Azərbaycan Respublikası adından QƏRARDAD Şəki şəhəri İş № 2(107)-334/2023 02.02.2023 ŞƏKİ APELLYASİYA MƏHKƏMƏSİ İddiaçı Cavabdeh qarşı mənzildən çıxarılma tələbinə dair ilk, iddiaçı Cavabdeh İddiaçı qarşı mənzilə istifadə hüququnun tanınması tələbinə dair qarşılıqlı iddiası ilə bağlı mülki iş üzrə (Açar sözlər: apellyasiya qeyri-mümkün, apellyasiya şikayəti mövcud olmadıqda) Hakimlər Məcidov Ələddin Tofiq oğlu (sədrlik edən və məruzəçi), Əsədli Mahir Abdulla oğlu və X1 ibarət tərkibdə, Abdullayev Xəzri Elxan oğlunun katibliyi ilə, İddiaçı Cavabdeh qarşı mənzildən çıxarılma tələbinə dair ilk, iddiaçı Cavabdeh İddiaçı qarşı mənzilə istifadə hüququnun tanınması tələbinə dair qarşılıqlı iddiası ilə bağlı mülki iş üzrə Mingəçevir Şəhər Məhkəməsinin 14 iyun 2022-ci il tаrixli, 2(051)-773/2022 saylı qətnaməsindən İddiaçı nümayəndəsi və vəkili Vəkil1 tərəfindən verilmiş apellyasiya şikayətinin mümkünlüyünü yoxlayaraq MÜƏYYƏN E T D İ:
1. İddiaçı Cavabdeh qarşı mənzildən çıxarılma tələbinə dair ilk, iddiaçı Cavabdeh İddiaçı qarşı mənzilə istifadə hüququnun tanınması tələbinə dair qarşılıqlı iddia ilə məhkəməyə müraciət etmişlər.
2. Mingəçevir Şəhər Məhkəməsinin xx.xx.2022-ci il tarixli, 2(051)-773/2022 saylı qətnaməsi ilə İddiaçı Cavabdeh qarşı mənzildən çıxarılma tələbinə dair ilkin iddiası təmin edilməmiş, iddiaçı Cavabdeh İddiaçı qarşı mənzilə istifadə hüququnun tanınması tələbinə dair qarşılıqlı iddiası təmin edilmişdir.
3. İddiaçı nümayəndəsi-Vəkil1 həmin qətnamədən apellyasiya şikayəti vermişdir.
4. Şəki Apellyasiya Məhkəməsi Mülki Kollegiyasının 02 sentyabr 2022-ci il tarixli qərardadı ilə (hakimlər G.İ.Cavadova sədrlik edən, məruzəçi, M.A.Əsədli və V.İ.Məlikov) İddiaçı iş üzrə Mingəçevir Şəhər Məhkəməsinin 14 iyun 2022-ci il tarixli qətnaməsindən verdiyi apellyasiya şikayəti üzrə apellyasiya müddət ötürülməklə verildiyindən qeyrimümkün hesab edilmiş və apellyasiya şikayətinin mülki işlə birlikdə Mingəçevir şəhər məhkəməsinə qaytarılması qərara alınmışdır.
5. İddiaçı nümayəndəsi-Vəkil1 həmni qərardaddan kassasiya şikayəti vermişdir.
6. Azərbaycan Respublikası Ali Məhkəməsinin 19 oktyabr 2022-ci il tarixli 2(102)- 5578/2022 nömrəli qərarı ilə kassasiya şikayəti təmin edilməmiş, Şəki Apellyasiya Məhkəməsi Mülki Kollegiyasının 02 sentyabr 2022-ci il tarixli qərardadı dəyişdirilmədən saxlanılmışdır.
7. İddiaçı 12 oktyabr 2022-ci il tarixdə Mingəçevir Şəhər Məhkəməsinə ərizə verərək qətnamənin surətinin ona göndərilməsini xahiş etmişdir. Qətnamənin surəti həmin ərizəyə əsasən ona göndərilmiş və 20 oktyabr 2022-ci il tarixdə İddiaçı tərəfindən alınmışdır.
8. İddiaçı nümayəndəsi-Vəkil1 18 noyabr 2022-ci ildə yenidən apellyasiya şikayəti vermişdir.
9. İş materiallarından müəyyən оlunmuşdur ki, mülki işin materialları 12 yanvar 2023cü ildə Mingəçevir Şəhər Məhkəməsinə daxil olduqdan sonra 16 yanvar 2023-cü ildə Mingəçevir Şəhər Məhkəməsi tərəfindən bu qərardadın 8-ci bəndində göstərilmiş apellyasiya şikayətinin uyğunluğu məsələsinə baxılaraq həmin tarixli qərardadla apellyasiya şikayəti geri qaytarılmışdır.
10. 17 yanvar 2023-cü ildə İddiaçı nümayəndəsi-Vəkil1 məhkəməyə elektron ərizə göndərərək göstərmişdir ki, İddiaçı Rusiya Federasiyasının vətəndaşıdır və işə Mingəçevir Şəhər Məhkəməsində baxılıb yekun qətnamə qəbul edilən zaman Azərbaycan Respublikasında olmamışdır. Qətnamə qəbul edildikdən bir müddət sonra İddiaçı Azərbaycan Respublikasına gəlmiş və xx.xx.2022-ci il tarixdə rəsmi qaydada Mingəçevir Şəhər Məhkəməsinə müraciət edərək, Mingəçevir Şəhər Məhkəməsinin 14 iyun 2022-ci il tarixli, 2(051)-773/2022 saylı qətnaməsinin rəsmi qaydada ona təqdim edilməsini xahiş etmişdir. Mingəçevir Şəhər Məhkəməsinin 14 iyun 2022-ci il tarixli qətnaməsi İddiaçı 18 oktyabr 2022-ci il tarixdə rəsmi qaydada göndərilmişdir və İddiaçı həmin qətnaməni 20 oktyabr 2022-ci il tarixdə rəsmi qaydada almışdır. Həmin qətnamədən narazı qalan İddiaçı xx.xx.2022-ci il tarixdə apellyasiya şikayəti vermişdir. Lakin, İddiaçı Rusiya Federasiyasının vətəndaşı olduğu üçün apellyasiya şikayətini sərbəst qaydada “Elektron Məhkəmə” informasiya sistemində yaradılmış elektron kabinet vasitəsi ilə verə bilməmişdir. Belə ki, “Elektron Məhkəmə” İnformasiya sistemində xarici ölkə vətəndaşlarının müstəqil qaydada tərəf kimi şikayət vermək hüququ nəzərdə tutulmamışdır. Həmin apellyasiya şikayəti onun nümayəndəsi və vəkili Vəkil1 elektron kabineti vasitəsi ilə verilmişdir. Hacıyev X2 Şəhər Məhkəməsinin 14 iyun 2022-ci il tarixli, 2(051)- 773/2022 saylı qətnaməsini 20 oktyabr 2022-ci il tarixdə rəsmi qaydada alıb, həmin qətnamədən apellyasiya şikayətini isə 24 oktyabr 2022-ci il tarixdə verdiyinə görə, onun tərəfindən verilmiş apellyasiya şikayətinin baxılması üçün aidiyyəti üzrə Şəki Apellyasiya Məhkəməsinə göndərilməsinə göstəriş verməyinizi xahiş edir.
11. Məhkəmə kollegiyası qeyd edir ki, göstərilən ərizəyə yenidən apellyasiya şikayəti əlavə edilməmişdir, birinci instansiya məhkəməsi isə həmin ərizəyə heç bir münasibət bildirmədən 16 yanvar 2023-cü il tarixli 2(051)-773/2022 saylı qərardadla geri qaytarmış olduğu apellyasiya şikayətini baxılması üçün Şəki Apellyasiya Məhkəməsinə göndərmişdir.
12. Azərbaycan Respublikasının birinci instansiya məhkəmələri tərəfindən qəbul olunmuş qanuni qüvvəyə minməmiş qətnamə və qərardadlardan apellyasiya şikayəti Mülki Prosessual Məcəlləsinin 361.1-ci maddəsinin tələbinə əsasən bu Məcəllə ilə müəyyən edilmiş formada verilməlidir. Həmin Məcəllənin 364.1-ci maddəsinə əsasən birinci instansiya məhkəməsi apellyasiya şikayətinin bu Məcəllənin 361-ci maddəsinin tələblərinə uyğunluğunu yoxlayır. Bu Məcəllənin 361-ci maddəsinin tələblərinə cavab verən apellyasiya şikayəti ona əlavə olunmuş sənədlərlə və işlə birlikdə apellyasiya şikayətinin verilmə müddəti bitdikdən sonra 7 gün müddətində apellyasiya instansiyası məhkəməsinə göndərilir. Həmin Məcəllədinin 363.1.1-1.-ci mаddəsinə əsasən apellyasiya şikayəti bu Məcəllənin 361-ci maddəsinin tələblərinə riayət edilmədən verilmişdirsə apellyasiya şikayəti birinci instansiya məhkəməsi tərəfindən qaytarılır.
13. Məhkəmə kollegiyası həmçinin qeyd edir ki, məhkəmə 17 yanvar 2023-cü il tarixli ərizəni 16 yanvar 2023-cü il tarixli 2(051)-773/2022 saylı qərardaddan verilmiş şikayət kimi qəbul etsəydi belə, həmin şikayətə baxaraq qərardad qəbul etməli idi.
14. Hazırki vəziyyətdə Mingəçevir Şəhər Məhkəməsinin 14 iyun 2022-ci il tаrixli, 2(051)-773/2022 saylı qətnaməsindən İddiaçı nümayəndəsi və vəkili Vəkil1 tərəfindən verilmiş apellyasiya şikayəti geri qaytarılmış olduğundan baxılacaq apellyasiya şikayəti mövcud deyildir.
15. Həmin Məcəllənin 366.2-ci mаddəsində deyilir ki, əgər аpellyаsiyаnın mümkünlüyü üçün əsаslаr yоxdursа, о, qəbul оlunmаmış hesаb edilə bilər. Həmin Məcəllənin 399-cu maddəsinə əsasən birinci instansiya məhkəməsinin qərardadını ləğv edib işi yenidən baxılmağa göndərdikdə apellyasiya instansiyası məhkəməsinin qərardadında müəyyən olunmuş göstərişlər işə baxan birinci instansiya məhkəməsi üçün məcburidir.
16. Yuxarıda göstərilənləri də nəzərə alan məhkəmə kоllegiyаsı hesаb edir ki, Mingəçevir Şəhər Məhkəməsinin 14 iyun 2022-ci il tаrixli, 2(051)-773/2022 saylı qətnaməsindən İddiaçı nümayəndəsi və vəkili Vəkil1 tərəfindən verilmiş apellyasiya şikayəti Mingəçevir Şəhər Məhkəməsi tərəfindən geri qaytarıldığından, geri qaytarma qərardadından və qətnamədən yenidən apellyasiya şikayəti verilmədiyindən Mingəçevir Şəhər Məhkəməsinin 14 iyun 2022-ci il tаrixli, 2(051)-773/2022 saylı qətnaməsi üzrə mümkünlyü yoxlanılacaq apellyasiya mövcud deyildir.
17. Göstərilənlərə əsаsən və Аzərbаycаn Respublikаsı Mülki Prоsessuаl Məcəlləsinin 263-264, 366 və 400-cü mаddələrinin tələblərini rəhbər tutаrаq, məhkəmə kоllegiyаsı
Qərаrааldı:
Mingəçevir Şəhər Məhkəməsinin 14 iyun 2022-ci il tаrixli, 2(051)-773/2022 saylı qətnaməsindən İddiaçı nümayəndəsi və vəkili Vəkil1 tərəfindən verilmiş apellyasiya şikayəti Mingəçevir Şəhər Məhkəməsi tərəfindən geri qaytarıldığından, geri qaytarma qərardadından və qətnamədən yenidən apellyasiya şikayəti verilmədiyindən Mingəçevir Şəhər Məhkəməsinin 14 iyun 2022-ci il tаrixli, 2(051)-773/2022 saylı qətnaməsi üzrə mümkünlyü yoxlanılacaq apellyasiya mövcud olmadığından apellyasiya qeyri-mümkün hesаb edilsin Qərаrdаd çıxarıldığı andan qаnuni qüvvəyə minir.