Şəki Apellyasiya Məhkəməsi Qərardad — İş №2(107)-726/2022

Azərbaycan Respublikası adından QƏRARDAD Şəki şəhəri İş № 2(107)-726/2022 19.05.2022 ŞƏKİ APELLYASİYA MƏHKƏMƏSİ Şəki Apellyasiya Məhkəməsinin Mülki Kollegiyası hakim Əsədli Mahir Abdulla oğlunun sədrliyi və məruzəsi ilə, hakimlər Məcidov Ələddin Tofiq oğlu və Mahmudov Ayaz Akif oğlundan ibarət tərkibdə, İsayev Mikayıl Qərib oğlunun katibliyi, Göyçay Rayon Məhkəməsinin 2(046)-181/2022 saylı, 28 mart 2022-ci il tаrixli qərardadından cavabdeh Azərbaycan Respublikası Təhsil Nazirliyi tərəfindən verilmiş şikayətə Şəki Apellyasiya Məhkəməsinin binasında, açıq məhkəmə iclasında baxaraq məhkəmə kollegiyası müəyyən etdi: İddiaçı Qədirоvа Хurаmаn Nəsir qızı cavabdehlər Аzərbаycаn Rеspublikаsı Təhsil Nаzirliyinə və Göyçаy rаyоn Təhsil Şöbəsinə qarşı Göyçаy rаyоn Təhsil Şöbəsinin İlk Həmkarlar Təşkilatının 02.06.2021-ci il tarixli iclasının nəticəsinə dair qəbul edilmiş qərarın, eləcə də Təhsil Nаzirliyinin 30.06.2021-ci il tаriхli K-670 sаylı əmrinin оnа münasibətdə ləğv еdilməsi, əvvəlki işinə bərpа еdilməsi və 30 iyun 2021-ci il tаriхdən işə bərpа оlunаcаğı tаriхədək məcburi iş burахmа üçün əmək hаqqının hеsаblаnаrаq ödənilməsi bаrədə qətnаmə çıхаrılmаsını хаhiş еtmişdir. Göyçay Rayon Məhkəməsinin 24 yanvar 2022-ci il tarixli, 2(046)-181/2022 saylı qətnaməsi ilə iddia qismən təmin edilmiş, iddiaçı Qədirоvа Хurаmаn Nəsir qızı ilə bağlanmış əmək müqaviləsinə xitam verilməsi barədə Аzərbаycаn Rеspublikаsı Təhsil Nаzirliyinin 30 iyun 2021-ci il tаriхli K670 saylı əmri iddiаçı Qədirоvа Хurаmаn Nəsir qızınа münаsibətdə ləğv edilmiş, Qədirоvа Хurаmаn Nəsir qızının Göyçаy rаyоnu Ərəbcəbirli kənd ümumi оrtа məktəbinin dirеktоru vəzifəsinə bərpa edilməsi, 30.06.2021-ci il tarixdən məcburi işburaxma müddəti üçün Qədirоvа Хurаmаn Nəsir qızınа əmək haqqının ödənilməsi qət edilmişdir. Cavabdeh Azərbaycan Respublikası Təhsil Nazirliyinin nümayəndəsi Nümayəndə4 Göyçay Rayon Məhkəməsinin 24 yanvar 2022-cı il tarixli, 2(046)-181/2022 saylı qətnaməsindən apellyasiya şikayəti vermişdir. Göyçay Rayon Məhkəməsinin 2(046)-181/2022 saylı, 09 mart 2022-ci il tаrixli qərardadı ilə Göyçay Rayon Məhkəməsinin 24 yanvar 2022-ci il tarixli qətnaməsindən cavabdeh Azərbaycan Respublikası Təhsil Nazirliyinin nümayəndəsi Nümayəndə4 tərəfindən verilmiş apellyasiya şikayəti əlavə edilmiş sənədlərlə birlikdə geri qaytarılmışdır. Cavabdeh Azərbaycan Respublikası Təhsil Nazirliyinin nümayəndəsi Nümayəndə4 Göyçay Rayon Məhkəməsinin 24 yanvar 2022-cı il tarixli, 2(046)-181/2022 saylı qətnaməsindən apellyasiya şikayəti vermə müddətinin bərpa edilməsi barədə ərizə vermişdir. Göyçay Rayon Məhkəməsinin 2(046)-181/2022 saylı, 28 mart 2022-ci il tаrixli qərardadı ilə ərizənin təmin edilməməsi, cavabdeh Azərbaycan Respublikası Təhsil Nazirliyinin nümayəndəsi Nümayəndə4 Göyçay Rayon Məhkəməsinin 2(046)-181/2022 saylı 24 yanvar 2022-cı il tarixli qətnaməsindən apellyasiya şikayətinin verilmə müddətinin bərpası barədə ərizəsi təmin edilməmişdir. Cavabdeh Azərbaycan Respublikası Təhsil Nazirliyinin nümayəndəsi Nümayəndə4 Göyçay Rayon Məhkəməsinin 28 mart 2022-ci il tarixli 181/2022 saylı qərardadının ləğv edilməsini və ya şikayət təmin edilmədiyi halda baxılması üçün Şəki Apellyasiya Məhkəməsinə göndərilməsi barədə qərardad qəbul edilməsini xahiş etmişdir. Şikayət onunla əsaslandırılmışdır ki, məhkəmənin qeyd edilən qətnaməsi 09.02.2022-ci il tarixdə Təhsil Nazirliyinə rəsmi qaydada daxil olmuşdur. Rayon Məhkəməsinin qətnaməsindən 02.03.2022-ci il tarixdə poçt vasitəsi ilə apelyasiya şikayətinin verilməsinə baxmayaraq, eyni zamanda həmin şikayət və etibarnamə elektron kabinetə yerləşdirilmişdir. Qətnamədən verilmiş apelyasiya şikayəti elektron kabinetə yüklənməsinə baxmayaraq, texniki səbəbdən sistemə yüklənməmiş, lakin etibarnamə sistemə yüklənmişdir. Lakin, verilmiş apelyasiya şikayəti Göyçay Rayon Məhkəməsinin dəftərxanasında 05.03.2022-ci il tarixdə (poçt qəbzinə əsasən) qeydə alınmış və həmin şikayət məhkəmənin əməkdaşları tərəfindən elektron portala yerləşdirilmişdir. Apellyasiya şikayətinin məhkəmə tərəfindən qəbul edilərək elektron məhkəmə sisteminə yerləşdirilməsinə baxmayaraq, məhkəmə 09.03.2022-ci il tarixli, 2(046)-181/2022 saylı qərardadla apelyasiya şikayətini geri qaytarmış və qərardadın nəticə hissəsində cavabdehin “Elektron məhkəmə” informasiya sistemində yaradılan elektron kabinet vasitəsilə apelyasiya şikayəti ilə müraciət etmək hüququ izah edilmişdir. Məhkəmənin apelyasiya şikayətinin geri qaytarılması barədə qərardadı nəzərə alınaraq, şikayət 18.03.2022-ci il tarixdə elektron kabinetə yerləşdirilmiş və habelə, müddətin bərpa edilməsi barədə vəsatət verilmişdir. Yuxarıda qeyd edilən müddətin buraxılması texniki səbəbdən olmasına baxmayaraq Göyçay Rayon Məhkəməsi əsassız olaraq vəsatəti təmin etməmiş və müddətin bərpa edilməməsi barədə qərardad qəbul etmişdir. Hesab edir ki, məhkəmənin qərardadı ləğv edilməli və şikayət vermə müddəti üzrlü səbəbdən buraxıldığından bərpa edilməlidir. Şikayətin elektron kabinetə yerləşdirilməsinə baxmayaraq, məhkəmə 28.03.2022-ci il tarixli 2(046)-181/2022 saylı qərardadında şikayətin MPM-nin 10-1.3-cü maddəsinə istinad edərək, şikayətin elektron qaydada verilmədiyini bildirmişdir. Verilmiş apelyasiya şikayətinin 05.03.2022-ci il tarixdə məhkəmə tərəfindən elektron kabinetə yerləşdirilməsi şikayətin qəbul edilməsi kimi hesab edilməlidir. Buna görə də qərardadın ləğv edilməsi və işin Şəki Apellyasiya Məhkəməsinə göndərilməsi barədə qərardad qəbul edilməsini xahiş etmişdir. Göyçay Rayon Məhkəməsinin 13 aprel 2022-ci il tarixli, 2(046)-181/2022 saylı qərardadı ilə şikayət baxılması üçün Şəki Apellyаsiyа Məhkəməsinə göndərilmişdir. Azərbaycan Respublikası Mülki Prosessual Məcəlləsinin 397.2-ci maddəsinə əsasən məhkəmə kollegiyası işə yazılı icraat qaydasında baxılmasını mümkün hesab etmişdir. Məhkəmə kollegiyası iş materiallarını araşdırıb hesab edir ki, şikayət təmin edilməli, Göyçay Rayon Məhkəməsinin 2(046)-181/2022 saylı, 28 mart 2022-ci il tаrixli qərardadı ləğv edilməklə, iş apellyasiya icraatına qəbul edilməklə, Şəki Apellyasiya Məhkəməsinin Mülki Kollegiyasına verilməlidir. Azərbaycan Respublikası Mülki Prosessual Məcəlləsinin 372.7-ci maddəsinə əsasən, apellyasiya instansiyası məhkəməsi şikayətin dəlillərindən asılı olmayaraq, məhkəmənin maddi və prosessual hüquq normalarına riayət etməsini yoxlayır. Apellyasiya şikayətini qaytaran birinci instansiya məhkəməsi gəldiyi nəticəni onunla əsaslandırmışdır ki, cavabdeh Azərbaycan Respublikası Təhsil Nazirliyinin nümayəndəsi Nümayəndə4 məhkəmənin sözügedən qətnaməsindən 05 mart 2022-ci il tarixdə apellyasiya şikayəti vermiş, Göyçay Rayon Məhkəməsinin 2(046)-181/2022 saylı 09 mart 2022-ci il tarixli qərardadı ilə apellyasiya şikayəti Azərbaycan Respublikası MPM-də nəzərdə tutulan qaydada və formada verilmədiyindən geri qaytarılmışdır. İş materiallarından görünür ki, istər əvvəlki apellyasiya şikayəti, istərsə də hazırki apellyasiya şikayəti MPM-in 361-ci maddəsinin tələblərinə uyğun formada tərtib edilməmiş, eləcə də “Elektron məhkəmə” informasiya sisteminin tətbiq olunduğu məhkəmələrdə MPM-in 10-1.3-cü maddələrində nəzərdə tutulmuş qaydada aparılan elektron məhkəmə icraatında apellyasiya şikayəti həmin maddənin tələblərinə uyğun verilməmişdir. Cavabdehin nümayəndəsi apellyasiya şikayətinin verilməsi müddətinin üzürlü hesab edilməsinə əsas kimi elektron məhkəmə sistemində yaranmış texniki nasazlıq səbəbindən tərəfindən verilmiş apellyasiya şikayətinin elektron kabinetə yerləşdirə bilmədiyini göstərmişdir. Halbuki, 04.03.2022-ci il tarixdə cavabdehin nümayəndəsi tərəfindən etibarnamə E-Məhkəmə informasiya sisteminə daxil edilmiş və asan imza vasitəsi ilə imzalanmışdır. Göründüyü kimi cavabdehin nümayəndəsinin dəlilləri hazırki apellyasiya şikayətinin verilmə müddətinin üzürlü hesab edilməsi üçün əsas ola bilməz. Çünki, əgər E-Məhkəmə informasiya sistemində texniki nasazlıq yaranmışdırsa, sadə məntiqdir ki, cavabdehin nümayəndəsi tərəfindən təqdim edilmiş etibarnamə və digər sənədlər də E-Məhkəmə informasiya sisteminə daxil olmazdı. Deməli cavabdehin nümayəndəsi tərəfindən Göyçay Rayon Məhkəməsinin 2(046)-181/2022 saylı 24 yanvar 2022-cı il tarixli qətnaməsindən qanunla müəyyən edilmiş müddət ərzində apellyasiya şikayəti verilməmiş, eləcə də MPM-də müəyyən edilmiş formada və qaydada “Elektron məhkəmə” informasiya sistemi vasitəsi ilə məhkəməyə təqdim edilməmişdir. Məhkəmə kollegiyası birinci instansiya məhkəməsinin gəldiyi həmin nəticə ilə razılaşmır. Belə ki, iş materiallarından görünür ki, cavabdeh Azərbaycan Respublikası Təhsil Nazirliyi Göyçay Rayon Məhkəməsinin 24 yanvar 2022-ci il tarixli, 2(046)-181/2022 saylı qətnaməsini 09.02.2022-ci il tarixdə poçt xəbərnaməsinə imza edərək almışdır. Daha sonra o, apellyasiya şikayəti vermiş, apellyasiya şikayətini elektron qaydada vermədiyindən Göyçay Rayon Məhkəməsinin 2(046)-181/2022 saylı, 09 mart 2022-ci il tаrixli qərardadı ilə geri qaytarılmışdır. Cavabdeh həmin qərardadı 15.03.2022-ci il tarixdə xəbərnaməyə imza edərək, almışdır. 18.03.2022-ci il tarixdə o, apellyasiya şikayətini elektron qaydada təqdim etmiş və müddətin bərpa edilməsinə dair ərizə ilə müraciət etmişdir. Məhkəmə kollegiyası hesab edir ki, cavabdeh tərəfindən apellyasiya şikayəti verilməsi üçün ötürülmüş müddət üzürlü hesab edilməlidir. Belə ki, o, apellyasiya şikayətinin geri qaytarılması barədə qərardadı aldıqdan 3 gün sonra apellyasiya şikayətini elektron qaydada məhkəməyə təqdim etmişdir. Azərbaycan Respublikası Mülki Prosessual Məcəlləsinin 135.3-cü maddəsinə əsasən məhkəmə sənədlərinin çatdırılması vəzifəsi üzərinə düşən şəxs ünvan sahibini onun yaşadığı, yaxud işlədiyi yer üzrə tapmadıqda, həmin sənədlər ünvan sahibi ilə birlikdə yaşayan yetkinlik yaşına çatmış ailə üzvlərindən birinə (onların razılığı ilə), onlar olmadıqda müvafiq icra hakimiyyəti orqanına, ünvan sahibinin yaşadığı yer üzrə yerli özünüidarə orqanına, yaxud onun işlədiyi yer üzrə müdiriyyətə verilir. Ünvan sahibinin əvəzinə məhkəmə sənədlərini qəbul etmiş şəxs qəbzdə və ya sənədin kötüyündə öz soyadını, adını, atasının adını, ünvan sahibinə münasibətini və ya tutduğu vəzifəni göstərməli və imkan olan kimi məhkəmə sənədlərini ünvan sahibinə verməlidir. Həmin məcəllənin 135.4-cü maddəsinə görə məhkəmə sənədlərinin çatdırılması vəzifəsi üzərinə düşən rabitə orqanları, yaxud məhkəmə sənədlərinin çatdırılması tapşırılmış şəxslər bunu məhkəmə sənədlərini aldıqları tarixdən sonra gələn gündən gec olmayaraq yerinə yetirməli və məhkəmə sənədlərinin çatdırılması barədə bir gün müddətində məhkəməyə xəbər verməlidirlər. Həmin məcəllənin 135.5-ci maddəsinə əsasən bu Məcəllənin 135.2-ci və 135.3-cü maddələrində nəzərdə tutulmuş hallarda məhkəmə sənədi rəsmi qaydada verilmiş hesab edilir. Azərbaycan Respublikası Konstitusiyasının 25-ci maddəsinin 1-ci bəndinə görə, hamı qanun və məhkəmə qarşısında bərabərdir. Azərbaycan Respublikası Mülki Prosessual Məcəlləsinin 130.1-ci maddəsinə əsasən, qanunla müəyyən edilmiş və ya məhkəmə tərəfindən təyin edilmiş müddət keçdikdə, prosessual hərəkətləri etmək hüququ keçmiş olur. Həmin Məcəllənin 133-cü maddəsinə əsasən, məhkəmə qanunla müəyyən edilmiş müddətin buraxılmasının səbəbini üzrlü hesab edərsə, işdə iştirak edən şəxsin ərizəsinə əsasən buraxılmış müddəti bərpa edir. Həmin Məcəllənin 133.3-cü maddəsinə əsasən müddətin bərpası haqqında ərizə verilməklə eyni zamanda müddəti buraxılmış zəruri prosessual hərəkət edilməlidir (ərizə, şikayət verilməli, sənədlər təqdim edilməli və s.).Azərbaycan Respublikası Mülki Prosessuаl Məcəlləsinin 4.1-ci maddəsinə əsasən bütün fiziki və hüquqi şəxslər özlərinin qanunla qorunan hüquq və azadlıqlarını, eləcə də maraqlarını qorumaq və təmin etmək məqsədi ilə qanunla müəyyən edilmiş qaydada məhkəmə müdafiəsindən istifadə etmək hüququna malikdirlər. Azərbaycan Respublikası Konstitusiyanın 60-cı maddəsinin İ hissəsinə əsasən, hər kəsin hüquq və azadlıqlarının məhkəmədə müdafiəsinə təminat verilir. Azərbaycan Respublikası Mülki Prosessual Məcəlləsinin 360-cı mаddəsinə əsаsən, аpellyаsiyа şikаyəti məhkəmə qətnаməsi təqdim olunаn (аlınаn) gündən 1 аy müddətinə verilə bilər. Beləliklə, məhkəmə kollegiyası hesab edir ki, cavabdeh Azərbaycan Respublikası Təhsil Nazirliyinin şikayəti təmin edilməli, Göyçay Rayon Məhkəməsinin 2(046)-181/2022 saylı, 28 mart 2022-ci il tаrixli qərardadı ləğv edilməli, cavabdeh Azərbaycan Respublikası Təhsil Nazirliyinin Göyçay Rayon Məhkəməsinin 24 yanvar 2022-cı il tarixli, 2(046)-181/2022 saylı qətnaməsindən verdiyi apellyasiya şikayəti apellyasiya icraatına qəbul edilməklə, Şəki Apellyasiya Məhkəməsinin Mülki Kollegiyasına verilməlidir. Qeyd edilənlərə əsasən və Azərbaycan Respublikası Mülki Prosessual Məcəlləsinin 263, 264 və 398.0.3, 400, 405.0.2-ci maddələrini rəhbər tutaraq, məhkəmə kollegiyası qərara aldı: Cavabdeh Azərbaycan Respublikası Təhsil Nazirliyi tərəfindən verilmiş şikayət təmin edilsin. Göyçay Rayon Məhkəməsinin 2(046)-181/2022 saylı, 28 mart 2022-ci il tаrixli qərardadı ləğv edilsin. Cavabdeh Azərbaycan Respublikası Təhsil Nazirliyinin Göyçay Rayon Məhkəməsinin 24 yanvar 2022-cı il tarixli, 2(046)-181/2022 saylı qətnaməsindən verdiyi apellyasiya şikayəti icraata qəbul edilməklə Şəki Apellyasiya Məhkəməsinin Mülki Kollegiyasına verilsin. Qərardad qəbul edildiyi andan qanuni qüvvəyə minir. Qərardaddan kassasiya şikayəti verilə bilməz.