Bakı Apellyasiya Məhkəməsi Qərardad — İş №2(103)-6867/2023

Azərbaycan Respublikası adından QƏRARDAD Bakı şəhəri İş № 2(103)-6867/2023 07.11.2023 BAKI APELLYASİYA MƏHKƏMƏSİ Bakı Apellyasiya Məhkəməsinin Mülki Kollegiyası, hakimlər Məmmədov Məmməd Allahverdi oğlu (sədrlik edən və məruzəçi), Baxışova Vüsalə Ələkbər qızı və Sadıqov Vahid Nəriman oğlundan ibarət tərkibdə, 2(011)-7018/2023 saylı mülki iş üzrə Bakı Şəhəri Xətai Rayon Məhkəməsi tərəfindən qəbul edilmiş 14 sentyabr 2023-cü il tarixli qərardaddan iddiaçı X1 verdiyi şikayətə yazılı icraat qaydasında baxaraq MÜƏYYƏN ETDİ: İddiaçı cavabdeh ləğv prosesində olan "xxxx" ASC-nin ləğvedicisi Əmanətlərin Sığortalanması Fonduna qarşı iddia ərizəsi ilə Xətai Rayon Məhkəməsinə müraciət edərək, onunla "xxxx" ASC arasında bağlanmış xx.xx.2017-ci il tarixli KM007T10170011S01 saylı “Kredit müqaviləsi” üzrə zaminliyinin ləğv edilməsi və iddia ərizəsinin verilməsi üçün ödənilmiş dövlət rüsumunun əvəzi olaraq 100 manat məbləğində pulun cavabdehdən alınaraq ona ödənilməsi barədə qətnamə qəbul edilməsini xahiş etmişdir. İddia ərizəsinin icraata qəbul edilməsi məsələsinə baxmış Rayon Məhkəməsi iş üzrə qəbul etdiyi xx.xx.2023-cü il tarixli qərardadı ilə iddia ərizəsi və ona əlavə edilmiş sənədlərin geri qaytarılmasını qərara almışdır. Qərardad onunla əsaslandırılmışdır ki, cavabdeh Fondun hüquqi ünvanı ünvan 1 hüquqi şəxsin ünvanının olduğu yerə görə verilməlidir. Cavabdehin hüquqi ünvanı Xətai rayonunda olmadığından iddia ərizəsi geri qaytarılmalıdır. İddiaçı həmin qərardaddan Rayon Məhkəməsinə şikayət verərək qərardadın ləğv edilməsi və iddia ərizəsinin icraata qəbul edilməsini xahiş etmişdir. Şikayət onunla əsaslandırılmışdır ki, Bankın ləğvedicisi olan Fondun verdiyi sənədlərdən görünür ki, onun hüquqi ünvanı Xətai rayonu, Babək prospekti 16 ünvanıdır. Həmin sənədlər iddia ərizəsinə əlavə edilsə də, Rayon Məhkəməsi tərəfindən nəzərə alınmamışdır. Şikayətə baxmış Rayon Məhkəməsi iş üzrə qəbul etdiyi xx.xx.2023-cü il tarixli qərardad ilə şikayətin təmin edilməməsini və şikayətin, ona əlavə olunmuş sənədlərlə birlikdə baxılması üçün Bakı Apellyasiya Məhkəməsinə göndərilməsini qərara almışdır. Bakı Apellyasiya Məhkəməsinin Mülki Kollegiyası (bundan sonra – Məhkəmə) şikayətin dəlillərini və iş üzrə materialları araşdıraraq hesab edir ki, şikayət təmin edilməməli, Rayon Məhkəməsinin qərardadı dəyişdirilmədən saxlanılmalıdır. Belə ki, Azərbaycan Respublikası Mülki Prosessual Məcəlləsinin (MPM) 35-ci maddəsinə əsasən, qanunla başqa hal nəzərdə tutulmamışdırsa, iddia cavabdehin rəsmi qeydə alındığı yerin məhkəməsinə verilir (maddə 35.1.). Hüquqi şəxsə iddia hüquqi şəxsin ünvanının olduğu yerə görə verilir. Hüquqi şəxsin törəmə müəssisəsinin fəaliyyətindən əmələ gələn iddialar müəssisənin ünvanının olduğu yerə görə verilir (maddə 35.2.). MPM-nin 152.1.3-cü maddəsinə görə, əgər iş ərazi və ya məhkəmə aidiyyəti üzrə həmin məhkəmədə baxılmalı deyildirsə hakim iddia ərizəsini və ona əlavə edilmiş sənədləri geri qaytarır. İş materiallarından görünür ki, cavabdeh Bankın ləğvedicisi olan Fondun hüquqi ünvanı ünvan 5bəbə görə hazırki iddiaya Xətai Rayon Məhkəməsində baxılması ərazi aidiyyəti qaydalarına uyğun deyil. İddia ərizəsi MPM-nin 35.1 və 35.2-ci maddələrinin tələblərinə cavab vermir. Bunu nəzərə almış Rayon Məhkəməsi, MPM-nin 152.1.3-cü maddəsinə istinad edərək iddia ərizəsini və ona əlavə edilmiş sənədləri qaytarmaqda haqlı olmuşdur. Rayon Məhkəməsinin qəbul etdiyi qərardad əsaslı və qanunidir. Şikayətin dəlilləri əsassızdır. Qərardadın ləğv edilməsi üçün əsas yoxdur. Odur ki, yuxarıda göstərilənlərə əsaslanan və MPM-nin 397, 398, 400, 402-ci maddələrinin tələblərini rəhbər tutan Məhkəmə QƏRARA ALDİ: İddiaçı X1 şikayəti təmin edilməsin. Hazırki iş üzrə Bakı Şəhəri Xətai Rayon Məhkəməsinin xx.xx.2023-cü il tarixli qərardad dəyişdirilmədən saxlanılsın. Qərardad çıxarıldığı andan qanuni qüvvəyə minir və ondan şikayət verilmir.