Naxçıvan MR Naxçıvan Şəhər Məhkəməsi Qərardad — İş №2(078)-1315/2024

Azərbaycan Respublikası adından QƏRARDAD Naxçıvan şəhəri İş № 2(078)-1315/2024 05.11.2024 NAXÇIVAN MR NAXÇIVAN ŞƏHƏR MƏHKƏMƏSİ Hakim Səfərəliyeva Gülnar Xanlar qızının sədrliyi, Bağırova Nigar Ənvər qızının katibliyi, Ərizəçilərin vəkili və nümayəndəsi Vəkil və maraqlı şəxs X1 qanuni nümayəndəsi X3 iştirakı ilə, Ərizəçilər Ərizəçi1, Ərizəçi2 və Ərizəçi3 miras əmlakın faktiki olaraq qəbul edilməsi faktının müəyyən edilməsi tələbinə dair ərizəsi üzrə mülki işə Naxçıvan Şəhər Məhkəməsinin binasında açıq məhkəmə iclasında baxaraq, m ü ə y y ə n e t d i: Ərizəçilər Ərizəçi1, Ərizəçi2 və Ərizəçi3 vəkili və nümayəndəsi Vəkil ərizə ilə məhkəməyə müraciət edərək, mərhum X2 miras qalmış ünvan 1 ünvanında yerləşən ümumi sahəsi 0.0292 ha torpaq sahəsindən və 78 kv.m fərdi yaşayış evinin övladları Ərizəçi1, Ərizəçi2 və Ərizəçi3 tərəfindən faktiki olaraq qəbul edilməsi faktının müəyyən edilməsi barədə qətnamə qəbul edilməsini məhkəmədən xahiş etmişdir. X4 maraqlı şəxs qismində məhkəməyə dəvət olunmuş, Səkinə Məmmədova azyaşlı olduğundan məhkəmə iclasında qanuni nümayəndəsi X5 ilə təmsil olunmuşdur. Maraqlı şəxs X1 qanuni nümayəndəsi X5 05 noyabr 2024-cü il tarixdə keçirilən məhkəmə iclasında bildirmişdir ki, ərizəni qəbul etmir. O, notarial orqana ərizə verib mirasdan övladının payını istəyib. Ərizəçilər miras əmlakı qəbul etməyib. Mirası təkcə o qəbul edib. Ataları rəhmətə getdikdən bir neçə il sonra ərizəçilər ortaya çıxıb ki, bəs biz atamızın mirasından pay istəyirik. Miras əmlakda övladının haqqı var. Məhkəmə hesab edir ki, ərizə baxılmamış saxlanılmalıdır. Azərbaycan Respublikası Mülki Prosessual Məcəlləsinin 259.0.10-cü maddəsinə görə hüquqi əhəmiyyətli faktların müəyyən edilməsi barəsindəki ərizələrə baxıldıqda hüquq haqqında mübahisə yarandığı aşkar edilərsə hakim ərizəni baxılmamış saxlayır. “Hüquqi əhəmiyyəti olan faktların müəyyən edilməsinə dair işlər üzrə məhkəmə təcrübəsinin bəzi məsələləri haqqında” Azərbaycan Respublikası Ali Məhkəməsi Plenumunun 12 aprel 2019-cu il tarixli Qərarının 10.1-ci maddəsinə görə mirasın qəbul edilməsi faktının və vərəsəliyin açılma yerinin müəyyən edilməsinə dair işlərə baxarkən məhkəmə hüquqi əhəmiyyət kəsb edən hallara, yəni ərizəçi ilə digər vərəsələr arasında miras əmlaka dair hüquqla bağlı mübahisənin mövcud olub-olmamasına; mirasın qəbul edilməsi üçün müddətin uzadılması imkanının itirilib-itirilməməsinə və sair aydınlıq gətirməlidir. İşə baxılarkən müəyyən edilmişdir ki, hüquq haqqında mübahisə vardır və maraqlı şəxs X1 qanuni nümayəndəsi X5 ərizədə tələb olaraq göstərilən ünvan 1 ünvanında yerləşən ümumi sahəsi 0.0292 ha torpaq sahəsindən və üzərində tikilmiş 78 kv.m-dən ibarət olan miras əmlakın ərizəçilər Ərizəçi1, Ərizəçi2 və Ərizəçi3 tərəfindən faktiki olaraq qəbul edilməsi faktının müəyyən edilməsinə etiraz edir. Belə olan halda hüquq haqqında mübahisə yarandığından ərizə baxılmamış saxlanılmalı, ərizəçilərə iddia icraatı qaydasında iddia qaldırmaq hüququ izah edilməlidir. Azərbaycan Respublikası MPM-in 114.1.5-ci maddəsinə görə ərizə baxılmamış saxlanıldığından Ərizəçi2 tərəfindən "xxxx" ASC Naxçıvan filialına xx.xx.2024-cü il tarixdə 19119 nömrəli qəbzlə ödənilmiş 100 (bir yüz) manat dövlət rüsumu geri qaytarılmalıdır. Göstərilənləri, Azərbaycan Respublikası MPM-in 259.0.10, 263, 264, 266-268-ci maddələrini rəhbər tutub, məhkəmə q ə r a r a a l d ı: Ərizəçilər Ərizəçi1, Ərizəçi2 və Ərizəçi3 miras əmlakın faktiki olaraq qəbul edilməsi faktının müəyyən edilməsi tələbinə dair ərizəsi baxılmamış saxlanılsın. Ərizəçi2 tərəfindən "xxxx" ASC Naxçıvan filialına xx.xx.2024-cü il tarixdə 19119 nömrəli qəbzlə ödənilmiş 100 (bir yüz) manat dövlət rüsumu ona geri qaytarılsın. Qərardaddan şikayət, qərardad tərəflərə rəsmi qaydada verildikdən sonra 10 (on) gün müddətində qərardadı çıxaran məhkəməyə verilə bilər. Sədrlik edən: Gülnar Səfərəliyeva