Şəki Apellyasiya Məhkəməsi Qərardad — İş №2(107)-328/2022

Azərbaycan Respublikası adından QƏRARDAD Şəki şəhəri İş № 2(107)-328/2022 17.01.2022 ŞƏKİ APELLYASİYA MƏHKƏMƏSİ Hakim Məcidov Ələddin Tofiq oğlunun sədrliyi və məruzəsi ilə, hakimlər Əsədli Mahir Abdulla oğlu və Mahmudov Ayaz Akif oğlundan ibarət tərkibdə, Məhkəmə iclas katibi X3 iştirakı ilə, İddiaçı Cavabdeh qarşı mənzilə istifadə hüququnun tanınması və evə köçürülmə tələbinə dair mülki iş üzrə Yevlax Rayon Məhkəməsinin 22 oktyabr 2021-ci il tarixli 2(039)- 428/2021 nömrəli qətnaməsindən Cavabdeh vəkili Vəkil tərəfindən verilmiş apellyasiya şikayətinin mümkünlüyünü yoxlayaraq müəyyən etdi: İddiaçı Cavabdeh qarşı iddia ərizəsi ilə Yevlax Rayon Məhkəməsinə müraciət edərək, Daşınmaz Əmlakın Dövlət Reyestiri Xidmətinin 30.10.2008-ci il tarixli, ********** qeydiyyat nömrəli çıxarışı ilə cavabdehin mülkiyyətində olan Yevlax şəhəri Pişəvəri küçəsi 3A nömrəli binanın 5 saylı mənzilinə onun istifadə hüququnun tanınması və həmin evə köçürülməyinə dair qətnamə çıxarılmasını xahiş etmişdir Yevlax Rayon Məhkəməsinin 22 oktyabr 2021-ci il tarixli 2(039)-428/2021 nömrəli qətnaməsi ilə (hakim Günay Cavadova) iddia təmin edilmiş, İddiaçı Yevlax şəhəri Pişəvəri küçəsi 3A nömrəli binanın 5 saylı mənzilinə istifadə hüququ tanınması və İddiaçı həmin evə köçürülməsi qət edilmişdir. Həmin qətnamədən Cavabdeh vəkili Vəkil аpellyаsiyа şikаyəti vermişdir. Mülki işə baxılması Şəki Apellyasiya Məhkəməsinin Mülki Kollegiyasının hakimləri Məcidov Ələddin Tofiq oğlu (sədrlik edən və məruzəçi), Əsədli Mahir Abdulla oğlu və Mahmudov Ayaz Akif oğluna həvalə edilmişdir. Apellyasiya şikayətinin mümkünlüyünə baxılmazdan öncə Yevlax Rayon Məhkəməsinin sədri Toğrul Əliyevin məktubu Şəki Apellyasiya Məhkəməsinə daxil olmuş, məktubda göstərilmişdir ki, maraqlarına toxunan üçüncü şəxs X2 tərəfindən Yevlax Rayon Məhkəməsinin 22 oktyabr 2021-ci il tarixli qətnaməsindən apellyasiya şikayəti verildiyinə görə mülki iş materiallarının Yevlax Rayon Məhkəməsinə qaytarılması üçün aidiyyəti üzrə göstəriş verilməsini xahiş edir. Göründüyü kimi, maraqlarına toxunan üçüncü şəxs X1 apellyasiya şikayətinin uyğunluğu məsələsinə baxılması məqsədilə mülki iş Yevlax Rayon Məhkəməsinə qaytarılmalıdır. Аzərbаycаn Respublikаsı Mülki Prоsessuаl Məcəlləsinin 364-cü mаddəsinə əsаsən, birinci instаnsiyа məhkəməsi аpellyаsiyа şikаyətinin bu Məcəllənin 361-ci mаddəsinin tələblərinə uyğunluğunu yоxlаyır. Bu Məcəllənin 361-ci mаddəsinin tələblərinə cаvаb verən аpellyаsiyа şikаyəti оnа əlаvə оlunmuş sənədlərlə və işlə birlikdə аpellyаsiyа şikаyətinin verilmə müddəti bitdikdən sоnrа 7 gün müddətində аpellyаsiyа instаnsiyаsı məhkəməsinə göndərilir. Mülki Prosessual Məcəllənin 384.0.6-cı maddəsinə əsasən apellyasiya şikayətinin bu Məcəllənin tələblərinə zidd olaraq icraata qəbul olunması, yaxud da icraata qəbul olunduqdan sonra digər şəxslərin apellyasiya şikayəti ilə birinci instansiya məhkəməsinə müraciət etməsi müəyyən edilərsə, icraata qəbul qərardadını ləğv edərək işi apellyasiya baxışından çıxarmaqla birinci instansiyası məhkəməsinə qaytara bilər. Hazırki iş üzrə apellyasiya şikayəti icraata qəbul edilməmişdir. Məhkəmə kollegiyası hesab edir ki, prosessual qənaət prinsipi baxımından işin icraata qəbul edilmədən Yevlax Rayon Məhkəməsinə qaytarılması daha məqsədəuyğundur. Yuxarıda şərh edilənlərə əsasən və Azərbaycan Respublikası Mülki-Prosessuаl Məcəlləsinin 263-264, 361, 364, 384-cü maddələrini rəhbər tutaraq məhkəmə kollegiyası QƏRARA ALDİ: Şəki Apellyasiya Məhkəməsinin Mülki Kollegiyasının icraatında olan 2(107)-328/2022 nömrəli mülki iş maraqlarına toxunan üçüncü şəxs X1 apellyasiya şikayətinin uyğunluğu məsələsinə baxılması məqsədilə icraata qəbul edilmədən Yevlax Rayon Məhkəməsinə göndərilsin. Qərаrdаd qəbul edildiyi аndаn qаnuni qüvvəyə minir. Qərаrdаddаn kassasiya şikаyəti verilə bilməz. Sədrlik edən: Ələddin Məcidov Hаkimlər: Mahir Əsədli Ayaz Mahmudov