhəri, Yeni Yasamal, Ş.Mehdiyev küçəsi, 93 A-dır. Azərbaycan Respublikası MPM-nin 35.2-ci maddəsinə əsasən hüquqi şəxsə qarşı iddia hüquqi şəxsin ünvanının olduğu yerə görə verilir. Buna görə də iddiaçıya hazırkı tələbi ilə bağlı Şəki Rayon Məhkəməsinə deyil, cavabdehin hüquqi ünvanın yerləşdiyi və aid olduğu müvafiq rayon məhkəməsinə müraciət etməsi tövsiyə olunur. Ona görə də iddia ərizəsi Cavabdeh-nin hüquqi ünvanı üzrə müvafiq rayon məhkəməsinə göndərilmək əvəzinə aidiyyət qaydaları pozularaq Şəki Rayon Məhkəməsinə göndərildiyindən Azərbaycan Respublikası MPM-nin 149-152-ci maddələri rəhbər tutularaq iddia ərizəsi qaytarılmalıdır. Azərbaycan Respublikası MPM-nin 31.1-ci madəsinə əsasən aidiyyət qaydalarının pozulmasına yol verilmir. Həmin Məcəllənin 35.1-ci madəsinə əsasən qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir. Həmin Məcəllənin 151.1-ci maddəsinə əsasən iddia ərizəsi bu Məcəllənin tələblərinə riayət edilməklə verildikdə, onun məhkəmə icraatı mümkündür. Həmin Məcəllənin 152.4-cü maddəsinə əsasən iddia ərizəsinin qaytarılması, nöqsanlar aradan qaldırıldıqdan sonra ümumi qaydada ikinci dəfə məhkəməyə müraciət etməyə mane olmur. Ona görə də ərizə Azərbaycan Respublikası MPM-nin 152-ci maddəsi rəhbər tutularaq qaytarılmalıdır. Göstərilənlərə əsasən və Azərbaycan Respublikası MPM.-nin 263.1, 264, 266- 268-ci maddələrini rəhbər tutaraq, Qərara aldım: İddiaçı Cavabdeh-nə qarşı “işə bərpa və məcburi iş buraxmaya görə əmək haqqının ödənilməsi” tələbinə dair iddia ərizəsi və ona əlavə edilmiş sənədlər geri qaytarılsın. İddiaçıya qərardadda göstərilən nöqsanlar aradan qaldırıldıqdan sonra ikinci dəfə məhkəməyə müraciət etmək hüququ olması izah edilsin. Qərardaddan surəti alındığı (təqdim edildiyi) gündən 10 gün müddətində Şəki rayon məhkəməsinə şikayət verilə bilər. Hakim Cahid İmanov