Naxçıvan MR Şərur Rayon Məhkəməsi Qərardad — İş №2(110)-256/2022

Azərbaycan Respublikası adından QƏRARDAD Şərur şəhəri İş № 2(110)-256/2022 10.05.2022 NAXÇIVAN MR ŞƏRUR RAYON MƏHKƏMƏSİ Hakim Əliyev Mehdi Ədalət oğlunun sədrliyi, Səfərova Ayşən Fazil qızının katibliyi, İddiaçı iştirakı ilə İddiaçı Cavabdehnə qarşı işə bərpa tələbinə dair mülki işə açıq məhkəmə iclasında baxaraq müəyyən etdi: İddiaçı iddia ərizəsi ilə məhkəməyə müraciət edərək Cavabdeh barəsində verdiyi Təlim-tərbiyə işləri üzrə direktor müavini vəzifəsindən azad olunması ilə bağlı əmrin ləğv edilməsi, əvvəlki vəzifəyə bərpa olunması və vəzifədən qanunsuz azad olunduğu gündən verilməyən əmək haqqının verilməsi barədə qətnamə qəbul edilməsini xahiş etmişdir. İddiaçı 10.05.2022-ci il tarixdə məhkəməyə ərizə təqdim edərək cavabdehlə öz aralarında razılığa gəldiklərindən və işə bərpa olunduğundan iddiadan imtina etdiyini bildirmişdir. Məhkəmənin əsaslandırması Məhkəmə hesab edir ki, iddiaçının iddiadan imtina etməsi qanuna zidd olmadığından və hər hansı bir şəxsin hüquqlarını və qanunla qorunan mənafeyini pozmadığından qəbul olunmalı və iş üzrə icraata xitam verilməlidir. Belə ki, Azərbaycan Respublikası Mülki Prosessual Məcəlləsinin 52.1-ci maddəsinə əsasən iddiaçı iddiadan imtina edə bilər. İddiadan imtina etmə yazılı formada ifadə edilməlidir. Mülki Prosessual Məcəllənin 191.1-ci maddəsinə görə iddiaçının iddiadan imtina etməsi məhkəmə iclasının protokoluna yazılır və protokolu müvafiq surətdə hər iki tərəf imzalayır. İddiadan imtina etmə bu hərəkətlərin nəticəsi aydın şəkildə şərh olunan, məhkəməyə göndərilən yazılı ərizələrdə də ifadə oluna bilər. Mülki Prosessual Məcəllənin 261.0.4-cü maddəsinə əsasən iddiaçı iddiadan imtina etmişsə və bu imtina məhkəmə tərəfindən qəbul olunmuşsa hakim iş üzrə icraata xitam verir. Məhkəmə göstərilənlərə əsasən və Azərbaycan Respublikası MPM-nin 52, 191, 263- 264, 266-268-ci maddələrini rəhbər tutaraq qərara aldı: İddiaçı iştirakı ilə İddiaçı Cavabdehnə qarşı işə bərpa tələbinə dair mülki iş üzrə icraata xitam verilsin. Qərardaddan işdə iştirak edən şəxslərə rəsmi qaydada verildikdən sonra 10 gün müddətinə Şərur Rayon Məhkəməsinə şikayət vermək olar. Hakim: Mehdi Əliyev