Şəki Apellyasiya Məhkəməsi Qərardad — İş №2(107)-551/2022

Azərbaycan Respublikası adından QƏRARDAD Şəki şəhəri İş № 2(107)-551/2022 04.05.2022 ŞƏKİ APELLYASİYA MƏHKƏMƏSİ İddiaçı Cavabdeh qarşı «mənzilə istifadə hüququna xitam verilməsi» tələbinə dair mülki iş üzrə (Açar sözlər: mənzilə istifadə hüququna xitam verilməsi) Hakim Məcidov Ələddin Tofiq oğlunun sədrliyi və məruzəsi ilə, hakimlər Əsədli Mahir Abdulla oğlu və Mahmudov Ayaz Akif oğlundan ibarət tərkibdə, İsrafilov Elçin Əvəz oğlunun katibliyi, İddiaçı və Cavabdeh iştirakları ilə, İddiaçı Cavabdeh qarşı «mənzilə istifadə hüququna xitam verilməsi» tələbinə dair mülki iş üzrə Mingəçevir Rayon Məhkəməsinin 06 yanvar 2022-ci il tarixli 2(051)-160/2022 nömrəli qiyabi qətnaməsindən Cavabdeh tərəfindən verilmiş apellyasiya şikayətinə Şəki Apellyasiya Məhkəməsinin binasında açıq məhkəmə iclasında baxaraq, məhkəmə kollegiyası müəyyən etdi: İddiaçı iddia ərizəsi ilə Mingəçevir şəhər məhkəməsinə müraciət edərək, Cavabdeh 23 sentyabr 2004-cü il təvəllüdlü X1 və 20 sentyabr 2005-ci il təvəllüdlü X2 adlı uşaqları ilə birlikdə Mingəçevir şəhəri C.Əliyev küçəsi 14 saylı evin 1 saylı mənzilinə istifadə hüququna xitam verilməsi barədə qətnamə çıxarılmasını xahiş etmişdir. Mingəçevir Rayon Məhkəməsinin 06 yanvar 2022-ci il tarixli 2(051)-160/2022 nömrəli qiyabi qətnaməsi ilə (hakim Ələkbər Hüseynov) iddia təmin olunmuş, Cavabdeh 23 sentyabr 2004-cü il təvəllüdlü X1 və 20 sentyabr 2005-ci il təvəllüdlü X2 adlı uşaqları ilə birlikdə Mingəçevir şəhəri C.Əliyev küçəsi 14 saylı evin 1 saylı mənzilinə istifadə hüququna xitam verilməsi qət edilmişdir. Qətnаmədən nаrаzı qаlаn Cavabdeh аpellyаsiyа şikаyəti vermişdir. Həmin apelyasiya şikayətinə əsаsən işə Şəki Apelyasiya Məhkəməsində mahiyyəti üzrə bаxılаn zaman Cavabdeh məhkəmə kollegiyаsının iclasında məhkəməyə vəsatət təqdim edərək apelyasiya şikayətindən imtina etdiyini göstərmiş və ona münasibətdə işin apelyasiya icraatına xitam verilməsini xahiş etmişdir. O, vəsatətində iddiaçı ilə barışıq əldə etdiyini, barışığa görə iddiaçının ona verdiyi 3000 manat pulu qəbul etdiyini, eyni zamanda kirayə müqaviləsi (order) ilə iddiaçıya məxsus olan mənzildən qeydiyyatdan çıxmağı və özünə məxsus əşyalarını həmin mənzildən çıxaracağını öhdəsinə götürdüyünü göstərmişdir. Məhkəmə kollegiyası işdə olаn sənədləri tədqiq edərək belə qənаətə gəlir ki Cavabdeh apelyasiya şikayətindən imtina etməsi barədə verdiyi vəsatəti qəbul edilməlidir. Azərbaycan Respublikası MPM-nin 369.2-ci maddəsinə əsasən apelyasiya şikayəti verən şəxs apelyasiya instansiya məhkəməsində qətnamə qəbul edilənə kimi yazılı formada ondan imtina edə bilər. Həmin Məcəllənin 369.1-ci maddəsinə əsasən işdə iştirak edən şəxsin apellyasiya şikayətindən imtina etməsi birinci instansiya məhkəməsi qətnaməsinin qanuni qüvvəyə minməsinə səbəb olur. Həmin Məcəllənin 369.4-cü maddəsinə görə şikayətdən imtinanın qəbul edilməsi haqqında məhkəmə qərardad qəbul edir və bu qərardadla apelyasiya şikayətindən imtina etmiş şəxslərə münasibətdə apelyasiya icraatına xitam verir. Məhkəmə kollegiyası hesab edir ki, Cavabdeh apelyasiya şikayətindən imtina etməsi iş üzrə digər tərəflərin hüquq və maraqlarına toxunmur və onа görə də hazırki iş üzrə Cavabdeh apelyasiya şikayətindən imtina vəsatəti qəbul edilməli və Cavabdeh münasibətdə işin apelyasiya icraatına xitam verilməlidir. Azərbaycan Respublikası MPM-nin 400-cü maddəsinə əsasən Apellyasiya instansiyası məhkəməsinin bu Məcəllənin 402-ci maddəsində nəzərdə tutulmuş qərardadlarından kassasiya şikayəti verilməmişdirsə, həmin qərardadlar işdə iştirak edən şəxslərə rəsmi qaydada verildiyi gündən 10 gün sonra, qanunla şikayət verilməsi nəzərdə tutulmayan qərardadları isə çıxarıldığı andan qanuni qüvvəyə minir. Şərh edilənlərə əsasən və Azərbaycan Respublikası Mülki Prosessual Məcəlləsinin 263-264, 369 və 400-cü maddələrini rəhbər tutaraq məhkəmə kollegiyası QƏRARA ALDİ: Cavabdeh Mingəçevir Rayon Məhkəməsinin 06 yanvar 2022-ci il tarixli 2(051)- 160/2022 nömrəli qiyabi qətnaməsindən verdiyi apellyasiya şikayətindən imtinası təsdiq edilsin. Cavabdeh münasibətdə apelyasiya icraatına xitam verilsin. Qərаrdаd çıxarıldığı andan qаnuni qüvvəyə minir. Qərаrdаddаn kassasiya şikаyəti verilə bilməz. Sədrlik edən: Ələddin Məcidov Hаkimlər: Mahir Əsədli Ayaz Mahmudov